ЎзМУ кадри — халқ шоири!

Мирзо Улуғбек номидаги Ўзбекистон Миллий университети (авалги — ТошДУ)

 Ўзбек филологияси факультетини тамомлаган истеъдодли шоир ва таржимон, Ўзбекистон Ёзувчилар уюшмасининг Халқаро алоқалар ва бадиий таржима бўлими бошлиғи Рустам Мусурмонни Қорақалпоғистон Республикаси халқ шоири унвони билан тақдирлангани билан самимий муборакбод этамиз. Рустам Мусурмон тез-тез ЎзМУ талабалари билан ижодий учрашувлар ўтказади. Айни пайтда у шу даргоҳда ижодий маҳорат мактабини очиш ниятида, дейди Дониш домла.

На изображении может находиться: 1 человек, на улице и часть тела крупным планом
 РУСТАМ МУСУРМОН ҚОРАҚАЛПОҒИСТОН РЕСПУБЛИКАСИ ХАЛҚ ШОИРИ УНВОНИ БИЛАН ТАҚДИРЛАНДИ

Хушхабар!
Таниқли шоир ва таржимон, Ўзбекистон Ёзувчилар уюшмасининг Халқаро алоқалар ва бадиий таржима бўлими бошлиғи Рустам Мусурмон Қорақалпоғистон Республикаси Жўқорғи Кенгесининг Президиуми қарорига кўра, Қорақалпоғистон Республикаси халқ шоири унвони билан тақдирланди. Шу муносабат билан биз ижодкорни кўп сонли адабиёт мухлислари номидан табриклаймиз. Келгуси ижодига зафарлар тилаймиз.

Рустам Мусурмон 1963 йилнинг 26 августида Қашқадарё вилояти Китоб туманининг Яккатут қишлоғида туғилган. Ўзбекистон Миллий университетининг ўзбек филологияси факультетини тамомлаган. Шоирнинг “Руҳимнинг товуши”, “Хиргойи” шеърий тўпламлари, “Руҳ насибаси” достони, “Муқанна” қиссаси адабиёт ихлосмандларига яхши таниш.
Шоир бадиий таржимон сифатида ҳам баракали ижод қилиб келяпти. Хусусан, у қорақалпоқ халқининг ардоқли фарзандлари Ажиниёз, Бердақ шеърларини, Ибройим Юсуповнинг танланган асарларини, Ўразбой Абдураҳмоновнинг “Оролим – дардим менинг” роман-эссесини, Кенгесбой Каримовнинг “Оғабий” романини, Муратбой Низановнинг “Ҳаво кемасидаги икковлон” қиссасини, Бахтиёр Генжамуроднинг “Укуздарё битиклари” шеърлар ва достонлар тўпламини, “Мадэхон сўзи ёхуд Чин ипагидаги битик”, “Қорақалпоқ” достонларини, Алланазар Абдиевнинг қатор ҳикояларини ўзбек тилига маҳорат билан ўгирган.
Шунингдек, у Ўзбекистон Ёзувчилар уюшмаси томонидан “Биринчи китобим” рукнида чоп этилган, қорақалпоғистонлик ёш ижодкорлар Сарвиноз Мусаддинованинг “Карвон йўллари”, Аллаёр Дарминовнинг “Ой дўст” шеърий тўпламларининг таржимонидир.
Ўзбекистон Республикасида хизмат кўрсатган маданият ходими Рустам Мусурмоннинг туркум шеърлари ва публицистик мақолалари қорақалпоқ адабий нашрлари “Амударё” журналида, “Эркин Қорақалпоғистон”, “Қорақалпоқ адабиёти”, газеталарида чоп этиб келинмоқда.
Эслатиб ўтамиз, шоир 1999 йилда “Шуҳрат” медали билан, 2016 йилда “Ўзбекистон Республикасида хизмат кўрсатган маданият ходими” унвони билан тақдирланган.

Ўзбекистон Ёзувчилар уюшмаси

You may also like...

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>