Болани асранг!

Талабалар ижодидан

Асрар эдик уйимизни

                                        ёмон кўзлардан,

Кириб келар ҳар-хил, турфа,

                                         ёмон сўзлардан.

Ваъдаси йўқ сотқин хоин,

                                          ёмон юзлардан,

Болангизни асранг бугун,

                                           барча-барчадан!

 

Ёш навниҳол билмас ҳали,

                                            оқу-қорани,

Ўргатинг сиз унга доим,

                                            пучу-сарани.

Ўтмишингиз хато бўлса,

                                            айтманг ярани,

Болангизни асранг бугун,

                                             келган дарчадан!

 

Боғча-мактаб коллежларда,

                                            қўйманг қаровсиз,

Тарбияланг майли десин,

                                           сизни аёвсиз.

Шунда бўлар кўнглингиз тинч,

                                            йўлингиз ғовсиз,

Болангизни асранг бугун,

                                            тушган шарчадан!

 

Ҳозир қилманг айтгану у,

                                            нозу-неъматни,

Қизингизга ўргатинг сиз,

                                            ҳаё-иффатни.

Ўғлингизга ўргатинг сиз,

                                            мардлик сифатни,

Болангизни асранг бугун,

                                            ёмон ҳар надан,

Йўлчи шоир дейди сизга,

                                             асранг барчадан!

Йўлчи РЎЗИЕВ

  “Сеҳрли Сўз Соҳиби” номинацияси ғолиби!