Ижтимоий соҳа ходимларини тайёрлаш тизими такомиллашади

Бирлашган Миллатлар ташкилоти Болалар жамғармаси

(ЮНИСЕФ)нинг Ўзбекистондаги ваколатхонаси, Олий ва ўрта-махсус таълим вазирлиги ҳамда Мирзо Улуғбек номидаги Ўзбекистон Миллий университети ҳамкорлигида мамлакатимизда ижтимоий соҳа ходимларини тайёрлаш тизимини кенгайтириш ва янги касбга йўналтириш бўйича янги дастурни амалга оширишга киришилди. Шу муносабат билан ЎзМУда “Ўзбекистонда ижтимоий иш соҳасидаги таълим ва амалиётни мукаммаллаштириш” мавзусида давра суҳбати бўлиб ўтди.

Мазкур дастур доирасида Нью-Йорк Колумбия университети, ЮНИСЕФ ва ЎзМУ ҳамкорлигида Ўзбекистоннинг ижтимоий соҳалари тизими учун янги кадрлар тайёрлаш борасида қатор режалар амалга оширилади.

кол1 кол2 кол3 кол4

Тадбирда ЎзМУ ректори Авазжон Мараҳимов, Ўзбекистон Республикаси Бош вазири ўринбосари, республика Хотин-қизлар қўмитаси раиси Танзила Норбоева ва бошқалар 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси тўртинчи устувор йўналиши – Ижтимоий соҳани ривожлантиришга қаратилгани, бу борада қабул қилинган қонун ва қарорлар ҳамда уларнинг ижроси, юртимизда амалга оширилаётган ислоҳотлар кўламини алоҳида таъкидладилар.

Айтиш жоизки, мазкур устувор йўналишда аҳолининг бандлиги ва реал даромадларини босқичма-босқич ошириш, аҳолининг реал пул даромадларини ва харид қобилиятини ошириш, кам таъминланган оилаларни ва аҳолининг даромадлари бўйича фарқланиши даражасини янада қисқартириш, бюджет муассасалари ходимларининг иш ҳақи, пенсия, стипендия ва ижтимоий нафақаларнинг ҳажмини инфляция суръатларига нисбатан жадал миқдорда босқичма-босқич ошириш, янги иш ўринлари яратиш ҳамда аҳолининг, энг аввало, ўрта махсус ва олий ўқув юртлари битирувчиларининг оқилона бандлигини таъминлаш, меҳнат бозори инфраструктурасининг мутаносиблиги ва ривожланишини таъминлаш, ишсизлик даражасини қисқартириш, меҳнатга қобилиятли аҳолининг меҳнат ва тадбиркорлик фаоллигини тўлиқ амалга ошириш учун шарт-шароитлар яратиш, ишчи кучи сифатини ошириш, ишга жойлаштиришга муҳтож шахсларни касбий тайёрлаш, қайта тайёрлаш ва малакасини ошириш тизимини кенгайтириш масалалари ўрин олгандир.

Ижтимоий соҳани ривожлантиришга йўналтирилган аҳоли бандлиги ва реал даромадларини изчил ошириб бориш, ижтимоий ҳимояси ва соғлиғини сақлаш тизимини такомиллаштириш, хотин-қизларнинг ижтимоий-сиёсий фаоллигини ошириш, арзон уй-жойлар барпо этиш, йўл-транспорт, муҳандислик-коммуникация ва ижтимоий инфратузилмаларни ривожлантириш ҳамда модернизация қилиш бўйича мақсадли дастурларни амалга ошириш, таълим, маданият, илм-фан, адабиёт, санъат ва спорт соҳаларини ривожлантириш, ёшларга оид давлат сиёсатини такомиллаштиришдек масъулиятли вазифаларни амалга оширишда мазкур соҳаларда фаолият кўрсатишаётган мутахассислар зиммасига улкан масъулият юклайди. Демак, бу борада етук кадрлар тайёрлаш масаласига жиддий эътибор қаратиш зарур.

Давра суҳбатида ЮНИСЕФнинг Ўзбекистондаги ваколатхонаси раҳбари Саша Грауманн, Колумбия университети Ижтимоий иш мактаби профессори Набила Эль-Бассел, мазкур мактаб доценти Луиза Гилберт ва бошқа мутахассисларнинг маърузалари катта қизиқиш билан тингланди.

Давра суҳбати иштирокчилари бу мавзуда ўзларини қизиқтирган саволларига жавоблар олдилар.

 Улуғбек УСМОНОВ,

ЎзМУ газетаси мухбири

***

Ижтимоий соҳадаги халқаро ҳамкорлик

Мирзо Улуғбек номидаги Ўзбекистон Миллий университетида БМТ Болалар жамғармаси (ЮНИСЕФ)нинг мамлакатимиздаги ваколатхонаси ҳамда Олий ва ўрта махсус таълим вазирлиги ҳамкорлигида “Ўзбекистонда ижтимоий иш соҳасидаги таълим ва амалиётни мукаммаллаштириш” деб номланган илмий-амалий конференция бўлиб ўтди.

Болага эътибор унинг келажагига эътибордир. Мамлакат истиқболи учун қайғуриш болага ғамхўрликдан бошланади. Мурғак фарзанднинг беғубор орзу-интилишларини қўллаб-қувватлаш, унинг ҳар томонлама комил инсон бўлиб вояга етишига кўмаклашиш ҳар қандай жамиятда асосий вазифалардан бири бўлиб қолаверади. Мамлакатимизда ҳам бу борада тизимли ишлар амалга оширилмоқда.

Ўзбекистон билан ЮНИСЕФ ўртасида ижтимоий муҳофаза соҳасидаги ҳамкорлик натижасида “Бола ҳуқуқларининг кафолатлари тўғрисида”ги Ўзбекистон Республикаси қонуни кучга кирди. Бола ҳуқуқлари ҳимоясини изчил давом эттириш бўйича ҳамкорлик дастурлари ишлаб чиқилиб, мунтазам амалга оширилмоқда.

ЮНИСЕФ Ўзбекистондаги фаолияти давомида бутун мамлакат бўйлаб болалар учун энг мақбул яшаш шароитларини яратиш, жумладан, юқори сифатли таълим олиш, соғлиқни сақлаш хизматларидан баҳраманд бўлиш имкониятларини кенгайтириш, ижтимоий муҳофазани янада кучайтириш ҳамда ёш авлод ўз оиласида улғайиши ва камол топишига кўмаклашиш каби хайрли ишлар билан шуғулланиб келмоқда.

Конференцияда ижтимоий заиф оилаларга кўмак бериш ва ҳар бир боланинг яшаш ҳуқуқи ҳамда уларга нисбатан зўравонлик, камситиш ва бепарволикка қарши курашиш чораларини кучайтириш, янги дастур бўйича тегишли вазирликларнинг фаолиятини баҳолаш, ижтимоий соҳада стандарт операцион тартиб-қоидаларни ишлаб чиқиш, ижтимоий иш соҳаси бўйича малакали кадрлар тайёрлаш юзасидан фикр алмашилди.

– Ўзбекистонда ижтимоий соҳага алоҳида эътибор қаратиб келинади. Бу борада яхши қонунчилик базаси шаклланган, – дейди ЮНИСЕФнинг Ўзбекистондаги ваколатхонаси раҳбари Саша Грауманн. – Бизнинг ҳамкорлигимиз Ўзбекистондаги ижтимоий соҳа сифатини ошириш ва уларни амалиётга жорий этишга хизмат қилади.

Тадбирда Ўзбекистон Республикаси Бош вазири ўринбосари, Республика Хотин-қизлар қўмитаси раиси Т.Норбоева сўзга чиқди.

 Файёз Ачилов, ЎзА

You may also like...

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>