Аёлларнинг боқий байрами
ЎзМУ магистрантининг баҳордан илҳомланган битиклари
Аёл! Бу дунёни мунаввар қилгувчи, оиланинг кўрки – зийнати наинки, бутун жамиятга меҳр-муҳаббат бағишловчи бамисоли фариштадир.
Аёл! Сен шунчалар латофатлисанки, ҳатто дарёлардан қуёш нурига шўх-шодон кулгулар ила ҳайқириб оқаётган зилол сувлар ҳам сенга бош эгади.
Аёл! Шунчалар ҳуснкорсанки, тоғлардаги лолалар сенга таъзим бажо келтиргай. Сендаги мард ва жасурлик гўзал чеҳрангга чирой бахшида этгай.
Аёл – сўзи шунчалик мўъжизакорки, ҳатто табиатнинг гўзаллиги унинг олдида ожиз қолади. Табиат азиз аёлларимизга абадий фазилатни мужассам этган.
Аёл борки, олам гўзал. Аёл юзидаги нафис табассум дунёни тебратади.
Аёл борки, дунё чароғон, барча ташвишлар унут бўлгай. Азиз аёлларимизнинг ҳаётдаги сабр-тоқат ва бардошларига тан бермай илож йўқ. Аёлнинг кўзидан тўкилган бир томчи ёш ҳам дунёни ларзага келтиради. Унинг қалбига фақатгина ширин сўз орқали йўл топиш мумкин.
Аёл ҳақида қанчалик ёниб гапирмайлик унга берилаётган таъриф шунчалик чексиздир.
Давлатимиз раҳбари таъбири билан айтганда, Аёлни улуғламоқ – оилани, Ватанни, ҳаётни улуғмоқ демакдир”.
Азиз аёлларимиз, онажону опа-сингилларимиз учун наинки 8 март, балки, тинч-осуда, фаровон ўтган ҳар бир кун бебаҳо байрамдир.
Уларга дил истакларим беихтиёр шеърий сатрларга уланди:
Аёллар бор – сабрларнинг онаси
Оҳ демайди тўлсада, паймонаси.
Аёллар бор – ҳаё тўла кўзлари
Жаннат ўпар ҳар бир босган изларин.
Шаҳноза ШОМУРОДОВА,
Мирзо Улуғбек номидаги Ўзбекистон Миллий университети
География-геология факультети магистранти
ЎзМУ Журналистика факультетидаги ҳамма аёл ўқитувчиларни ва журналист қизларимизни табриклаймиз.
2015 йил битирувчилари номидан.
Darhaqiqat ayollarimizning shaniga qancha tahsinlar aytsak ham kam barcha ayollarni muborak bayrami bilan chin qalbimdan tabriklayman!!!
Ayolga baxt bering, saodat bering,
Demang yuribdi-ku kulib, jilmayib
Ayol kulib turib o’lishi mumkin,
Dunyoni olishi mumkin jilmayib.
Fakultetimizning barcha ayollarini bayram bilan tabriklayman!
Mudom qoshlaringiz quchsin o`smalar,
Yuzingizni chaying obi zamzamga.
Undan quyosh o`zi olsin bo`salar
Dovrug`ingiz ketsin butun olamga.
O`zbek qizlari-yu ayollarini go`zallik va nafosat hech qachon tark etmasin. Bayramingiz muborak bo`lsin!
Ostida jannatning bir eshigi,
Sevgisi qalblarga o`t solarkan.
Qo`lida tebranar vafo beshigi,
Guldanda labiga bol olarkan.
Qayda bo`lmangiz chekib hayol,
Jannat beshiklaridan yaralgandir AYOL!
Munis va mo`tabar onalar, go`zal opa-singillar, jonkuyar ayol o`qituvchilarimiz barchangizga bayram muborak bo`lsin!
Azizim hayotda shodlik bor bo’lsin
Ana shu shodliklar sizga yor bo’lsin
Qalbingiz orzu va quvonchga to’lsin
Bugun tailayman sizga ko’p tilak.
8-MART ayyomiy muborak bo’lsin !
Darhaqiqat, tinchlik va sog’likda o’tgan har bir kun bayramdir. Bayram muborak, aziz va mo’tabar ayollar!
Deydilarki, ayol uyning sarishtasi,
U ko’ngilning eng iboli farishtasi.
Saodatning bog’larida tanho asli,
Muhabbatdek bahosi yo’q, baho asli.
Ayol — ona deganidir, buyuk zotdir,
Ayol bolam deya yurak bag’ri kuyuk zotdir.
Beshikni-yu, dunyolarni tebratgan u,
Xudoyimga suyuk zotdir, suyuk zotdir.
Butun dunyo egilgandir poylariga,
Olam maftun ul qoshlari yoylariga.
Ta’zim qilib asrasangiz arzir do’stlar,
Bosh qo’ysangiz, oyoq bosgan joylariga.
Ayol — ona ana shunday buyuk zotdir!!!!
Qalbida mehr, so’zlarida sehr hamisha barq urib turgan munis va muhtaram ayollar, o’zbekning oqila-yu, orasta, lobar qizlar… Sizlarni 8-mart Xalqaro xotin qizlar ayyomi bilan chin qalbimdan muborakbod etaman, samimiyat ila Gulruhbegim….