Тилшуносликнинг долзарб масалалари

Бугунги глобаллашган жамиятда она тилимиз билан бир қаторда чет тилларини ҳам мукаммал ўрганиш давр талабига айланган.

Мирзо Улуғбек номидаги Ўзбекистон Миллий университетида “Илмий мунозара: тилшуносликда муаммо, ечим ва ютуқлар” мавзуида республика илмий-амалий анжумани бўлиб ўтди.

Олий ва ўрта махсус таълим вазирлиги билан ҳамкорликда ўтказилган мазкур анжуманда республикамизнинг қатор университетлари профессор-ўқитувчилари, давлат ва жамоат ташкилотлари вакиллари, Германия, Франция давлатларидан ташриф буюрган мутахассислар, тилшунос олимлар, таржимонлар, тадқиқотчилар ва талабалар иштирок этдилар.

хф2

– Президентимиз Ислом Каримовнинг 2012 йил 10 декабрдаги “Чет тилларни ўрганиш тизимини янада такомиллаштириш чора-тадбирлари тўғрисида”ги қарори ва 2016 йил 13 майдаги “Алишер Навоий номидаги Тошкент давлат ўзбек тили ва адабиёти университетини ташкил этиш тўғрисида”ги фармонида белгиланган вазифалар тилшунослар, таржимонлар ҳамда шу йўналишда илмий тадқиқотлар олиб боришаётган педагог ходимлар зиммасига улкан масъулият юклайди,– деди ЎзМУ биринчи проректори Файзулла Агзамов.– Миллий университетимизда чет тилини ўқитиш сифатини янада ошириш, замонавий педагогик технологиялар орқали таълим жараёнини янги сифат босқичига олиб чиқиш, замонавий электрон дарсликлар, луғатлар яратиш борасида кенг кўламли вазифалар изчил амалга оширилмоқда. Бу борада ривожланган мамлакатлар олий таълим муассасалари билан илмий ҳамкорликлар ўз самарасини кўрсатмоқда.

Анжуманда профессорлар Абди Маматов, Жамолиддин Ёқубов, адабиётшунос олим Иброҳим Ғафуров, Тошкентдаги Германиянинг ДААД вакили доктор Г.Вегмарсхаус, Франциянинг Франсуа Рабле номидаги Тур университети ўқитувчиси Жонатан Леконт ва бошқа тадқиқотчиларнинг маърузалари тингловчиларда катта қизиқиш уйғотди.

  хф1

хф3

хф5

– Бугунги кунда ёш авлодга чет тилини мукаммал ўргатиш, бу борада таълим сифатини ошириш каби вазифалар зиммамизга улкан масъулият юклайди,– дейди ЎзМУ Хорижий филология факультети Француз филологияси кафедраси мудири Раҳима Ширинова.– Биз хорижлик мутахассислар билан ҳамкорликда амалга ошираётган лойиҳалар ўз самарасини кўрсатмоқда.

хф4

Конференцияда замонавий тилшуносликнинг умумназарий, матн лингвистикаси, адабиётшунослик, адабий алоқалар ва маданиятлараро муносабатлар, лингвистик таржимада лингвомаданий хусусиятлар, чет тилини ўқитиш анъаналари ва инновациялари каби долзарб масалалар муҳокама этилди.

хф6

 Улуғбек Усмонов,

ЎзМУ газетаси мухбири

You may also like...

3 Responses

  1. Маматов Абди профессор:

    нуфузи юқори конференция бўлди

  2. Universitetimizda shunday nufuzli konferensiya bo’lib o’tgani bizni yanada quvontirdi desam mubolag’a bo’lmaydi. Biz yoshlarga shunchalar e’tibor qaratilayotgani bizni faxrlanish va g’ururlanish tuyg’ulari bilan birga yelkamizga katta mas’uliyat yuklashini ham unutmaymiz!

  3. Tilshunoslikning dolzarb masalalariga bag’ishlangan ushbu anjumanda ko’plab chet ellik mexmonlarning qatnashganlkilari yanada e’tiborga loyiqdir. Bu islohotlar natijasida biz yoshlar chet tillarini o’rganishimizga yanada ko’proq imkon yaratishidan bexad shodlandim.

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>