МУКЕШНИНГ “ИЗДОШ”ЛАРИ

Дўрмон илҳомлари

Ҳазил

Бу ҳазил шеърни матбуотда ёритишга анча йиллар журъат қилолмадим. Негаки, ўша “Мукеш”лардан бири ўзим, қолганлари ҳам кўз-кўзга тушиб юрган азиз замондошларимдир…
“Уни вафот этганимдан кейин эълон қила қол” деб бир шогирдимга тайинлаган эдим. Қарасам, замон бутунлай ўзгариб кетди. Сўз эркинлиги биз орзу қилгандан анча юқори даражага чиқди. Қўрқмасдан гапирадиган ёш – 60 га етгач, уни ёритиш истаги тинчлик бермай қўйди.

Экранда Раж Капур, ортидан Мукеш,
Қойил қилган эди ҳиндча кинони.
“Сангам”, “Дайди”ларни такрор кўрса-да,
Ҳар гал томошабин киради жони.

Улар эълон қилар: “… ролда – Раж Капур,
Мукеш ижро этар қўшиқларини”.
Намойиш этади ҳинд манзарасин,
Гўзал табиати-ю кўшкларини.

Бизда ҳам кам эмас Мукеш издоши,
Бировнинг номидан ёзади кимдир.
Ким шуҳрат отида гижинглаб юрса,
Чўнтаги қаппайган мамнун турар жим.

Таҳририятларда ишлаган кезлар,
Ўзим ҳам бўлардим мисоли “Мукеш”.
Деҳқон-у бунёдкор номларидан хўб,
Мақола ёзардим, ишим – гап тўқиш…

Хўжалик раисин номидан ҳатто,
Қалин китоблар ҳам берганман ёзиб.
Ўша қилмишларим эсласам бир-бир,
Гоҳида қоламан ақлдан озиб…

Ижод бўстонига кирганда билдим,
Ясама муаллиф саноқсиз экан.
Ўзи қолиб ўзга номидан ёзиш,
Асли кишибилмас адоқсиз экан…

Бировга ёздириб илмий ишини,
Кимлар фан номзоди, ким фан доктори.
Заҳматин чеккан ким Мукешга ўхшаб,
“Олимман” дейишга келмайди ори…

Қанча домлалар ҳам енгни шимариб,
“Диплом иши”гача ёзиб беришар.
Шуҳрат чўққисида шу талабалар,
Ўзим эришдим, деб кўкрак керишар.

Ёш ҳаваскорларнинг китоби чиққач,
Шоирлик чўққиси мунтазир гўё.
Афсус, ўзи бирор сатрин ёзмаган,
“Мукеш” чеккан заҳмат мисоли рўё.

Уюшмага келар, қабул айланг, деб,
Қанчаси мукофот олар тап тортмай.
Саҳна ортида-чи, шўрлик “Мукеш”лар,
Улар-чун шеър ёзар, ўзидан ортмай…

Ҳиндча киноларда айтилар очиқ,
Ким қўшиқ куйлаган, ролни боплаган!
Афсус ижод боғим кўрсанг “Мукеш”лар,
Худди зарпечакдек обдан қоплаган…

Зарпечакдан бирор боғ гулламаган,
Аёвсиз қиради деҳқонлар уни.
Ижод бўстонимиз гуллагай чунон,
“Мукеш”лардан тоза бўлолган куни!..

Тўлқин ЭШБЕК
Дўрмон ижод боғи
2015 йил

Do`rmon ilhomlari

MUKESHNING “IZDOSH”LАRI
Hazil

Bu hazil sheʼrni matbuotda yoritishga ancha yillar jurʼat qilolmadim. Negaki, o`sha “Mukesh”lardan biri o`zim, qolganlari ham ko`z-ko`zga tushib yurgan aziz zamondoshlarimdir…
“Uni vafot etganimdan keyin eʼlon qila qol” deb bir shogirdimga tayinlagan edim. Qarasam, zamon butunlay o`zgarib ketdi. So`z erkinligi biz orzu qilgandan ancha yuqori darajaga chiqdi. Qo`rqmasdan gapiradigan yosh – 60 ga yetgach, uni yoritish istagi tinchlik bermay qo`ydi.

Ekranda Raj Kapur, ortidan Mukesh,
Qoyil qilgan edi hindcha kinoni.
“Sangam”, “Daydi”larni takror ko`rsa-da,
Har gal tomoshabin kiradi joni.

Ular eʼlon qilar: “… rolda – Raj Kapur,
Mukesh ijro etar qo`shiqlarini”.
Namoyish etadi hind manzarasin,
Go`zal tabiati-yu ko`shklarini.

Bizda ham kam emas Mukesh izdoshi,
Birovning nomidan yozadi kimdir.
Kim shuhrat otida gijinglab yursa,
Cho`ntagi qappaygan mamnun turar jim.

Tahririyatlarda ishlagan kezlar,
O`zim ham bo`lardim misoli “Mukesh”.
Dehqon-u bunyodkor nomlaridan xo`b,
Maqola yozardim, ishim – gap to`qish…

Xo`jalik raisin nomidan hatto,
Qalin kitoblar ham berganman yozib.
O`sha qilmishlarim eslasam bir-bir,
Gohida qolaman aqldan ozib…

Ijod bo`stoniga kirganda bildim,
Yasama muallif sanoqsiz ekan.
O`zi qolib o`zga nomidan yozish,
Аsli kishibilmas adoqsiz ekan…

Birovga yozdirib ilmiy ishini,
Kimlar fan nomzodi, kim fan doktori.
Zahmatin chekkan kim Mukeshga o`xshab,
“Olimman” deyishga kelmaydi ori…

Qancha domlalar ham yengni shimarib,
“Diplom ishi”gacha yozib berishar.
Shuhrat cho`qqisida shu talabalar,
O`zim erishdim, deb ko`krak kerishar.

Yosh havaskorlarning kitobi chiqqach,
Shoirlik cho`qqisi muntazir go`yo.
Аfsus, o`zi biror satrin yozmagan,
“Mukesh” chekkan zahmat misoli ro`yo.

To’lqin Eshbek, [16.03.2024 8:01]
Uyushmaga kelar, qabul aylang, deb,
Qanchasi mukofot olar tap tortmay.
Sahna ortida-chi, sho`rlik “Mukesh”lar,
Ular-chun sheʼr yozar, o`zidan ortmay…

Hindcha kinolarda aytilar ochiq,
Kim qo`shiq kuylagan, rolni boplagan!
Аfsus ijod bog`im ko`rsang “Mukesh”lar,
Xuddi zarpechakdek obdan qoplagan…

Zarpechakdan biror bog` gullamagan,
Аyovsiz qiradi dehqonlar uni.
Ijod bo`stonimiz gullagay chunon,
“Mukesh”lardan toza bo`lolgan kuni!..

To`lqin ESHBEK
Do`rmon ijod bog`i
2015 yil