ИЛМУ ДУРДАН

Бешикдан қабргача илм изла.

 Ҳадис маърифати 

Ким ёр анга илм толиби илм керак,

Ўргангали илм толиби илм керак,

Мен толиби илму толиби илме йўқ

Мен бормен илм толиби илм керак.

 

Заҳириддин Муҳаммад Бобур

 

Илм агар Чинда бўлса – бориб ўрган!

Эшитган бошқаю бошқа бориб кўрган.

Ўзни маҳдудликка урма, эй биродар,

Ўтирган бўйрамиш, дарё эмиш – юрган.

Итлар ҳурар, карвон ўтар дунё экан,

Юрган етар манзилига, қолар – ҳурган.

Ал Бухорий, Замаҳашарий, Ибн Сино

Илм истаб йўлини ҳижратга бурган!

Биров номин қолдирармиш бузиш билан,

Баъзан эса хор бўлармиш кўприк қурган.

Тингла Фурқатдан чархнинг асл шевасин:

Кулфатни доно, айшини нодон сурган.

Ҳикмат аҳлин кўра олмас ғийбатчилар,

Сен қандайин бандадирсан худо урган?

Бахтли кимдир бу дунёда агар билсанг,

Бахт қасрини қура олган илму дурдан!

Одамни одам айлаган бурди эрур,

Эл аро ардоқли ўз лафзида турган.

Шеърларим этса қани ҳолим ифода,

Дўстдир ул, рангинг кўриб, ҳолингни сўрган.

Йиллар шамолида умр совурма беҳуд,

Шоҳсупа чўққисида хирмон уюрган!

Ҳаммага ёқиши шартмас Тўлқин сўзи:

Инсон инсон оинаси деб буюрган.

Тўлқин ЭШБЕК

2024 йил

 

 ILMU DURDАN

 

Kim yor anga ilm tolibi ilm kerak,

O`rgangali ilm tolibi ilm kerak,

Men tolibi ilmu tolibi ilme yo`q

Men bormen ilm tolibi ilm kerak.

 

Zahiriddin Muhammad Bobur

 

Beshikdan qabrgacha ilm izla.

 

Hadis maʼrifati

 

Ilm agar Chinda bo`lsa – borib o`rgan!

Eshitgan boshqayu boshqa borib ko`rgan.

O`zni mahdudlikka urma, ey birodar,

O`tirgan bo`yramish, daryo emish – yurgan.

Itlar hurar, karvon o`tar dunyo ekan,

Yurgan yetar manziliga, qolar – hurgan.

Аl Buxoriy, Zamahashariy, Ibn Sino

Ilm istab yo`lini hijratga burgan!

Birov nomin qoldirarmish buzish bilan,

Baʼzan esa xor bo`larmish ko`prik qurgan.

Tingla Furqatdan charxning asl shevasin:

Kulfatni dono, ayshini nodon surgan.

Hikmat ahlin ko`ra olmas g`iybatchilar,

Sen qandayin bandadirsan xudo urgan?

Baxtli kimdir bu dunyoda agar bilsang,

Baxt qasrini qura olgan ilm-u durdan!

Odamni odam aylagan burdi erur,

El aro ardoqli o`z lafzida turgan.

Sheʼrlarim etsa qani holim ifoda,

Do`stdir ul, ranging ko`rib, holingni so`rgan.

Yillar shamolida umr sovurma behud,

Shohsupa cho`qqisida xirmon uyurgan!

Hammaga yoqishi shartmas To`lqin so`zi:

Inson inson oinasi deb buyurgan.

 

To`lqin ESHBEK

2024 yil