Она тилим жилолари

Ўзбек тилига давлат тили мақоми берилгани қанчалик бахт бўлса, унга Она деган

энг улуғ сиймо номини пайваста қилиб улуғлашимиз замирида ҳам оламча маъно мужассам.

Мирзо Улуғбек номидаги Ўзбекистон Миллий университети Ижтимоий фанлар факультети талабалари истиқомат қилишадиган 5-Талабарлар турар-жойида ўтказилган навбатдаги маънавий-маърифий тадбир “Она тилим жилолари” деб номланди.

21 октябрь – Ўзбекистон Республикасининг «Давлат тили ҳақида”ги қонуни қабул қилинган кун муносабати билан ташкил этилган тадбирда Ижтимоий фанлар факультети Педагогика кафедраси мудири Мамаджон Мавлонов, профессор-ўқитувчилар Шукрулло Мардонов, Зебо Аҳророва, Эркин Рўзиматов, Шоира Содиқова, Улуғбек Содиқов, Мўминжон Хўжаев, Муқаддас Раҳмонова ва бошқалар Биринчи Президентимиз Ислом Каримов раҳнамолигида истиқлол йилларида ўзбек тили халқимиз, жамиятимиз маънавий ривожида, илм-фан тараққиётида қанчалик муҳим ўрин тутгани ҳақида атрофлича сўз юритдилар.

Дарҳақиқат, ўтган йиллар мобайнида она тилимизда кўплаб луғатлар, қомуслар ва дарсликлар нашр этилди. Барча шаҳар-у маҳаллаларимиз кўчалари, хиёбонлари ва бошқа жамоат жойларида она тилимизда битилган (шиорлар, реклама ва бошқа ёзувлар) юртдошларимизга миллий руҳ бахш этади.

ЎзМУ Ахборот хизмати раҳбари, Ўзбекистон Ёзувчилар уюшмаси аъзоси Тўлқин Эшбек ҳар бир сўзимиз дурдона экани, уни қаерда бўлмасин албатта тўғри ёзиш, ўзаро сўзлашув жараёнида ҳам бехато қўллаш зарурлигини қатор мисоллар воситасида изоҳлаб берди.

Ўзбекистон Ёзувчилар уюшмаси масъул котиби, шоир Муҳиддин Абдусамат, “Соғлом авлод” газетаси Бош муҳаррири, шоир Фахриддин Ҳайитнинг она Ватан, миллий туйғулар, севги-муҳаббат, она тилимизни мадҳ этувчи шеърлари барчада катта таассурот қолдирди.

 Улуғбек Усмонов,

ЎзМУ газетаси мухбири

 Ona tilim jilolari

O`zbek tiliga davlat tili maqomi berilgani qanchalik baxt bo`lsa, unga Ona degan eng ulug` siymo nomini payvasta qilib ulug`lashimiz zamirida ham olamcha ma`no mujassam.

Mirzo Ulug`bek nomidagi O`zbekiston Milliy universiteti Ijtimoiy fanlar fakul`teti talabalari istiqomat qilishadigan 5-Talabarlar turar-joyida o`tkazilgan navbatdagi ma`naviy-ma`rifiy tadbir “Ona tilim jilolari” deb nomlandi.

21 oktyabr` – O`zbekiston Respublikasining «Davlat tili haqida”gi qonuni qabul qilingan kun munosabati bilan tashkil etilgan tadbirda Ijtimoiy fanlar fakul`teti Pedagogika kafedrasi mudiri Mamadjon Mavlonov, professor-o`qituvchilar Shukrullo Mardonov, Zebo Ahrorova, Erkin Ro`zimatov, Shoira Sodiqova, Ulug`bek Sodiqov, Mo`minjon Xo`jaev, Muqaddas Rahmonova va boshqalar Birinchi Prezidentimiz Islom Karimov rahnamoligida istiqlol yillarida o`zbek tili xalqimiz, jamiyatimiz ma`naviy rivojida, ilm-fan taraqqiyotida qanchalik muhim o`rin tutgani haqida atroflicha so`z yuritdilar.

Darhaqiqat, o`tgan yillar mobaynida ona tilimizda ko`plab lug`atlar, qomuslar va darsliklar nashr etildi. Barcha shahar-u mahallalarimiz ko`chalari, xiyobonlari va boshqa jamoat joylarida ona tilimizda bitilgan (shiorlar, reklama va boshqa yozuvlar) yurtdoshlarimizga milliy ruh baxsh etadi.

O`zMU Axborot xizmati rahbari, O`zbekiston Yozuvchilar uyushmasi a`zosi To`lqin Eshbek har bir so`zimiz durdona ekani, uni qaerda bo`lmasin albatta to`g`ri yozish, o`zaro so`zlashuv jarayonida ham bexato qo`llash zarurligini qator misollar vositasida izohlab berdi.

O`zbekiston Yozuvchilar uyushmasi mas`ul kotibi, shoir Muhiddin Abdusamat, “Sog`lom avlod” gazetasi Bosh muharriri, shoir Faxriddin Hayitning ona Vatan, milliy tuyg`ular, sevgi-muhabbat, ona tilimizni madh etuvchi she`rlari barchada katta taassurot qoldirdi.

 Ulug`bek Usmonov,

O`zMU gazetasi muxbiri