2017 йилдан бошлаб олий таълим муассасаларига ҳужжатлар 15 июндан 15 июлга қадар қабул қилинади

Миллий матбуот марказида Ўзбекистон Республикаси Вазирлар Маҳкамаси ҳузуридаги Давлат тест маркази матбуот анжумани ўтказди.


2017-2018 ўқув йилидан бошлаб олий таълим муассасаларига ҳужжатлар қабул қилиш муддати 15 июндан 15 июлга қадар бўлади. Олий ҳарбий таълим муассасаларидаги тест синовлари эса 5 июль куни ўтказилади.

Бу абитуриентларга янада кўпроқ қулайлик яратиш, таълим муассасаларини тест жараёнига тайёрлаш, белгиланган бинолар ва аудиторияларни керакли жиҳоз ва ускуналар, ўқув воситалари билан таъминлаб, муддатидан олдин шай ҳолатга келтириш имконини беради.

Давлат тест маркази директори ўринбосари Қ.Ҳақбердиев ва бошқалар мамлакатимизда амалга оширилаётган кенг кўламли ислоҳотлар натижасида таълим муассасаларида ўқув-тарбиявий, маънавий-маърифий ишлар самарадорлиги юксалиб, жаҳон андозалари ва замон талабларига мос бўлган таълим стандартлари амалиётга жорий этилаётганини таъкидлади.

Биринчи Президентимиз Ислом Каримовнинг 2016 йил 26 майдаги «2016-2017 ўқув йилида Ўзбекистон Республикасининг олий таълим муассасаларига ўқишга қабул қилиш тўғрисида»ги қарорига мувофиқ олий таълим муассасаларининг бакалавр таълим йўналишларига 57 минг 907 талаба, жумладан, 19 минг 120 талаба давлат гранти, 38 минг 787 талаба тўлов-контракт асосида ўқишга қабул қилинди. 174 ўрта махсус, касб-ҳунар таълими муассасаларида саралаш тест синовлари ташкил этилиб, унда 138 минг 214 ўқувчи иштирок этди. 10 олий ҳарбий таълим муассасасида ўтказилган тест синовларида 6 минг 163 абитуриент қатнашди.

2016-2017 ўқув йилида Тошкент давлат техника, Тошкент давлат аграр, Алишер Навоий номидаги Тошкент давлат ўзбек тили ва адабиёти университетлари, Тошкент архитектура-қурилиш, Тошкент кимё-технология, Ўзбекистон давлат санъат ва маданият, Андижон қишлоқ хўжалиги, Қарши муҳандислик-иқтисодиёт институтлари, Тошкент тиббиёт академиясида янги таълим йўналишлари очилди.

– Мамлакатимизда олий таълим муассасаларига кириш истагини билдирган билимли, иқтидорли, салоҳиятли ёшлар йилдан-йилга ортиб бормоқда, – дейди Давлат тест маркази бўлим бошлиғи Қаюм Боймирзаев. – Бу йил олий ўқув юртларига 663 минг 304 абитуриент ҳужжат топширди, бу бир ўринга 11,5 йигит-қиз талабгорлик қилди, дегани.

Биринчи Президентимизнинг 2012 йил 10 декабрдаги «Чет тилларни ўрганиш тизимини янада такомиллаштириш чора-тадбирлари тўғрисида»ги қарорига мувофиқ Қорақалпоғистон Республикаси ва вилоятлардаги умумтаълим мактабларига инглиз тили ўқитувчиларини етказиб бериш мақсадида тест синовларида юқори балл тўплаган 117 нафар абитуриент қўшимча равишда ўқишга қабул қилинишга тавсия этилди.

Матбуот анжуманида журналистларнинг саволларига соҳа мутахассислари жавоб қайтарди.

 Азима Қиёсова, ЎзА

You may also like...

2 Responses

  1. Besh kun farq qilar ekan oldingilari bilan. Nima ham deymiz abituriyentlarga omad. E’tiboringizni quyidagi raqamlarga qaratmoqchiman: Бу йил олий ўқув юртларига 663 минг 304 абитуриент ҳужжат топширди, бу бир ўринга 11,5 йигит-қиз талабгорлик қилди, дегани. Bilasizmi, yildan yilga òqish uchun talab oshib bormoqda.

  2. (Tuk-tuk) Saytingizga xat keldi: Avvalambor assalomu alaykum aziz uchildiz ijodkorlari va tinib tinchimas, jonkuyar Donish domla. Fakultetimiz talabalarining purmano fikrlarini òqishdan charchamayapsizmi? Gòyo shoshib oqayotgan daryo misoli 2016 yil ham òtib bòldi. Shu kecha kunduzlarda barchada bayram kayfiyati hukmron. Bugun ba’zi bir yumushlar bilan poytaxtimizdagi 4-5 ta bozorga bordim. Bozorlarimizda barcha narsa bisyor. Odamlarda esa pul. Yarmarkalarda sotilayotgan mahsulotlarning narxi ham sifati ham a’lo darajada. Yangi yil òyinchoqlari sotilayotgan rastalar ham odamlar bilan govjum. Òģil bolalar qorboboning, qizlar esa yalmoģizning maskalarini sotib olishmoqda. Yarmarkada tuxum 300 sòmdan, baliqning tolstalob turi esa 6 500 sòmdan sotilmoqda. Tuxumga odamlarning navbatga turganini kòrib biroz hayratda qoldim. Gòsht rastasiga kirib qolsangiz mol, qòy, ot, echki va hatto chòchqa gòshtlarini sotishga shay bòlib xaridor poylab turgan qassoblarga ròbaru bòlasiz. Shirinliklar rastasida esa qosh kòzlari popuvdek oppoqqina opalar turli xil bezatilgan shirindan shakar torlarni qalashtirib qòyibdi. Odamlar kòproq gòsht, shirinliklar, tuxum, baliq, mandarin, olma, kalendar va ichimliklar xarid qilishmoqda. Guvohi bòldimki, »Òzvinosanot»chilarning ham ketmoni rosa uchyapti. Kimdir aroq, kimdir pivo, kimdir konyak, yana kimdir esa uchalasini ham olish uchun labini yalab turibdi. Bozordan chiqishingiz bilan qòllarida kalit òynatib turgan taksichi akalar ••taksi kerakmi, qayerga ekan•• deya sizni qarshi olishadi. Ajabo, 5-6 setka narsa xarid qilgan insonlar yon-atrofdagi oshxonalardan qorinni ham tòyģizib olishyapti. Xullas, sotuvchi, oshpaz, haydovchi, xaridor, aravachi-yu pattachigacha ish bilan mashģul. Barchada bayram kayfiyati hukmron. Bilasizmi, bularning barchasi tinchlik sabab. Ilohim bundan keyingi yangi yillarda ham bozorlarimiz xalqimiz bilan tòla bòlsin. Yirtdoshlarimizning topganlari yaxshi kunlariga nasib qilsin. Kirib kelayotgan yangi yil esa hammamizga baxt, quvonch va shodliklar olib kelsin. 2017 yil umr daftarimizga baxtli lahlazala, hayajonli damlar, unutilmas onlar, soģinib eslaydigan baxtiyor kunlarimiz ila bitilsin. Yangi yil siz aziz ustozimizga ham ulkan zafarlar, izlanuvchan shogirdlar, oilangizga tinchlik va xotirjamlik olib kelsin. Men uchun juda qiziq, Tòlqin Eshbek qorbobodan nimalarni sòragan bòlardi? Qorqizdanchi (hazil). Bayramku ustoz, bayram hazili sifatida qabul qiling. Jahlingiz chiqib, ichingiz portillab ketmaydi degan umiddaman. Yangi yil barchaga omad olib kelsin. Yangi yilingiz muborak bòlsin.

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>