Китоб байрами

Донишмандлар ҳаётни бамисоли бир китобга қиёс қиладилар.

Китоб – маънавият, эзгулик сарчашмасидир.

ки9

Мамлакатимизда ҳар йили “Китоб байрами” ўтказилиши ўзига хос анъанага айланиб қолган. Пойтахтимиз Тошкентда 26 май куни “Адабиётга эътибор – маънавиятга, келажакка эътибор” шиори остида навбатдаги республика “Китоб байрами” бошланди.

ки3

  ки2  ки4 ки5

ки8

ки6 ки7   ки10 ки11 ки12 ки13

Байрамнинг тантанали очилиш маросими Ғафур Ғулом номидаги Маданият ва истироҳат боғида бўлиб ўтди. Унда Ўзбекистон Матбуот ва ахборот агентлиги бош директори О.Юнусов, Олий Мажлис Қонунчилик палатаси Спикери ўринбосари С.Отамуродов, Ўзбекистон Ёзувчилар уюшмаси раиси М.Аҳмедов, Ўзбекистон халқ шоирлари С.Саййид, М.Тойир, Ўзбекистон халқ артисти Э.Комилов ва бошқалар Президентимиз раҳнамолигида миллий адабиётимизни равнақ топтириш, буюк аждодларимизнинг бой мероси ва анъаналаримизни асраб-авайлаш, китобхонлик маданиятини шакллантиришга қаратилаётган доимий эътибор халқимиз тафаккурини юксалтириш, ёш авлодни билимли, соғлом фикрли, маънавиятли инсонлар этиб вояга етказишда муҳим омил бўлаётганини таъкидладилар.

Маълумотларга кўра, республикамизда бугунги кунда юздан зиёд нашриёт, таълим муассасалари, корхона ва ташкилотлар ҳузурида элликка яқин ноширлик бўлимлари, бир минг етти юздан ортиқ матбаа корхонаси фаолият юритмоқда. Улар томонидан 2015 йили беш мингга яқин номда эллик миллион нусхада адабиётлар чоп этилган.

Маърифатли кишилар ҳаётидаги энг катта бахти ҳақида сўз юритганларида албатта китоб мутолаасидан олган маънавий бойликларини эътироф этадилар. Демак, бу “Китоб байрами” маънавий-маърифий аҳамияти нақадар улкандир. Мазкур тадбир ҳам китобхонларни адабиёт хазинасидан баҳраманд этишга хизмат қилади. Ёшларнинг китобхонлик маданиятини юксалтириш, ижодкорлар ва китобхонлар ўртасида ошкора мулоқотларни йўлга қўйишда бундай тадбирлар ғоят муҳим ўрин тутади. Бугун Ғафур Ғулом номидаги маданият ва истироҳат боғига қадам ранжида қилган китобхонлар мутолаага даъват этувчи халқ мақоллари, ҳикматли сўзлар битилган панноларни кўриб дили яйрайди.

Китоб нашриётлари томонидан ташкил этилган кўргазмалардаги турфа китоб ва бошқа нашрлар барчада катта қизиқиш уйғотди.

ки14

ки1

– Талабанинг биринчи вазифаси китоб ўқиш экан, улар қалбида аввало ана шу нашрларга қизиқиш уйғотишимиз зарур,– дейди Мирзо Улуғбек номидаги Ўзбекистон Миллий университети Мураббийлар кенгаши раиси Аброр Хидиров.– Бугунги “Китоб байрами” Тарих факультети талабалари учун ўзига хос маънавий-маърифий тадбир бўлмоқда. Улар Ўзбекистон халқ ёзувчиси Муҳаммад Али, халқ шоирлари Сирожиддин Саййид, Маҳмуд Тойир, севимли санъаткоримиз Эркин Комиловнинг дилтортар сўзларини ҳаяжон билан тингладилар. Китобсеварлар учун севимли асарларининг муаллифлари – ўша ёзувчи-шоирларнинг сўзларидан баҳраманд бўлиш ҳам жуда мароқли ҳисобланади. Булардан ташқари боғ саҳнасида таниқли санъаткорлар, ёш ижрочилар томонидан ижро этилган куй-қўшиқлар, “Ўзбектеатр” ижодий-ишлаб чиқариш бирлашмаси, Республика ёш томошабинлар, Қўғирчоқ театрлари жамоалари дастурлари, ёш рассомлар китоб графикаси ва миниатюра жанридаги асарлари кўргазмаси, ёш ижодкорлар мушоираси талабаларимизга олам-олам завқ бахш этди.

 Улуғбек Усмонов

You may also like...

2 Responses

  1. Inson dunyo qarashini hech bir narsa kitobchalik òstira olmaydi! Bu kabi bayramlar va tadbirlar xalqimiz orasida kitobxonlikni yanada yuksaltiradi deb umid qilamiz.

  2. Kitob bayrami kitobxonlar savodxonligini yanada oshirishda ularning bilimlarini mustahkamlashda muhim o’rin tutadi.Bunday bayramlar insonlarni kitobga bo’lgan mehrini yanada mustahkamlaydi.

Добавить комментарий для Alìqulov Sherzod Farhodovìch Отменить ответ

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>