Масъулият ҳисси

Талабанинг дил сўзи

Ёшликдаги орзуим – Мирзо Улуғбек номидаги Ўзбекистон Миллий университети талабаси бўлиш эди. Мен юртимиздаги энг нуфузли олий ўқув юртида ўқиш ҳар бир ёш авлод учун катта шараф эканлигини яхши биламан.

Талабалик шараф бўлиши билан бир қаторда зиммамизга катта маъсулят юклашини ҳам ҳис этаман. Бизнинг вазифамиз яхши ўқиб, касб эгаллашгина эмас, балки танлаган соҳа ривожига катта ҳисса қўшиш, юртимизнинг равнақи йўлида янгиликлар яратишдан иборатдир.

Мамлакатимизда ёшларнинг хар томонлама ўсиб, ҳеч кимдан кам бўлмаган бахтли инсон бўлиб етишиши учун барча имкониятлар мавжуд. Демак орзуларимизни рўёбга чиқариш, юртимизга муносиб фарзанд ва етук мутахассислар бўлиш ўзимизга боғлиқ.

Мен аъло баҳоларга ўқиб, жамоат ишларида фаол иштирок этиб баркамол инсон бўлишга ҳаракат қиламан.

 Шердор Собиров,

ЎзМУ Математика факультети сиртқи таълим 1-курс талабаси