Ином Мажидов ҳам ўзи таҳсил олган мактабга китоблар тўпламини совға қилди
Олий ва ўрта махсус таълим вазири Ином Мажидов Ўзбекистон Миллий
университетининг Сирожиддинов номидаги академик лицейига ўз шахсий кутубхонаси ҳамда янги чоп этилган китоблардан тўплам совға қилди. Бу ҳақида вазирлик ахборот хизмати хабар берди.
Вазир ўзи таълим олган масканда ўқувчилар билан самимий суҳбатлашиб, уларга инсоннинг маънавий камолотида китобнинг тутган ўрни, китоб билан дўст тутинган ўқувчи ёмон йўлга кирмаслиги ҳақида ҳаётий тажрибасидан келиб чиқиб сўзлаб берди.Шунингдек, Ином Мажидов ўқувчилар билан суҳбатда ёшларга ўзбек ва жаҳон адабиётининг нодир асарларини албатта мутолаа қилишни тавсия қилди.
Ўзбекистон Республикаси Президенти Шавкат Мирзиёев ташаббуси билан бошланган ушбу хайрли акцияда жамиятнинг илғор қатлами сифатида олий таълим тизимидаги зиёлилар фаол иштирок этмоқда. Олий таълим муассасалари ректорлари, проректорлари, кафедра мудирлари ва профессор-ўқитувчилар шахсий намуна кўрсатган ҳолда, китобхонлик тарғиботида бевосита қатнашмоқда.
http://uza.uz/oz/society/inom-mazhidov-am-zi-ta-sil-olgan-maktabga-kitoblar-t-plamini-27-03-2019?sphrase_id=2646552
Сўнгги фикрлар