“O‘zMU: Biz birga yengamiz!”

Shunday shior bilan ish boshlagan ruhiy madad markazimiz xizmatingizga tayyor!

Dunyoni tahlikaga solgan pandemiya balosi bahorning boshlarida yurtimizga kirib kelganida ko‘pichilikka u “o‘tkinchi dard”dek tuyulgandi.
Davlatimiz rahbari va hukumatimizning bu baloni bartaraf etish, xalqimiz salomatligini saqlashga qaratilgan qator qarorlari qabul qilindi. Karantin sharoitida aholini moddiy qo‘llab-quvvatlash, bemorlarga shoshilinch tibbiy xizmatlar ko‘rsatish yo‘lga qo‘yildi.
O‘zbekistonning bu boradagi sa’y-harakatlari dunyo hamjamiyati tomonidan ijobiy baholangani haqida ijtimoiy tarmoqlarda ham o‘qib yengil tortgan edik.
Taassufki, yurtdoshlarimiz orasida karantin tartib-qoidalariga yetarlicha e’tibor bilan qaramay, ko‘ra-bila turib ko‘cha-ko‘yda, jamoat joylarida yurganlar va eng achinarlisi, niqob taqmay (ko‘pincha, faqat iyagiga osib olib), qo‘l berib ko‘rishgan, hatto quchoqlashishlardan tiyilmaganlar ko‘payib ketdi… Natijada, koronavirus balosi yana urchib ketaverishiga “sharoit yaratib” qo‘ydik…
Koronavirus balosi biz tasavvur etgandan ancha xavfli ekan. Bu baloning navbatdagi to‘lqini shitob bilan yopirilayotganiga aslo befarq qarab bo‘lmaydi. Yana davom etayotgan karantin sharoitida har birimiz o‘ylab qadam tashlashimiz bag‘oyat zaruratga aylandi.
So‘nggi kunlarda vaziyat ancha og‘irlashgani, kasallik kamayish o‘rniga ko‘payib borayotganidan ko‘z yuma olmaymiz. Prezidentimizning videoselektor yig‘ilishlarida bu borada bildirgan fikrlarini har bir fuqaromiz mushohada qilib ko‘rmog‘i lozim.
Dard borki – uning da’vosi ham bor, albatta.
Har qanday dardning birinchi davosi – ruhiy tetiklik, hayotga umidvorlik, qalbda iymonu Yaratganning O‘zidan madad tilab yashashdir! Shunday kayfiyatdagi insonlarning qanchalik og‘ir dardlarni mardona yengib yashayotganlarini ko‘rib yuribmiz.
Eng yomoni – tushkunlik, umidsizlik, asabni egovlaydigan ming‘ir-ming‘iri bilan ruhan cho‘kishdir. Bunday bandalar virus yuqmasayam o‘z-o‘zidan “cho‘kib” ketishi hech gapmas.

Ayni paytda yurtimizda pandemiyaning navbatdagi to‘lqiniga qarshi kurash qizg‘in ketayotgan bir pallada ko‘p odamlar turli axborot oqimidan karaxt bo‘lib qolmoqda. Buning oqibatida shu kasallikka chalinish hollari ko‘paymoqda.
Aqliraso insonlar, qancha mutasaddilar, tibbiyot xodimlari barchani ogohlikka chaqiryapti. Lekin bu chaqiriqqa qancha odam astoydil quloq tutmoqda?
Nazdimizda, bu chaqiriqlarga quloq tutmay, beparvo yurganlar ko‘pchilikni tashkil etayotganga o‘xshaydi.
Ba’zilarda tushkunlik kayfiyati sezilmoqda.
Kimlardir dori-darmon to‘plash bilan ovora…
Shifokor tavsiyasiga quloq tutish o‘rniga ba’zi ijtimoiy tarmoqlardagi oldi-qochdi gaplarga ishonib, o‘zicha “davolanayotgan”lar ko‘paymoqda. Natijada ular o‘zlariga jabr qilishmoqda.
Ayrim irodasi bo‘shroq kimsalar “tarkidunyo qilish”gacha borayotgani kulgili hol emasmi?..
Odam degan o‘zini asrash, biror dardga chalingan taqdirda sog‘ayish yo‘lida olg‘a intilish o‘rniga ruhan “sinish”ga moyillik bildirib o‘tirishini qandoq tushunmoq kerak?
Biz ma’rifatparvar ziyolilarning asosiy vazifamiz – hayotimiz uchun juda dolzarb mavzularni aholi o‘rtasida targ‘ib-tashviq qilishdan iboratdir.
Shuni inobatga olgan holda Mirzo Ulug‘bek nomidagi O‘zbekiston Milliy universiteti jamoasi:
“O‘zMU: Biz birga yengamiz!”
shiori ostida xalq ichiga quchoq ochib borishga azmu qaror qildi!
Albatta, xozirgi sharoitda “Quchoq ochish” faqat ijtimoiy tarmoqlar, telegram kanallari, televideniye, radio orqali amalga oshishini izohlashga hojat yo‘q.
O‘zMUning tajribali psixolog, sotsiolog, pedagog va boshqa yo‘nalishdagi mutaxassislari uzzu kun XALQ BILAN BIRGA!
Biz bu xayrli ishga birinchi galda O‘zbekiston Televideniyesi, shuningdek, “Zo‘r TV”, “Mening yurtim” kabi ko‘psonli muxlislariga ega bo‘lgan telekanallardagi fidoyi hamkasblarimizni taklif etamiz. Ularga o‘z uyimizda o‘tirgan holda telerolik, telesuhbatlarni tayyor holda yuborib turishimiz, onlayn suhbatlar o‘tkazishimiz mumkin.
Ikkinchisi, barcha radiokanallar bilan ham shunday hamkorlikni yo‘lga qo‘yishga tayyormiz.
Virtual olamda ham bu xayrli qadamlarimiz o‘z samarasini berishiga umid qilamiz.
Shu munosabat bilan:
“O‘zMU: Biz birga yengamiz!”
deb nomlangan madad markazimiz o‘z faoliyatini boshladi.
Markaz rahbari – O‘zMU Jurnalistika fakulteti dekani Mahliyo Sobirovna Mirsoatova! Telefon raqami: +998 90-8050863.
Markaz Ishchi va targ‘ibot guruhi a’zolari:
1. Nodir Xurramov +98911350646
2. Habibullo Rahmatov +998 97 4648712
3. Bobur Sultonov +998977229908
4. Abror Narziqulov +998 99 7270466
6. Ozoda Ro‘ziqulova +99899722 2907

Siz Markazga pandemiyaga qarshi kurash, bu boradagi zarur maslahatlar, shu mavzuda onlayn ko‘rsatuv, radioeshittirish, davra suhbatlari o‘tkazish yuzasidan murojaat qilishingiz mumkin.
Markazimiz rahbari kordinator sifatida bu boradagi barcha ishlarni to‘g‘ri tashkillashtirib, tegishli mutaxassilarni jalb etib berishga tayyor!
Marhamat, sog‘lom va baxtli hayot yo‘lida qo‘lni qo‘lga berib, ishga kirishdik, aziz yurtdoshlar!

To‘lqin ESHBEK,
“O‘zMU: Biz birga yengamiz!” guruhi a’zosi,
xalq deputatlari Olmazor tuman Kengashi deputati 

http://yoshlarovozi.uz/2020/07/18/ozmu-biz-birga-yengamiz/

1

“ЎзМУ: Биз бирга енгамиз!” 

 шундай шиор билан иш бошлаган Маънавий мадад марказимиз хизматингизга тайёр!

 Дунёни таҳликага солган пандемия балоси баҳорнинг бошларида юртимизга кириб келганида кўпичиликка у “ўткинчи дард”дек туюлганди.

Давлатимиз раҳбари ва ҳукуматимизнинг бу балони бартараф этиш, халқимиз саломатлигини сақлашга қаратилган қатор қарорлари қабул қилинди. Карантин шароитида аҳолини моддий қўллаб-қувватлаш, беморларга шошилинч тиббий хизматлар кўрсатиш йўлга қўйилди.

Ўзбекистоннинг бу борадаги саъй-ҳаракатлари дунё ҳамжамияти томонидан ижобий баҳолангани ҳақида ижтимоий тармоқларда ҳам ўқиб енгил тортган эдик.

Таассуфки, юртдошларимиз орасида карантин тартиб-қоидаларига етарлича эътибор билан қарамай, кўра-била туриб кўча-кўйда, жамоат жойларида юрганлар ва энг ачинарличи, ниқоб тақмай (кўпинча, фақат иягига осиб олиб), қўл бериб кўришган, ҳатто қучоқлашишлардан тийилмаганлар кўпайиб кетди… Натижада, коронавирус балоси яна урчиб кетаверишига “шароит яратиб” қўйдик…

Коронавирус балоси биз тасаввур этгандан анча хавфли экан. Бу балонинг навбатдаги тўлқини шитоб билан ёпирилаётганига асло бефарқ қараб бўлмайди. Яна давом этаётган карантин шароитида ҳар биримиз ўйлаб қадам ташлашимиз бағоят заруратга айланди.

Сўнгги кунларда вазият анча оғирлашгани, касаллик камайиш ўрнига кўпайиб бораётганидан кўз юма олмаймиз. Муҳтарам Президентимизнинг видеоселектор йиғилишларида бу борада билдирган фикрларини ҳар бир фуқаромиз мушоҳада қилиб кўрмоғи лозим.

Дард борки – унинг даъвоси ҳам бор, албатта.

Ҳар қандай дарднинг биринчи давоси – руҳий тетиклик, ҳаётга умидворлик, қалбда иймону Яратганнинг Ўзидан мадад тилаб яшашдир! Шундай кайфиятдаги инсонларнинг қанчалик оғир дардларни мардона енгиб яшаётганларини кўриб юрибмиз.

Энг ёмони – тушкунлик, умидсизлик, асабни эговлайдиган минғир-минғири билан руҳан чўкишдир. Бундай бандалар вирус юқмасаям ўз-ўзидан “чўкиб” кетиши ҳеч гапмас.

Қуйидаги сатрлар ҳам бугунги руҳий ҳолатимизга монанддир:

 

Иллат излаганга иллатдир дунё,

Ғурбат излаганга ғурбатдир дунё,

Ким нени изласа, топгай бегумон,

Ҳикмат излаганга ҳикматдир дунё!..

 

Айни пайтда юртимизда пандемиясининг навбатдаги тўлқинига қарши кураш қизғин кетаётган бир паллада кўп одамлар турли ахборот оқимидан карахт бўлиб қолмоқда. Бунинг оқибатида шу касалликка чалиниш ҳоллари кўпаймоқда.

Ақлирасо инсонлар, қанча мутасаддилар, тиббиёт ходимлари барчани огоҳликка чақиряпти. Лекин бу чақириққа қанча одам астойдил қулоқ тутмоқда?

Наздимизда, бу чақириқларга қулоқ тутмай, бепарво юрганлар кўпчиликни ташкил этаётганга ўхшайди.

Баъзиларда тушкунлик кайфияти сезилмоқда.

Кимлардир дори-дармон тўплаш билан овора…

Шифокор тавсиясига қулоқ тутиш ўрнига баъзи ижтимоий тармоқлардаги олди-қочди гапларга ишониб, ўзича “даволанаётган”лар кўпаймоқда. Натижада улар ўзларига жавр қилишмоқда.

Айрим иродаси бўшроқ кимсалар “таркидунё қилиш”гача бораётгани кулгили ҳол эмасми?..

Одам деган ўзини асраш, бирор дардга чалинган тақдирда соғайиш йўлида олға интилиш ўрнига руҳан “синиш”га мойиллик билдириб ўтиришини қандоқ тушунмоқ керак?

Биз маърифатпарвар зиёлиларнинг асосий вазифамиз – ҳаётимиз учун жуда долзарб мавзуларни аҳоли ўртасида тарғиб-ташвиқ қилишдан иборатдир. Шуни инобатга олган ҳолда Мирзо Улуғбек номидаги Ўзбекистон Миллий университети жамоаси:

“ЎзМУ: Биз бирга енгамиз!”  

шиори остида халқ ичига қучоқ очиб боришга азму қарор қилди!

Албатта, ҳозирги шароитда “Қучоқ очиш” фақат ижтимоий тармоқлар, телеграм каналлари, телевидение, радио орқали амалга ошишини изоҳлашга ҳожат йўқ.

ЎзМУнинг тажрибали психолог, социолог, педагог ва бошқа йўналишдаги мутахассислари уззу кун ХАЛҚ БИЛАН БИРГА!

Биз бу хайрли ишга биринчи галда Ўзбекистон Телевидениеси, шунингдек, “Зўр”, “Менинг юртим” каби кўпсонли мухлисларига эга бўлган телеканаллардаги фидойи ҳамкасбларимизни таклиф этамиз. Уларга ўз уйимизда ўтирган ҳолда телеролик, телесуҳбатларни тайёр ҳолда юбориб туришимиз, онлайн суҳбатлар ўтказишимиз мумкин.

Иккинчиси, барча радиоканаллар билан ҳам шундай ҳамкорликни йўлга қўйишга тайёрмиз.

Виртуал оламда ҳам бу хайрли қадамларимиз ўз самарасини беришига умид қиламиз.

Шу муносабат билан:

“ЎзМУ: Биз бирга енгамиз!”

деб номланган маънавий мадад марказимиз (кейинги ўринларда – Марказ) ўз фаолиятини бошлади.

Марказ раҳбари – ЎзМУ Журналистика факультети декани Маҳлиё Собировна Мирсоатова! Телефон рақами: +998 90-8050863.

Марказ Ишчи ва тарғибот гуруҳи аъзолари:

  1. Нодир Хуррамов +98911350646
  2. Ҳабибулло Раҳматов +998 97 4648712
  3. Бобур Султонов +998977229908
  4. Аброр Нарзиқулов +998 99 7270466
  5. Озода Рўзиқулова +99899722 2907

 

Сиз Марказга пандемияга қарши кураш, бу борадаги зарур маслаҳатлар, шу мавзуда онлайн кўрсатув, радиоэшиттириш, давра суҳбатлари ўтказиш юзасидан мурожаат қилишингиз мумкин.

Марказимиз раҳбари кординатор сифатида бу борадаги барча ишларни тўғри ташкиллаштириб, тегишли мутахассиларни жалб этиб беришга тайёр!

Марҳамат, соғлом ва бахтли ҳаёт йўлида қўлни қўлга бериб, ишга киришдик, азиз юртдошлар!

Тўлқин ЭШБЕК,

ЎзМУ: Биз бирга енгамиз!” гуруҳи аъзоси,

халқ депутатлари Олмазор туман Кенгаши депутати

You may also like...

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>