Миллий университетда ўқиш орзусида

Ҳар бир иқтидорли йигит-қиз келгусида олий маълумотли мутахассис бўлишга интилади.

Бунинг учун улар ўзлари танлаган олий таълим муассасаларига ҳужжат топширадилар. Абитуриент деган номга эга бўлгач, тест синовларига янада астойдилроқ тайёргарлик кўрадилар, албатта.

Мирзо Улуғбек номидаги Ўзбекистон Миллий университетининг фусункор табиати ҳар қандай кишини мафтун этади. Ўқув бинолари ва бошқа иншоотларнинг теварак-атрофида яшнаб турган дов-дарахтлар, турфа гулларга боқиб дилингиз яйрайди. Бу даргоҳга қадам ранжида қилган киши ўзини бир зум биҳиштда юргандек ҳис қилади.

 каб2 каб3       каб10

Ўқишга қабул даврида бу масканга янада файз киради. Ота-оналар ва бошқа меҳмонлар учун сўлим табиат қўйнида дам олиш, ҳордиқ чиқариш жойлари ҳозирлаб қўйилади.

Айни кунларда Ўзбекистон Миллий университетига ҳужжат қабул қилиш қизғин давом этмоқда. Биз умидлар уммонида юрган абитуриентларнинг дил сўзларини қоғозга туширдик.

каб1

– Ёшлигимдан иқтисодиёт соҳасига қизиқаман. ЎзМУнинг С.Сирожиддинов номли Академик лицейини аъло баҳоларга тамомладим. Олий маълумотли бўлиш энг катта орзуим. Ўзбекистон Республикаси Президентининг 2016 йил 26 май куни қабул қилинган “2016/2017 ўқув йилида Ўзбекистон Республикасининг олий таълим муассасаларига ўқишга қабул қилиш тўғрисида”ги Қарорини ҳаяжон билан ўқидим,– дейди ЎзМУнинг Иқтисодиёт факультетига ҳужжат топширган абитуриент Комила Шоюсупова.– Қарорда, “иқтисодиёт тармоқлари ва секторларининг олий маълумотли мутахассислар билан амалда таъминланганлигини экспертизадан ўтказиб баҳолаш натижаларига кўра бакалавриат тайёрлашнинг 18 та янги мутахассислиги жорий этилишини назарда тутувчи олий таълим йўналишлари ва мутахассисликлари рўйхатига тегишли ўзгартиришлар киритилди” деб алоҳида белгилангани менга янада кўтаринки руҳ бахшида этди. Демак, мамлакатимизда иқтисодиёт соҳасига эътибор ва кадрларга бўлган эҳтиёж тобора ортиб бормоқда. Шундай экан, келгусида иқтисодиёт соҳасида етук кадр бўлиб етишиш ва албатта она Ватанимга хизмат қилиш йўлида интилавераман.

каб5

– Қашқадарё вилоятидан келаётганимда Миллий университет пойтахтимиз Тошкент шаҳридаги энг гўзал ва файзли маскан эканлиги ҳақида эшитиб, тезроқ уни кўришга ошиққан эдим,– дейди ҳаяжон билан абитуриент Мурод Қурбонов.– Қарши Саноат коллежида ўқиб юрган кезларимдаёқ геолог бўлишни орзу қилгандим. Бугун ана шу орзулар зинасига қадам қўйдим. Ҳужжатимни ЎзМУнинг Геология ва география факультетига топширдим. Бу ерда биз учун яратилган шароитлардан қанчалик мамнун бўлганимни оддий сўзлар билан ифода этишга қийналаман…

каб4

– Ангрен тароватига тароват қўшиб турган улкан тоғ тизмалари ва унинг атрофидаги бетакрор манзараларга мафтун бўлгач, географияга қизиққанман,– дейди Ангрен Политехника касб-ҳунар коллежини аъло баҳоларга тамомлаб келган Севара Абдукабирова.– Ана шу орзуларга етишиш умидида ҳужжатимни ЎзМУнинг Геология ва география факультетига топширдим. Келгусида география ўқитувчиси бўлиб, ёш авлод қалбига она Ватанимиз манзараларини, фусункор табиати-ю бетакрор жозибасини жо қилавераман.

каб7

каб6

каб8

Қалблари ҳаяжондан жўш ураётган абитуриент йигит-қизларнинг кўзларига боқиб, атоқли шоир Ғафур Ғуломнинг қуйидаги сатрлари ёдга тушади:

Аъло мамлакатнинг аъло фарзанди,

Билиб қўйки, сени Ватан кутади!

***

каб9

Маълумот ўрнида айтиш жоизки, Ўзбекистон Миллий университетига 2016-2017 ўқув йилида бакалаврлар таълим йўналишлари ва ўқитиш тиллари бўйича жами 1324 нафар талаба қабул қилиниши белгиланган. Янги ўқув йилидан бошлаб ЎзМУ таркибида Биология, Геология ва география, Журналистика, Ижтимоий фанлар, Иқтисодиёт, Кимё, Математика, Тарих, Физика, Хорижий филология каби 10 та факультет ўз фаолиятларини давом эттиради. Уларда 37 та бакалавриат таълим йўналишлари ва 63 та магистратура мутахассисликлари бўйича кадрлар тайёрланади.

 Эркин УСМОНОВ,

“Ўзбекистон Миллий университети” газетаси мухбири.

You may also like...

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>