Мирзо Улуғбек номидаги Ўзбекистон Миллий университети География ва табиий

ресурслар факультетида “Ўзбекистон ва Россияда география фани: умумий муаммолар, ҳамкорлик имкониятлари ва истиқболлари” мавзуида ҳалқаро илмий-амалий конференция ўтказилмоқда.

Анжуманда Россия, Польша, Хитой, Қозоғистон, Тожикистон, Сербия, Грузия каби 10 дан ортиқ мамлакатлардан олимлар иштирок этмоқда.

Тошкент шаҳар Ёшлар иттифоқи “Маданият саройи” кичик залида бошланган анжуманда ЎзМУ ректори Авазжон Мараҳимов ва бошқалар География фанини ривожлантириш, соҳадаги айрим муаммоларни ҳамкорликда ҳал этиш, бу борада халқаро ҳамкорликда амалга оширилаётган истиқболли лойиҳалар самараси ҳақида атрофлича сўз юритди.

Ўзбекистон География жамияти президенти вазифасини бажарувчи, профессор Фазлиддин Ҳикматов, Россия ижтимоий географлар асоцацияси президенти, профессор Алексадр Дружинин, Сербия География жамияти президенти, профессор Райко Гнято, Тбилиси давлат университети профессори Иосиф Салкувазе, Полша Познан университети профессори Тадеуш Стриякевич, Тожикистонлик профессор Холназар Муҳаббатов, Қозоғистон Миллий университети профессори Асима Кошим ва бошқа таниқли географ олимларнинг маърузалари катта қизиқиш билан тингланди.

Анжуманда соҳа мутахассислари географиянинг долзарб масалалари, умумбашарий муаммолар ва уларнинг ечимлари юзасидан фикр алмашдилар.

Халқаро анжуман 19 майгача давом этади.

 ЎзМУ Ахборот хизмати

***

Географ олимлар истиқболли лойиҳаларни амалга ошириш йўлида