Кимда нима йўқ?

Бировга ёқадиган, кимгадир ёқмайдиган шеър

Таниш-билиш қилган ота-онанинг,

Боласида интилиш йўқ, билим йўқ…

Ўқи, десанг, ўқраяр у, безраяр,

Минг ўргатма, савод ҳам йўқ, умид йўқ…

Истеъдодли боланинг отасида,

Берадиган ҳеч ортиқча пули йўқ.

Коррупция ғовларидан ўтолмай,

Бонг уради: ҳақиқат, деб, урар дўқ!

Курашмоқда пок-у нопок майдонда,

Гоҳ ошкора, гоҳ пинҳона, тўхташ йўқ.

Замон зайли: уйғонмоқда элимиз,

Умид пайдо бўлган энди ухлаш йўқ!

Дониш домла иш юритар ақл билан,

Ёшларга йўл кўрсатади нақл билан.

Ким олмаса агар ҳаётдан таълим,

Ўргатолмас унга бирор муаллим.

Тўлқин ЭШБЕК