24 май куни Ўзбекистон ҳукумати қарори билан мамлакатдаги Олий таълим муассасалари учун хорижий ўқув ва илмий адабиётларни харид қилиш бўйича чора-тадбирларни тасдиқлади (pdf).
«Олий таълим тизими учун хорижий ўқув ва илмий адабиётлар харид қилиш чора-тадбирлари тўғрисида» дея номланувчи ушбу ҳужжатда Вазирлар Маҳкамаси томонидан тасдиқланган рўйхат бўйича 5864 номдаги адабиётларни тендер савдолари ўтказмасдан сотиб олиш кўзда тутилган. 2020 йилгача олиб кириладиган адабиётлар божхона тўловларидан (божхона йиғимлари истисно қилинган ҳолда) озод қилинади.
«Ўзсаноатэкспорт» компанияси ва Миллий кутубхонага Олий ва ўрта махсус таълим вазирлиги билан ҳамкорликда икки ҳафта муддат ичида дистрибьюторлик компаниялари ва хорижий нашриётлар (муаллифлар) билан хорижий адабиётларни харид қилиш бўйича бевосита музокараларни олиб бориш вазифаси топширилди.
Музокаралар якунлари бўйича дистрибьюторлик компаниялари ҳамда хорижий адабиётлар нашриётлари билан хорижий ўқув ва илмий адабиётларни етказиб бериш, шу жумладан 31 майга қадар ОТМлар бакалавриятининг 1-босқич талабалари, шунингдек 14та ОТМ қошидаги раҳбар ва педагог кадрларни қайта тайёрлаш ва малакасини ошириш курслари тингловчилари учун 980 номдаги адабиётларни етказиб бериш бўйича шартномалар имзоланиши лозимлиги белгиланган.
Хорижий адабиётларни сотиб олиш учун
Ўзбекистон республикаси Ташқи иқтисодий алоқалар, инвестициялар ва савдо вазирлиги, Ўзбекистон республикаси Олий ва ўрта махсус таълим вазирлиги ҳамда бошқа манфаатдор вазирликлар ва идоралар билан биргаликда республиканинг ОТМларининг мазкур эҳтиёжлари учун хорижий ўқув ва илмий адабиётларни харид қилиш учун халқаро молия ташкилотлари ва бошқа хорижий донорлар билан грантлар жалб этиш ҳам режалаштирилган.
http://kun.uz
Til bilish — el bilish demakdir. Shunday ekan, biz talabalar dunyo tillarini mukammal o’rganib, kelajakda xorij ta’lim muassasalarida o’qishdek baxtga sazovor bo’laylik…
24 май куни Ўзбекистон ҳукумати қарори билан мамлакатдаги Олий таълим муассасалари учун хорижий ўқув ва илмий адабиётларни харид қилиш бўйича чора-тадбирларни тасдиқлади. Bu voqea biz yoshlar uchun juda quvonarli hol bo’ldi. Endi hama o’z yo’nalishlariga oid adabiyotlarni mutola qilishni boshlaydi.
Bugun yurtboshimiz tashabbusi bilan yoshlarni salohiyatini yanada oshirish borasida ko`plab chora-tadbirlar amalga oshirilmoqda. Xususan chet tillarini o`rgasnish bo`yicha ham bir qator ishlar wbajarilmoqda. Bizni o`z kelajak yo`limizda qoqlimasdan ildam qadashimiz uchun esa albatta til bilishimiz zarur. Shu sababli bu yo`lda hammaga omad tileyman.