Янги ўқув дастурлари устида ишлар қизғин
Янгилик яратиш ва унга эришиш жуда кўп изланиш ва ишлашни талаб қилади.
Мирзо Улуғбек номидаги Ўзбекистон Миллий университети ректори Шуҳрат Сирожиддиновнинг 10 йиллик истиқболли тараққиёт дастурида “дунёдаги энг ривожланган давлатлардаги олий таълим муассасалар қаторидан ўрин эгаллаши учун уларнинг ўқув дастурлари ва маъруза матнларини ўрганиб, андоза олиш”га қаратилган режалар ҳам белгиланган эди.
Бу вазифаларни амалга ошириш йўлида барча педагог-ходимлар ўз вазифаларига улкан масъулият билан ёндашмоқдалар.
Бир неча ойдирки, университетимиз педагог-ходимлари андоза сифатида танланган шундай ўқув дастурлари ва маъруза матнлари устида тинмай изланмоқдалар.
Айни пайтда ЎзМУ ҳузуридаги Педагог кадрларини қайта тайёрлаш ва уларнинг малакасини ошириш тармоқ (минтақавий) марказида ишлар роса қизғин. Университетимиз педагог-ходимлари тайёрлашган жаҳон андоларига мос ўқув дастурлари ва маъруза матнларини топширмоқдалар.
Уларни ЎзМУ Ўқув ишлари бўйича биринчи проректори Файзулла Агзамов ва Ўқув-услубий бошқармаси бошлиғи Зафаржон Жабборовлар синчковлик билан ўрганган ҳолда қабул қилмоқдалар.
Галдаги вазифа – ўқув жараёнига ушбу янги дастурлар жорий этилади!
Умид билан суқулган таёқ, бир кун мева-ю япроқ, деганларидек, ЎзМУ талабалари ҳам дунёдаги энг ривожланган давлатлардаги тенгдошлари билан бир хилда таҳсил олишда давом этадилар ва шу тариқа улар билан бўйлашиб бораверадилар!
Шу тариқа хориж университетлари билан талабалар алмашинуви амалга оширилади. Айтайлик, европалик талабалар Ўзбекистон Миллий университетида жаҳон андозаларига мос ўқув жараёнларидан баҳраманд бўлсалар, ўзбек йигит-қизлари чет эл университетларида худди шундай таълим олишни эмин-эркин давом эттириш имконига эга бўладилар!
ЎзМУ Ахборот хизмати
Mazkur yangi ta`lim tizimi puxta tayyoprgarlik asosida yaratilayotgani quvonarli hol. Bu tizimdan bahramand bo`lish biz talaba yoshlarga tezroq nasib etsin.
Haqiqatdan ham yangi joriy qilinayotgan ta’lim tizimi murakkab ishlab chiqimmasa,talabalar uchun biroz qiyinlik qilishi mumkin.
Haqiqatdan ham yangi joriy qilinayotgan ta’lim tizimi murakkab ishlab chiqilmasa,talabalar uchun biroz qiyinlik qilishi mumkin.
Bu yangilik, ayniqsa so’nggi jumla o’quvchini quvontiradi. 2016-yil sarhisobiga ko’ra dunyodagi eng rivojlangan universitetlar ro’yxati yaqinda turli saytlarda va radio orqali e’lon qilindi. Albatta,bu ro’yxatga kirishga hali ancha bor.Lekin turg’unlik kelajak uchun hech narsa bermaydi. Yangi dastur yutuqlari va afzalliklarini esa kutib qolamiz