ЎзМУ Қабул комиссияси Ахборот хизмати хабарномаси

Пресс-релиз

аб3

Мирзо Улуғбек номидаги Ўзбекистон Миллий университети Ахборот хизмати

Тошкент шаҳри, Олмазор тумани, “Ёшлик” шаҳарчаси

Тел: 227-15-42; Телеграмм: +99890-9120963 Факс: 246-53-21. Электрон почта: tueshbek@mail.ru __________________________________________________________

 Мамлакатимиздаги энг юксак олий таълим муассасаси – аср тенгдоши бўлган Мирзо Улуғбек номидаги Ўзбекистон Миллий университетига 2018-2019 ўқув йили учун қабул давом этмоқда. Айни пайтда ЎзМУнинг Биология, География ва табиий ресурслар, Геология ва геоинформацион тизимлар, Ижтимоий фанлар, Иқтисодиёт, Кимё, Математика, Таэквондо ва спорт фаолияти, Тарих, Хорижий филология, Физика факультетларига ҳужжатлар қабул қилинмоқда.

2017-2018 ўқув йилида бакалаврлар тайёрлаш бўйича ЎзМУга 1395 та, магистрлар тайёрлаш бўйича 391 та қабул квотаси ажратилган бўлса, бу йил бу рақамлар бакалаврлар тайёрлаш бўйича – 2295 та, магистрлар тайёрлаш бўйича 475 тани ташкил этмоқда.

Ўтган йиллар мобайнида бу ўқув масканида таҳсил олган атоқли олимлардан 107 нафари академик даражасига эришганлар. Улардан 23 нафари Ўзбекистон Фанлар академияси президенти ва вице-президентлари бўлганлар. Олима аёллардан 130 дан ортиғи фан доктори ва профессор илмий унвонларини олганлар. Бугунги кунда ЎзМУда 29 нафар академик, 150 дан ортиқ фан доктори ва профессор, 400 дан зиёд фан номзоди, фалсафа доктори ва доцентлар фаолият кўрсатишаётган бўлса, 200 дан ортиқ ёш олимлар ва 500 дан зиёд иқтидорли талабалар илмий тадқиқотлар олиб боришмоқда.

Шу кунга қадар ЎзМУ талабаларидан 30 нафардан ортиғи Президент стипендианти, 25 нафардан зиёди Мирзо Улуғбек номидаги ва 30 нафардан зиёди Алишер Навоий номидаги давлат стипендиялари соҳиби бўлганлар. Шу билан бир қаторда ўнлаб иқтидорли талабалар халқаро фан олимпиадалари, спорт мусобақалари ғолиблари сифатида дунёга донг таратмоқдалар!

Жаҳонга бўй кўрсатаётган ЎзМУ айни пайтда АҚШ, Англия, Германия, Япония, Франция, Жанубий Корея, Хитой, Россия, Исроил, Туркия каби 30 дан ортиқ ривожланган давлатларнинг олий таълим муассасалари билан ҳамкорлик қилмоқда. Талабалар ўқиш давомида шу хориж университетларида ҳам билим ва малакаларини ошириш имконига эга бўладилар!

Пойтахтимиз Тошкентнинг энг сўлим гўшаси – “Ёшлик” шаҳарчаси кўркига кўрк қўшиб турган ЎзМУда таҳсил олиш энг эзгу ниятли ёшларимизга насиб этсин!

 ЎзМУ Ахборот хизмати

аб4

O‘zMU Qabul komissiyasi Axborot xizmati xabarnomasi

Press-reliz

Mirzo Ulug‘bek nomidagi O‘zbekiston Milliy universiteti Axborot xizmati

Toshkent shahri, Olmazor tumani, “Yoshlik” shaharchasi

Tel: 227-15-42; 90-9120963 Faks: 246-53-21. Elektron pochta: tueshbek@mail.ru __________________________________________________________

 Mamlakatimizdagi eng yuksak oliy ta’lim muassasasi – asr tengdoshi bo‘lgan Mirzo Ulug‘bek nomidagi O‘zbekiston Milliy universitetiga 2018-2019 o‘quv yili uchun qabul davom etmoqda. Ayni paytda O‘zMUning Biologiya, Geografiya va tabiiy resurslar, Geologiya va geoinformatsion tizimlar, Ijtimoiy fanlar, Iqtisodiyot, Kimyo, Matematika, Taekvondo va sport faoliyati, Tarix, Xorijiy filologiya, Fizika fakultetlariga hujjatlar qabul qilinmoqda.

2017-2018 o‘quv yilida bakalavrlar tayyorlash bo‘yicha O‘zMUga 1395 ta, magistrlar tayyorlash bo‘yicha 391 ta qabul kvotasi ajratilgan bo‘lsa, bu yil bu raqamlar bakalavrlar tayyorlash bo‘yicha – 2295 ta, magistrlar tayyorlash bo‘yicha 475 tani tashkil etmoqda.

O‘tgan yillar mobaynida bu o‘quv maskanida tahsil olgan atoqli olimlardan 107 nafari akademik darajasiga erishganlar. Ulardan 23 nafari O‘zbekiston Fanlar akademiyasi prezidenti va vitse-prezidentlari bo‘lganlar. Olima ayollardan 130 dan ortig‘i fan doktori va professor ilmiy unvonlarini olganlar. Bugungi kunda O‘zMUda 29 nafar akademik, 150 dan ortiq fan doktori va professor, 400 dan ziyod fan nomzodi, falsafa doktori va dotsentlar faoliyat ko‘rsatishayotgan bo‘lsa, 200 dan ortiq yosh olimlar va 500 dan ziyod iqtidorli talabalar ilmiy tadqiqotlar olib borishmoqda.

Shu kunga qadar O‘zMU talabalaridan 30 nafardan ortig‘i Prezident stipendianti, 25 nafardan ziyodi Mirzo Ulug‘bek nomidagi va 30 nafardan ziyodi Alisher Navoiy nomidagi davlat stipendiyalari sohibi bo‘lganlar. Shu bilan bir qatorda o‘nlab iqtidorli talabalar xalqaro fan olimpiadalari, sport musobaqalari g‘oliblari sifatida dunyoga dong taratmoqdalar!

Jahonga bo‘y ko‘rsatayotgan O‘zMU ayni paytda AQSh, Angliya, Germaniya, Yaponiya, Fransiya, Janubiy Koreya, Xitoy, Rossiya, Isroil, Turkiya kabi 30 dan ortiq rivojlangan davlatlarning oliy ta’lim muassasalari bilan hamkorlik qilmoqda. Talabalar o‘qish davomida shu xorij universitetlarida ham bilim va malakalarini oshirish imkoniga ega bo‘ladilar!

Poytaxtimiz Toshkentning eng so‘lim go‘shasi – “Yoshlik” shaharchasi ko‘rkiga ko‘rk qo‘shib turgan O‘zMUda tahsil olish eng ezgu niyatli yoshlarimizga nasib etsin!

 O‘zMU Axborot xizmati

You may also like...

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>