Иқрор

Дониш домла илҳом келса  ёзади шеър,

Мухлисларим мамнун бўлса, бўлди-да дер.

4

Болаликда бахтим шул экан:

Хато қилсам тергаб турарди.

Отам панду насиҳат қилса,

Аямасдан онам урарди…

Устозлар ҳам кўз-қулоқ эди,

Огоҳ этиб қўярди хавфдан.

Минг тентираб юраверсам-да,

Асло чиқиб қолмасдим сафдан!

Ортда қолди болалик, ғўрлик,

Энди мени тергамас ҳеч ким.

Билиб-билмай хато қилсам-да

Томошабин бўлиб турар жим…

Зимдан амал талашган каслар,

Тикан ташлаб қўяр йўлимга.

Айбим топа олмасалар-да,

Кишан солмоқ бўлар қўлимга.

Ортга қайтиш иложи йўқдир,

Оллоҳ ошно қилгин сабрга.

Берган умринг бехато яшаб,

Сўнг тинчгина кетай қабрга…

2

 Тўлқин ЭШБЕК

You may also like...

1 Response

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>