Маданиятлар уйғуниги

2019 йил 15 май куни ЎзМУ “Маънавият асослари ва диншунослик” кафедраси томонидан “Миллий ва умуминсоний маданиятлар уйғунлиги: назария ва амалиёт” мавзусидаги анъанавий Республика илмий-амалий конференцияси ўтказилди. Тадбирга Ўзбекистон хотин-қизлар қўмитаси раиси ўринбосари ф.ф.д., профессор Муккарам Нурматова, Ўзбекистон мусулмонлар идораси раиси ўринбосари Иброхим Иномов, Туркиянинг Ўзбекистондаги ваколатхонаси TIKA директори Али Ихсан Чаглар, АҚШнинг Жанубий Каролина университети профессори Давид Дамрел, Тошкент иқтисодиёт университетидан ф.ф.д., профессор Исмоил Саифназаров, Ўзбекистон халқаро Ислом академияси “Қиёсий диншунослик ва ЮНЕСКО” кафедраси доценти Неъматулло Иброхимовлар ташриф буюрдилар. Улар мамлакатимизда ижтимоий-маданий ва диний соҳада амалга оширилаётган ислоҳотлар, миллий маданиятимиз тимсоли – Она тилимизга садоқат, АҚШда Ислом дини ва мусулмонлар, маънавиятнинг амалий жиҳатлари, диншунослик фани муаммолари каби йўналишларда маъруза қилди.

Раҳмонали ТУРСУНОВ,

                                                                                                                            ЎзМУ Ижтимоий фанлар факультети декани ўринбосари