Ғўзапоядан ёғоч пайрахали плиталар ишлаб чиқарилади

Бўларкан-ку, дейди Дониш домла ҳаяжонини боса олмай. Ҳар йили куз адоғи-ю

қиш ойларида қанча далаларимизни беҳисоб ғўзапоялардан «тозалаш» учун ўт қўйиб юборадиганлар ҳам кам эмасди… Ноннинг увоғи ҳам нон, сувнинг ҳар бир томчиси зарга тенг, деган ақидаларни давом эттириб, ғўзапоянинг ҳар бир шохчасини кўзга суртсак арзийдиган кунлар ҳам келди! Энди кўпқаватли уйларда ҳам полсиз хоналар қолмаслиги аниқ! Яшасин тараққиётга хизмат қилаётган иқтисодий ҳамкорликлар!

Фото: dic.academic.ru

 gazeta.uz сайтида хабар берилишича, учта ҳудудда ғўзапоядан ёғоч пайрахали плиталар ишлаб чиқариш бўйича замонавий заводлар ишга тушади.

Лойиҳалар ХХР Раиси Си Цзиньпиннинг июнь ойидаги Ўзбекистонга расмий ташрифи вақтида имзоланган шартномалар доирасида амалга оширилмоқда.

Бозоргир импорт ўрнини босувчи маҳсулотлар Жиззах вилоятидаги «Жиззах қурилиш зийнати» ХФ (йилига 10 минг куб метр), Сурхондарё вилоятидаги «Термиз-таъминот» ХК (10 минг) ва Тошкент вилоятидаги Seowon Kiup ХК (30 минг) қувватларида ишлаб чиқарилади.

2017 йил сўнгига қадар ишга туширилиши лозим бўлган учала лойиҳанинг умумий мўлжалланган қиймати 7,3 млн доллар эквивалентига тенг. Улар компанияларнинг ўз шахсий маблағлари, миллий ва хорижий банклар кредитлари ҳамда тўғридан-тўғри чет эл компанияси (Seowon Kiup) инвестицияси ҳисобидан молиялаштирилади.

You may also like...

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>