Оқ йўл сенга, Абитуриент!

Мирзо Улуғбек номидаги Ўзбекистон Миллий университети

абитуриентларни қабул қилишга шай турибди, дейди Дониш домла ёшларга омад тилаб.

 

Адлия вазирлигининг “Ҳуқуқий ахборот” каналида бу йилги имтиҳонларни ташкил этиш жараёни ҳақида маълумот берилди.

Жумладан, 2018 йил 3 апрелда “Олий таълим муассасаларига ўқишга қабул қилиш тартибини янада такомиллаштириш тўғрисида”ги Ҳукумат қарори қабул қилинган.

Қарорга кўра, бу йилдан абитуриентларнинг ўқишга қабул қилиш ҳақидаги аризаларни топшириш муддати ўзгарган. Ҳужжатлар 15 июндан 15 июлгача қабул қилинади. Илгари ҳужжатлар 20 июндан 20 июлгача қабул қилинар эди.

Тест синовларига кириш учун рухсатнома (ДТМ) 29-31 июль кунлари қабул комиссияси томонидан берилади.

Тест синовларини ўтказиш муддатлари ўзгартирилди. Бу йил тест синовлари кундузги, махсус сиртқи ва кечки (сменали) таълим шакли учун 1 августдан 15 августгача бўлган муддатда кунига икки сменада ўтказилади. Биринчи смена соат 08:00 да, иккинчи смена соат 15:00 да бошланади.

Абитуриент тест синовлари ўтказиладиган куни бинога тегишли ҳудудга соат 07:00 (иккинчи смена соат 13:00) гача, бинога соат 07:30 (иккинчи смена соат 13:30) гача фақат абитуриент рухсатномаси ва паспорти билан шахсни идентификациялаш воситалари ҳамда видеофиксация қурилмалари орқали тартибли равишда киритилади.

Абитуриент тест синовлари бошланганидан сўнг бинога, тегишли ҳудудга киритилмайди.

Тест синовлари Тошкент шаҳридаги катта биноларда, вилоят марказларида эса – олимпия захиралари коллежлари ёки бошқа ташкилотларнинг катта сиғимдаги биноларида ўтказилади.

Абитуриент Олий таълим муассасасига ўқишга кирган ёки кира олмаганлигини тест синови ўтказилган куннинг эртасига Давлат тест марказининг расмий веб-сайти орқали билиб олиши мумкин бўлади.

Қарорда яна бир муҳим нарса белгиланган яъни тестга шпаргалка, телефон микрокалькулятор ва ҳоказолар олиб киришга уринган абитуриент ўша заҳоти тестдан четлатилади. Авваллари телефон олиб қолиниб, уни номерланган конвертга солиб, абитуриентни ўзи тестга киритиб юборилар эди. Эндиликда, олиб киришга уринишнинг ўзиёқ далолатнома тузиб, четлатишга сабаб бўлади.

 

***

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

04.06.2018 й.

N ПҚ-3769

 

2018/2019 ЎҚУВ ЙИЛИДА ЎЗБЕКИСТОН РЕСПУБЛИКАСИНИНГ ОЛИЙ ТАЪЛИМ МУАССАСАЛАРИГА ЎҚИШГА ҚАБУЛ ҚИЛИШ ТЎҒРИСИДА

 

Республика иқтисодиёти тармоқлари ва соҳаларида эҳтиёж юқори бўлган мутахассисликлар бўйича юқори малакали мутахассисларни сифатли тайёрлашни таъминлаш, бакалавр ва магистрларни тайёрлашда иш берувчиларнинг жорий ва истиқболдаги эҳтиёжларини инобатга олган ҳолда сон ва таълим йўналишлари уйғунлигига эришиш, олий таълим муассасалари битирувчилари меҳнатидан тармоқ, ҳудудий ва мақсадли лойиҳалар портфелларини инобатга олган ҳолда фойдаланишни яхшилаш мақсадида, шунингдек, 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини Фаол тадбиркорлик, инновацион ғоялар ва технологияларни қўллаб-қувватлаш йилида амалга оширишга оид Давлат дастурига мувофиқ:

 

1. Маълумот учун қабул қилинсинки, Ўзбекистон Республикаси Иқтисодиёт вазирлиги томонидан Олий ва ўрта махсус таълим вазирлиги, Бандлик ва меҳнат муносабатлари вазирлиги, Молия вазирлиги билан биргаликда давлат ҳамда хўжалик бошқаруви органлари, маҳаллий давлат ҳокимияти органлари ва бошқа ташкилотлар иштирокида:

Ўзбекистон Республикаси Президентининг 2015 йил 23 июндаги «Республика олий таълим муассасаларига ўқишга қабул қилиш параметрларини шакллантириш механизмини янада такомиллаштириш чора-тадбирлари тўғрисида»ги ПҚ-2360-сонли қарорига мувофиқ олий таълим муассасаларига ўқишга қабул қилиш ва иш берувчиларнинг олий таълим муассасалари битирувчиларига бўлган талаби параметрларининг баланс ҳисоб-китоби ишлаб чиқилди; аниқ йўналиш ва мутахассисликлар бўйича тайёргарликка эга бўлган олий таълим муассасалари битирувчиларига нисбатан истиқболга мўлжалланган талаб-эҳтиёж, шунингдек, битирувчиларнинг танланган мутахассислик бўйича ишга жойлашуви мониторинги маълумотлари асосида 2018/2019 ўқув йили учун олий таълим муассасаларига ўқишга қабул қилиш квоталари шакллантирилди.

 

2. 2018/2019 ўқув йилида Ўзбекистон Республикаси олий таълим муассасаларига ўқишга қабул қилиш бўйича умумий квота:

1-иловага мувофиқ бакалаврлар учун 69 200 нафар, шу жумладан, давлат грантлари бўйича — 17 654 нафар ва тўлов-контракт асосида — 51 546 нафар;

2-иловага мувофиқ магистрлар учун 5 903 нафар, шу жумладан, давлат грантлари бўйича — 1 552 нафар ва тўлов-контракт асосида — 4 351 нафар;

3-иловага мувофиқ махсус сиртқи бўлимларда бакалаврлар учун 11 765 нафар, шу жумладан, давлат грантлари бўйича — 15 нафар ва тўлов-контракт асосида — 11 750 нафар этиб белгилансин.

 

3. 2018/2019 ўқув йилида қабул қилиш квоталари:

Тошкент ирригация ва қишлоқ хўжалигини механизациялаш муҳандислари институти, Тошкент ирригация ва қишлоқ хўжалигини механизациялаш муҳандислари институти Бухоро филиали учун — Ўзбекистон Республикаси Президентининг 2018 йил 8 майдаги «Тошкент ирригация ва қишлоқ хўжалигини механизациялаш муҳандислари институтида олий маълумотли кадрлар тайёрлаш тизимини тубдан такомиллаштириш чора-тадбирлари тўғрисида»ги ПҚ-3702-сонлиқарори билан;

Самарқанд ветеринария медицинаси институти учун — Ўзбекистон Республикаси Президентининг 2018 йил 8 майдаги «Самарқанд ветеринария медицинаси институтини ташкил этиш тўғрисида»ги ПҚ-3703-сонли қарори билан;

Тошкент давлат аграр университети, Тошкент давлат аграр университетининг Нукус филиали, Тошкент давлат аграр университетининг Термиз филиали ва Тошкент давлат аграр университетининг Андижон филиали учун — Ўзбекистон Республикаси Президентининг 2018 йил 8 майдаги «Тошкент давлат аграр университетида олий маълумотли кадрлар тайёрлаш тизимини тубдан такомиллаштириш чора-тадбирлари тўғрисида»ги ПҚ-3704-сонли қарори билан;

Ўзбекистон журналистика ва оммавий коммуникациялар университети учун — Ўзбекистон Республикаси Президентининг 2018 йил 24 майдаги «Ўзбекистон журналистика ва оммавий коммуникациялар университетини ташкил этиш тўғрисида»ги ПҚ-3737-сонли қарори билан тасдиқланганлиги маълумот учун қабул қилинсин.

 

4. Ўзбекистон Республикаси Иқтисодиёт вазирлиги, Соғлиқни сақлаш вазирлиги, Бандлик ва меҳнат муносабатлари вазирлиги, Олий ва ўрта махсус таълим вазирлиги ҳамда Молия вазирлигининг 2018/2019 ўқув йилида Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари буюртмаларига биноан юқори малакали тиббиёт кадрларига ўткир талаб мавжуд бўлган ҳудудлар учун мақсадли қабул бўйича квоталарни Ўзбекистон Республикасининг тиббиёт олий таълим муассасаларига давлат грантлари асосида бакалавриат йўналиши бўйича мутахассислар тайёрлашнинг умумий белгиланган параметрлари доирасида ажратиш бўйича таклифи 4-иловага мувофиқ қабул қилинсин.

 

5. Белгилансинки, 2018/2019 ўқув йилидан бошлаб олий таълим муассасаларида «Мактабгача таълим» бакалавриат таълим йўналиши бўйича кадрлар тайёрлаш ўқиш муддати 3 йил бўлган бакалавриат таълим дастурлари доирасида амалга оширилади.

Ўзбекистон Республикаси Олий ва ўрта махсус таълим вазирлиги Мактабгача таълим вазирлиги билан биргаликда икки ой муддатда 2018/2019 ўқув йилидан бошлаб олий таълим муассасаларида ўқув жараёнини тўлақонли ташкил этиш учун «Мактабгача таълим» бакалавриат таълим йўналишининг малакавий талаблари, ўқув режалари ҳамда дастурларини ишлаб чиқсин ва тасдиқласин.

 

6. Ўзбекистон Республикаси Соғлиқни сақлаш вазирлиги, Олий ва ўрта махсус таълим вазирлиги, Фарғона вилояти ҳокимлигининг 2018/2019 ўқув йилидан бошлаб Тошкент тиббиёт академиясининг Фарғона филиалига ўқишга қабул қилишни қайтадан тиклаш ҳақидаги таклифига розилик берилсин.

Ўзбекистон Республикаси Соғлиқни сақлаш вазирлиги ва Фарғона вилояти ҳокимлиги 2018 йил 1 июлгача Тошкент тиббиёт академияси Фарғона филиалининг ўқув бинолари, лабораториялари ва талабалар турар жойларини янги 2018/2019 ўқув йилига тайёрлаш бўйича қурилиш-таъмирлаш ишларини якунласин, шунингдек, уларни зарур ускуналар билан жиҳозласин.

 

7. Ўзбекистон Республикаси таълим муассасаларига ўқишга қабул қилиш бўйича Давлат комиссияси (кейинги ўринларда Давлат комиссияси деб аталади) таркиби 5-иловага мувофиқ тасдиқлансин.

Давлат комиссиясига қуйидаги ҳуқуқлар берилсин:

бакалавриат таълим йуналишлари ва магистратура мутахассисликлари бўйича олий таълим муассасаларига ўқишга кириш чоғида абитуриентлар тўплаган балларнинг рейтинг баҳосини ҳисобга олган ҳолда олий таълим муассасаларининг бакалавриат ва магистратурасига қабул қилиш параметрларига ўзгартиришлар киритиш;

янги йўналишлар ва мутахассисликларни киритиш учун бакалавриат ҳамда магистратуранинг қабул квоталарига ўзгартиришлар киритиш;

иқтисодиёт тармоқлари ва ҳудудларнинг, шу жумладан, республиканинг олис ва бориш қийин бўлган туманларининг мутахассисларга бўлган ўринли эҳтиёжларини қондириш учун олий таълим муассасаларининг бакалавриат ва магистратурасига тегишли тармоқлар ва ҳудудлар бўйича мақсадли қабул кўрсаткичларини белгилаш.

 

8. Тасарруфида олий таълим муассасалари бўлган вазирлик ва идоралар Ўзбекистон Республикаси Вазирлар Маҳкамаси ҳузуридаги Давлат тест маркази билан биргаликда уч ҳафта муддатда тасарруфидаги олий таълим муассасаларининг бакалавриат ва магистратура бўйича давлат гранти ҳамда тўлов-контракт асосида ўринлар квотасини таълим тилларига қараб тақсимлашга оид таклифларни Давлат комиссиясига тасдиқлаш учун киритсин.

 

9. Ўзбекистон Республикаси Олий ва ўрта махсус таълим вазирлиги:

«Ўзстандарт» агентлиги ва Ўзбекистон Республикаси Вазирлар Маҳкамаси ҳузуридаги Давлат тест маркази билан биргаликда бир ой муддатда янги киритилаётган бакалавриат таълим йўналишлари ҳамда магистратура мутахассисликлари юзасидан Олий таълим йўналишлари ва мутахассисликлари классификаторига белгиланган тартибда ўзгартиш ва қўшимчалар киритсин;

икки ой муддатда янги киритилаётган бакалавриат таълим йўналишлари ва магистратура мутахассисликлари бўйича малакавий талаблар, ўқув режалари ҳамда дастурлар ишлаб чиқсин ва белгиланган тартибда тасдиқласин;

Вазирлар Маҳкамаси ҳузуридаги Таълим сифатини назорат қилиш давлат инспекцияси билан биргаликда икки ой муддатда республика олий таълим муассасалари рейтингини ҳар йили аниқлаш миллий тизимини рейтингнинг устувор кўрсаткичларини белгилашда кадрларга асосий буюртмачиларнинг — вазирликлар, идоралар ва бошқа ташкилотларнинг талабларига алоҳида эътибор қаратган ҳолда такомиллаштириш юзасидан таклифлар тайёрласин ва Ўзбекистон Республикаси Вазирлар Маҳкамасига киритсин.

 

10. Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекцияси тасарруфида олий таълим муассасалари бўлган вазирлик ва идоралар ҳамда кадрларнинг асосий буюртмачилари билан биргаликда олий таълим муассасаларининг бакалавриат таълим йўналишларини 5 йилда бир марта аттестациядан ўтказсин ва натижалари бўйича ушбу бакалавриат таълим йўналиши бўйича белгиланган талабларга жавоб бермайдиган мутахассислик кафедрасининг фаолиятини тугатиш ҳақида таклифлар киритсин.

 

11. Ўзбекистон Республикаси Молия вазирлиги 2018/2019 ўқув йилида давлат грантлари асосида бакалавриат ва магистратурага ўқишга қабул қилиш бўйича белгиланган квоталарни ҳисобга олган ҳолда Ўзбекистон Республикаси Давлат бюджетидан зарур маблағлар ажратилишини таъминласин.

 

12. Ўзбекистон Республикаси Олий ва ўрта махсус таълим вазирлиги тасарруфида олий таълим муассасалари бўлган вазирлик ва идоралар, Молия вазирлиги билан биргаликда 2018 йил 1 июлгача ўқитишга сарфланадиган жами харажатлардан келиб чиққан ҳолда қиймат миқдорини аниқлашни назарда тутадиган, олий таълим муассасаларида талабаларни тўлов-контракт асосида ўқитиш қийматини аниқлаш механизмини такомиллаштириш юзасидан Ўзбекистон Республикаси Вазирлар Маҳкамасига таклифлар киритсин.

 

13. Ўзбекистон Республикаси Олий ва ўрта махсус таълим вазирлиги тасарруфида олий таълим муассасалари бўлган вазирлик ва идоралар билан биргаликда бир ой муддатда олий таълим муассасаларининг сиртқи ва кечки бўлимларига қабул квоталари юзасидан, салоҳиятли истеъмолчилар талабларини ҳисобга олган ҳолда, Давлат комиссиясига эҳтиёж юқори бўлган бакалавриат таълим йўналишлари кесимида асосланган таклифлар киритсин.

Белгилансинки:

олий таълим муассасаларининг сиртқи ва кечки таълим бўлимларига умумий қабул квота республика олий таълим муассасалари бакалавриатига 2018/2019 ўқув йили учун тасдиқланган умумий қабул квотасининг 30 фоизигача бўлган миқдорида белгиланади;

олий таълим муассасаларининг сиртқи ва кечки таълим бўлимларида ўқитиш тўлов-контракт асосида амалга оширилади;

олий таълим муассасаларининг сиртқи ва кечки таълим бўлимларида ўқитиш қиймати тегишли бакалавриат таълим йўналиши бўйича кундузги ўқитиш шаклиқийматидан кам бўлмаган миқдорида белгиланади.

 

14. Ўзбекистон Республикаси Олий ва ўрта махсус таълим вазирлиги

кадрлар буюртмачилари билан биргаликда ҳар йили янги ўқув йили бошлангунига қадар бакалавриат таълим йўналишлари ва магистратура мутахассисликларининг ўқув режалари ҳамда дастурларини меҳнат бозори конъюнктурасининг тез ўзгарувчан шароитида юқори малакали кадрларнинг амалий тайёргарлигини таъминлайдиган замонавий фанлар киритган, ишлаб чиқариш ва реал иқтисодиёт тармоқларида инновацион ҳамда илм-фанга асосланган технологияларни татбиқ қилишни ҳисобга олган ҳолда қайта кўриб чиқсин.

 

15. Ўзбекистон Республикаси Олий ва ўрта махсус таълим вазирлиги Ташқи ишлар вазирлиги, Ташқи ишлар вазирлиги ҳузуридаги Мутахассисларни хорижда тайёрлаш ва ватандошлар билан мулоқот маркази, Бандлик ва меҳнат муносабатлари вазирлиги билан биргаликда 2018/2019 ўқув йилидан бошлаб республика олий таълим муассасалари таълим жараёнига хорижий етакчи олимлар, мутахассис-амалиётчилар ва юқори малакали ўқитувчиларни тегишли бакалавриат таълим йўналишлари ҳамда магистратура мутахассисликлари бўйича дарс машғулотларини ўтказишга жалб этиш чораларини кўрсин.

 

16. Ўзбекистон Республикаси Олий ва ўрта махсус таълим вазирлиги, тасарруфида олий таълим муассасалари бўлган вазирлик ва идоралар Иқтисодиёт вазирлиги билан биргаликда 2019 йил 1 январгача:

кадрлар буюртмачилари рўйхати ва 2018/2019 ўқув йилида бакалавриат таълим йўналишлари ҳамда магистратура мутахассисликлари бўйича ўқишга қабул қилинган ва ўзи томонидан тақсимланган талабалар сонини;

2018/2019 ўқув йилида бакалавриат таълим йўналишлари ва магистратура мутахассисликлари бўйича ўқишга қабул қилинган талабаларнинг амалиёт ўташ объектлари рўйхатини Давлат комиссиясига тасдиқлаш учун киритсин.

 

17. Ўзбекистон Республикаси Олий ва ўрта махсус таълим вазирлиги, тасарруфида олий таълим муассасалари бўлган вазирлик ва идоралар ҳайъатлари амалиётига:

олий таълим муассасалари битирувчиларининг меҳнат фаолияти давомида уларнинг билим ва кўникмаларида кузатилган камчиликларни иш берувчилар иштирокида ҳар чоракда камида бир марта муҳокама қилиш;

ҳар йил якуни бўйича, лекин кейинги йилнинг февраль ойидан кечиктирмасдан, Ўзбекистон Республикаси Вазирлар Маҳкамасининг Таълим, соғлиқни сақлаш, жисмоний тарбия, спорт ва туризм масалалари комплексига тайёрланаётган кадрлар малакасидаги камчиликлар тўғрисидаги умумлаштирилган таҳлилий ахборот, шунингдек, уларни бартараф этиш бўйича тавсия ва таклифлар тақдим этиш киритилсин.

Ушбу банд ижросининг назорати Ўзбекистон Республикаси Президентининг 2017 йил 27 июлдаги «Олий маълумотли мутахассислар тайёрлаш сифатини оширишда иқтисодиёт соҳалари ва тармоқларининг иштирокини янада кенгайтириш чора-тадбирлари тўғрисида»ги ПҚ-3151- сонли қарорига мувофиқ олий таълим муассасалари бириктирилган Вазирлар Маҳкамаси комплекслари раҳбарлари, вазирликлар ва идоралар раҳбарлари зиммасига юклатилсин.

 

18. Ўзбекистон Республикаси Олий ва ўрта махсус таълим вазирлиги Адлия вазирлиги билан биргаликда бир ой муддатда қонун ҳужжатларига мазкур қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклиф киритсин.

 

19. Мазкур қарорнинг бажарилишини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг Давлат маслаҳатчиси Р.С. Қосимов зиммасига юклансин.

 

Ўзбекистон Республикаси Президенти                        Ш. Мирзиёев

 

Қонун ҳужжатлари маълумотлари миллий базаси (www.lex.uz),

2018 йил 5 июнь

 

«Халқ сўзи», 2018 йил 6 июнь

***

ЎЗБЕКИСТОН РЕСПУБЛИКАСИ ПРЕЗИДЕНТИНИНГ ҚАРОРИ

14.05.2018 й.

N ПҚ-3726

 

ЎЗБЕКИСТОН РЕСПУБЛИКАСИ ҚУРОЛЛИ КУЧЛАРИ ҲАРБИЙЛАРИ ВА УЛАРНИНГ ОИЛА АЪЗОЛАРИНИ ИЖТИМОИЙ ҚЎЛЛАБ-ҚУВВАТЛАШГА ОИД ҚЎШИМЧА ЧОРА-ТАДБИРЛАР ТЎҒРИСИДА

 

Миллий армияни изчиллик билан қуриш ва ислоҳ қилишнинг қисқа даври ичида ҳарбий бошқариш тизими ва уни замонавий қурол-астлаҳа ва ҳарбий техника билан жиҳозлаш даражаси кескин ўзгарди.

Мураккаб, кескин ўзгарувчан, аввалам бор бир-бирига боғлик халқаро терроризм, диний экстремизм ва радикализмнинг кучайиши, мамлакатимиз чегаралари яқинида тўхтамаётган қуролли можаролар, ёшлар ўртасида халқимизга ёд бўлган ғояларнинг тарқатилиши шароитларида, Ўзбекистон Республикаси Қуролли Кучлариҳарбийлари ҳар куни ҳарбий-хизмат вазифаларни бажариб келмоқдалар. Ҳарбий хизматчиларнинг янги хизматни ўташ жойларига, шу жумладан, иқлим шароитлари оғир бўлган узоқ гарнизонларга кўчиб ўтиши натижасида, уларнинг фарзандлари таълим муассасаларини доимий равишда ўзгартириб туришади, мазкур ҳолат эса улар томонидан олинаётган билимлар сифатига таъсир кўрсатмоқда.

Вужудга келган вазиятни эътиборга олган ҳолда, ҳарбий хизматлари доимий ҳарбий тайёргарлик ҳолатида ўтаётганлигини ҳисобга олиб, ҳарбий хизматчиларнинг маънавий-руҳий ҳолатини сақлаб қолиш ва қўллаб-қувватлаш, уларнинг оила аъзоларига бўлган ғамхўрликка алоҳида эътибор қаратилмоқда.

Ўзбекистон Республикаси Қуролли Кучлари ҳарбийлари ва уларнинг оила аъзоларини янада ижтимоий қўллаб-қувватлаш, маънавий-руҳий ҳолатини мустаҳкамлаш мақсадида:

 

1. 2018/2019 ўқув йилидан бошлаб шундай тартиб ўрнатилсинки, унга мувофиқ Ўзбекистон Республикаси Қуролли Кучлари таркибига кирувчи вазирликлар ва идораларнинг хизматдаги офицерлари, шартнома бўйича хизмат қилаётган сержантлар ва оддий аскарлар таркиби (кейинги ўринларда — вазирлик ва идоралар) фарзандлари учун:

республика олий таълим муассасалари давлат гранти асосида олий таълим муассасаларига умумий белгиланган қабул кўрсаткичлари квотасидан ташқари;

ҳарбий олий таълим муассасаларига курсантларнинг умумий қабул сонидан бакалавриятга қабул қилишнинг беш фоизли квотаси ажратилади (иккинчи ва ундан кейинги олий таълимдан ташқари).

 

2. Белгилансинки:

а) мазкур қарорнинг 1-бандига мувофиқ республиканинг олий таълим муассасалари ва олий ҳарбий таълим муассасаларига (кейинги ўринларда — таълим муассасалари) квота асосида кириш ҳамда давлат гранти асосида таълим олиш ҳуқуқи мамлакатнинг мудофаа қудратини мустаҳкамлашга салмоқли ҳисса қўшган, хизматдаги ҳарбий ва илмий фаолиятда маълум бир натижаларга эришган ва тегишли вазирликлар ва идораларнинг тавсияномаларига эга бўлган хизматдаги офицерлар, шартнома бўйича хизмат қилаётган сержантлар ва оддий аскарларнинг (кейинги ўринларда — ҳарбий хизматчилар) фарзандларига берилади;

б) ажратилган беш фоизли квота чегарасида ҳарбий хизматчиларнинг фарзандларини қабул қилиш танлов асосида амалга оширилади ҳамда жойлар Ўзбекистон Республикаси Вазирлар Маҳкамаси ҳузуридаги Давлат тест маркази томонидан ўтказиладиган тест синовлари натижаси бўйича тўпланган баллардан келиб чиққанҳолда, навбатдаги кетма-кетлик тартибига мувофиқ тақсимланади;

в) олий таълим муассасаларига фарзандлари ўқишга кириши учун ҳарбий хизматчиларга бериладиган тавсияномалар, тавсияномаларни бериш тўғрисидаги қабулқилинадиган қарорларнинг ҳолислиги юзасидан шахсий жавобгарлик юкланадиган, ҳарбий хизматчиларнинг (бошлиқларнинг) бевосита командирларининг илтимосномалари асосида тегишли вазирлик ва идоралар томонидан берилади;

г) тавсияномалар фарзандларнинг олий таълим муассасасига бир марта кириши учун уч йилдан ошмайдиган муддатга берилади;

д) абитуриентда тегишли вазирлик ва идора томонидан берилган тавсияноманинг мавжудлиги ҳолатида, шунингдек, муддатли ҳарбий хизмат ниҳоясига етгандан кейин ҳарбий қисмнинг қўмондонлиги томонидан, муддатли ҳарбий хизмат муддати тугаганидан сўнг ҳарбий қисм қўмондонлиги томонидан берилган, тавсияномада назарда тутилган қўшимча йиғилган балларни ҳисобга олган ҳолда, уни ўқишга қабул қилиш Ўзбекистон Республикаси Вазирлар Маҳкамаси ҳузуридаги Давлат тест маркази томонидан ўтказиладиган тест синовлари натижаси бўйича танлов асосида амалга оширилади;

е) тавсиянома бланклари қатъий ҳисобот ҳужжатни ҳисобланади, ҳисобга олиш серияси, рақами ва ҳимояланиш даражасига эга бўлиб, «Давлат белгиси» давлат ишлаб чиқариш бирлашмасида тайёрланади.

 

3. Ўзбекистон Республикаси Қуролли Кучлари таркибига кирувчи вазирликлар ва идоралар ўртасида олий таълим муассасаларига беш фоизли қабул квотасининг умумий ҳар йили тақсимланадиган жойлари қуйидаги нисбатда тақсимлансин:

Мудофаа вазирлиги — 44 фоиз;

Ички ишлар вазирлиги — 10 фоиз;

Фавқулотда вазиятлар вазирлиги — 3 фоиз;

Ахборот технологиялари ва коммуникацияларини ривожлантириш вазирлиги — 1 фоиз;

Давлат хавфсизлик хизмати — 30 фоиз;

Миллий гвардия — 10 фоиз;

Ўзбекистон Республикаси Президентининг давлат хавфсизлик хизмати 2 фоиз.

 

4. Белгилансинки, 2018/2019 ўкув йилидан бошлаб Қуролли Кучлари таркибига кирувчи вазирлик ва идораларнинг офицерлар, шартнома бўйича хизматқилаётган сержантлар ва оддий аскарлар таркибидаги, ҳарбий хизматни ўташда ҳалок бўлган, шунингдек, ҳарбий хизматни ўташда ярадор бўлган, контузия, шикаст олиш натижасида ногирон бўлиб қолган ёки касалликларга дучор бўлган ҳарбий хизматчиларнинг фарзандлари вазирликлар ёки идораларнинг тегишли тавсияномалари асосида белгиланган қабул квоталаридан ташқари давлат гранти асосида олий таълим муассасаларининг бакалавриятига (иккинчи ва ундан кейинги олий таълимдан ташқари) танловсиз қабул қилинадилар.

 

5. Вазирликлар ва идораларга 2018/2019 ўкув йилларидан олдин тўлов-шартнома асосида олий таълим муассасаларининг бакалавриятларига ўқишга кирган, харбий хизмат вазифаларини бажариш чоғида ҳалок бўлган офицерлар, шартнома бўйича хизмат қилаётган сержантлар ва оддий аскарларнинг фарзандлари учун бюджетдан ташқари маблағлар хисобидан шартномаларни тўлашга рухсат этилсин.

 

6. Ўзбекистон Республикаси Мудофаа вазирлиги Олий ва ўрта махсус таълим вазирлиги бошқа манфаатдор вазирликлар ва идоралар билан биргаликда:

икки ҳафта муддатда Ўзбекистон Республикаси Қуролли Кучлари ҳарбийлари фарзандларини квота асосида республиканинг олий таълим муассасаларига ўқишга кириши учун тавсияномаларни бериш тартиби тўғрисидаги Низом лойиҳасини Ўзбекистон Республикаси Вазирлар Маҳкамасига киритсин;

қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин;

ўзлари қабул қилган норматив-ҳуқуқий ҳужжатларни ушбу қарорга мувофиқлаштирсин.

 

7. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.

 

Ўзбекистон Республикаси Президенти                        Ш. Мирзиёев

 

Қонун ҳужжатлари маълумотлари миллий базаси (www.lex.uz),

2018 йил 18 май

 

***

Вазирлар Маҳкамасининг 2018 йил 3 апрелдаги 261-сон қарорига

1-ИЛОВА

Ўзбекистон Республикаси олий таълим муассасаларининг бакалавриатига ўқишга қабул қилиш учун кириш тест синовларини ўтказиш тартиби тўғрисидаги

НИЗОМ

1-БОБ. УМУМИЙ ҚОИДАЛАР

1. Мазкур Низом Ўзбекистон Республикаси олий таълим муассасаларининг (кейинги ўринларда олий таълим муассасалари деб аталади) бакалавриатига ўқишгақабул қилиш учун кириш тест синовларини ўтказиш тартибини белгилайди.

2. Ушбу Низом ҳарбий таълим муассасаларига ва Ўзбекистонда фаолият олиб бораётган хорижий олий таълим муассасаларига (филиалларига) ўқишга қабулқилиш бўйича тест синовларини ўтказишга нисбатан татбиқ этилмайди.

3. Мазкур Низомда қуйидаги асосий тушунчалардан фойдаланилади:

абитуриент — олий таълим муассасаларининг қабул комиссиясига ҳужжат топширган, Давлат тест марказининг рухсатномасига эга бўлган, тест синовиқоидаларига қатъий амал қилган ҳолда белгиланган гуруҳда тест синовларида иштирок этувчи талабгор;

абитуриент рухсатномаси — паспорт (у бўлмаган ҳолда шахсни тасдиқловчи бошқа ҳужжат) билан биргаликда абитуриентнинг белгиланган сана ва вақтда тест синовларида иштирок этишга рухсат берадиган ҳужжат;

бино раҳбари — Давлат тест маркази директорининг буйруғи билан тайинланадиган, белгиланган вазифа ва мажбуриятлар бўйича бинодаги гуруҳ назоратчилари ва абитуриентлар ҳаракатларига умумий раҳбарликни бажарувчи, назорат қилувчи ва амалий ёрдам кўрсатувчи ходим;

гуруҳ назоратчиси — Давлат тест маркази билан тузилган шартнома асосида шартномада белгиланган вазифа ва мажбурият бўйича тест синовларида абитуриентлар ҳаракатига умумий раҳбарликни амалга ошириш, тест синовининг белгиланган тартиб бўйича ўтишини қатъий назорат қилишга масъул бўлган ва абитуриентларга тест синовини топшириш тартиби бўйича амалий ёрдам кўрсатиш учун жалб қилинган ва тест синовлари ўтказилиши билан боғлиқ семинарда иштирок этган шахс;

жавоблар варақаси — тест топшириқлари китобидаги ҳар бир топшириқнинг бажарилиши натижасида танлаган жавобнинг биттасини белгилашга мўлжалланган ва абитуриентнинг билимини баҳолаш учун асос ҳисобланадиган ягона ҳужжат;

олий таълим муассасасининг қабул комиссияси (кейинги ўринларда қабул комиссияси деб аталади) — олий таълим муассасаси ректори (филиал директори)нинг буйруғи билан тасдиқланадиган, белгиланган вазифалар бўйича таълим йўналишларига абитуриентлар ҳужжатларини қабул қилувчи, уларга тест синовлари жараёни бўйича маслаҳатлар, кўрсатмалар берувчи, тест синовларини ўтказишнинг ташкилий масалаларида иштирок этувчи орган;

тест топшириқлари китоби — белгиланган фанлар мажмуаси бўйича тест топшириқларини ўз ичига олган саволлар тўплами;

титул варақаси — абитуриент ҳақидаги маълумотларни ўз ичига олган, олий таълим муассасасининг қабул комиссияси томонидан тест синови натижалари қайд этиладиган ҳужжат;

Ўзбекистон Республикаси Вазирлар Маҳкамаси ҳузуридаги Давлат тест маркази вакили (кейинги ўринларда Давлат тест маркази вакили деб аталади) — Ўзбекистон Республикаси Вазирлар Маҳкамаси ҳузуридаги Давлат тест маркази (кейинги ўринларда Давлат тест маркази деб аталади) директорининг буйруғи билан тайинланадиган, тест синовлари ўтказиладиган тегишли ҳудуд ва бинода белгиланган вазифа ва мажбуриятлар бўйича амалга ошириладиган тадбирларга умумий раҳбарлик қилувчи ҳамда тест синови иштирокчиларининг вазифаларига мувофиқ ҳаракатини назорат қилувчи ва амалий ёрдам кўрсатувчи ходим.

4. Тест синовларини адолатли ва холисона ўтказиш мазкур Низом талабларига қатъий риоя этган ҳолда олий таълим муассасаларининг қабул комиссиялари, маҳаллий давлат ҳокимияти органлари, Давлат тест маркази вакиллари, бино раҳбарлари, гуруҳ назоратчилари томонидан таъминланади.

Мазкур Низомда белгиланган талабларга мувофиқ тест синовларини ўтказиш бўйича ташкилий ишлар маҳаллий давлат ҳокимияти органлари ва олий таълим муассасаларининг қабул комиссиялари томонидан таъминланади.

5. Тест синовлари ўтказиладиган кунда Давлат тест марказининг тегишли рухсатномасига эга бўлмаган шахсларнинг тест синовлари ўтказилиши белгиланганҳудудга кириши тақиқланади.

6. Тест синовлари кундузги, махсус сиртқи ва кечки (сменали) таълим шакли учун ҳар йили 1 августдан 15 августгача бўлган муддатда, қоида тариқасида, кунига икки сменада ўтказилади. Биринчи смена соат 08:00 да, иккинчи смена соат 15:00 да бошланади.

Абитуриент тест синовлари бошланганидан сўнг бинога тегишли ҳудудга киритилмайди.

7. Абитуриент рухсатномасида кўрсатилган сана ва вақтда тест синовларида иштирок этади.

Абитуриент учун мазкур сана ва вақт қатъий ҳисобланиб, унга бошқа сана ва вақтда тест синовларида иштирок этиш учун рухсат берилмайди.

8. Тест топшириқлари умумий ўрта ва ўрта махсус, касб-ҳунар таълимининг умумтаълим фанлари ўқув дастурларига мувофиқ тузилади.

9. Абитуриентлар танлаган таълим йўналишига қараб тегишли равишда бир, икки ёки учта фан мажмуаси бўйича тест синовини топширади.

10. Тест топшириқлари китобидаги мавжуд ҳар бир фан 30 тадан тест топшириғини ўз ичига олади.

11. Тест топшириқларини бажариш учун (жавоблар варақасини тўлдириш билан бирга) 30 та тест топшириғига 1 соат, 60 та тест топшириғига 2 соат, 90 та тест топшириғига 3 соат вақт белгиланади.

12. Абитуриентларнинг талабаликка тавсия этилгани ёки этилмагани тўғрисида белгиланган тартибда тасдиқланган тест синовлари натижалари тест синови ўтказилган куннинг эртасига Давлат тест марказининг расмий веб-сайтида эълон қилинади ҳамда олий таълим муассасаларига етказилади.

13. Ўзбекистон Республикаси олий таълим муассасаларининг бакалавриатига ўқишга қабул қилиш учун кириш тест синовларини ташкил этиш мазкур Низомга 1-иловадакелтирилган схемага мувофиқ амалга оширилади.

 

2-БОБ. ТЕСТ СИНОВЛАРИГА ТАЙЁРГАРЛИК КЎРИШ ВА УЛАРНИ ЎТКАЗИШ

• 1. Тест синовлари ўтказиладиган жойларга қўйиладиган умумий талаблар

14. Тест синовлари Тошкент шаҳридаги «Ўзэкспомарказ» миллий кўргазмалар мажмуаси павильонларида ва унинг ҳудудида ўрнатиладиган қўшимча йиғма павильонларда, шунингдек, катта сиғимдаги бошқа биноларда, вилоят марказларида эса — олимпия захиралари коллежлари ёки бошқа ташкилотларнинг катта сиғимдаги биноларида ўтказилади.

15. Биноларни тайёрлаш, видеокузатувлар орқали жамоатчилик, шу жумладан абитуриентлар ота-оналарининг кириш тест синовлари жараёнини онлайн тарзда кузатиб боришлари, абитуриентларни шахсни идентификациялаш воситалари ҳамда видеофиксация қурилмалари орқали бинога тегишли ҳудудга киритиш, бинолардаги ва хизмат постларидаги видео ёзувлар сақланиши учун шароитлар яратиш Қорақалпоғистон Республикаси Вазирлар Кенгаши, Тошкент шаҳар ва вилоятлар ҳокимликлари ҳамда Ўзбекистон Республикаси Ахборот технологиялари ва коммуникацияларини ривожлантириш вазирлиги томонидан таъминланади.

Ўзбекистон Республикаси Ахборот технологиялари ва коммуникацияларини ривожлантириш вазирлиги ўтказилган тест синовлари жараёни бўйича видео ёзувларни сақлайди ва уларни тест синовлари ўтказилган куннинг эртасига Давлат тест марказига топширади.

16. Гуруҳ назоратчилари ва абитуриентларни тест синовлари ўтказиладиган ҳудудга назорат хизмати постлари орқали киритиш, тадбир жараёнида жамоат тартибини сақлаш ва жамоат хавфсизлигини таъминлаш Ўзбекистон Республикаси Ички ишлар вазирлиги ҳамда олий таълим муассасаларининг қабул комиссиялари томонидан амалга оширилади.

17. Ҳудуд бўйича бош штабда, тест синовлари ўтказиладиган ҳар бир бинода Давлат тест марказининг вакилига тест материалларини сақлаш, тарқатиш ва йиғиб олиш учун мўлжалланган етарли миқдорда стол, стуллар, компьютер, сканер, стационар телефон алоқаси, доимий видеокузатув ва сейф билан таъминланган махсус хона (штаб) тайёрланади. Бунда бинонинг ҳолати санитария қоидалари, нормалари ва гигиена нормативлари талабларига тўлиқ жавоб бериши лозим.

18. Бинода тест синовлари жараёнини тўлиқ назорат қилиш мақсадида қоида тариқасида, 30 нафар абитуриент учун битта видеокузатув тизими ўрнатилиши, жараённи абитуриентларнинг ота-оналари онлайн тарзда кузатиши учун зарур асбоб-ускуналар билан жиҳозланиши шарт.

Бинода бир нафар абитуриентга қоида тариқасида, 2 м-2 дан кам бўлмаган жой тайёрланади.

19. Ҳудудлар бўйича тест синовлари ўтказиладиган бино ва гуруҳларнинг алоҳида тартиб рақами такрорланмайдиган кетма-кетликда рақамланган бўлиши лозим.

20. Ҳар бир гуруҳ алоҳида ўтириш ўрнига эга бўлган 30 тадан стол ва стул билан таъминланиб, столлар бирдан ўттизгача рақамланиши лозим.

Гуруҳ назоратчиси учун тест материалларини тарқатиш ва қабул қилишга алоҳида стол ва стул ажратилиб, стол узлуксиз видеокузатув билан таъминланган бўлиши зарур.

21. Тест ўтказиладиган ҳар бир бинони тайёрлашда унга ёруғлик тушиши, бинони шамоллатиш, абитуриентни тик тушган қуёш нуридан ҳимоялаш имкониятлари ҳисобга олиниши лозим.

22. Бинога тегишли ҳудудда ва бинога кириш жойларида гуруҳ ва абитуриентлар сони ёзилган кўрсаткичлар илиб қўйилган бўлиши шарт.

23. Тест синовлари ўтказиладиган ҳар бир ҳудудда тест жараёни учун зарур ахборот, техник, тиббий ва маиший шароитлар яратилган бўлиши лозим.

• 2. Тест синовларига тайёргарлик кўриш ва уларни ўтказишда қабул комиссияларининг вазифалари

24. Қабул комиссияси тест синовларига тайёргарлик кўриш ва уларни ўтказиш билан боғлиқ қуйидаги вазифаларни бажаради:

қабул комиссиясининг эълонлар тахтасига қабул жараёни бошланадиган кунга қадар Вазирлар Маҳкамасининг 2017 йил 20 июндаги 393-сон қарори билан тасдиқланган Олий таълим муассасаларининг бакалавриатига ўқишга қабул қилиш тартиби тўғрисидаги низом, мазкур Низом, таълим йўналишлари, таълим шакли ва ўқитиш тили бўйича қабул квоталари, уларга мувофиқ тест синовлари ўтказиладиган фанлар мажмуаси ҳамда касбий (ижодий) имтиҳон топшириладиган таълим йўналишлари рўйхатини жойлаштириш;

қабул жараёнини уюшқоқлик билан, тартибли ташкил этиш, абитуриентларга уларнинг тест синовлари жараёнидаги вазифалари, ҳуқуқ ва мажбуриятларини тушунтириш, тест синовлари жараёни бўйича маслаҳатлар, кўрсатмалар бериш;

ҳар йили 15 июндан 15 июлгача абитуриентларнинг ўқишга қабул қилиш ҳақидаги аризаларини қабул қилиш ва абитуриентларга ҳужжатлар қабул қилинганлиги тўғрисида тилхат ҳамда мазкур Низомга 2-иловага мувофиқ эслатмани бериш;

абитуриентга тест синовлари қоидалари билан тўлиқ танишгани тўғрисида тегишли рўйхатга имзо қўйдириш;

ҳужжат топширган абитуриентлар ҳақидаги маълумотларни ҳужжат топширилган куннинг ўзида қайд дафтарларига ва Давлат тест маркази томонидан тақдим этилган махсус дастур орқали базага киритиш ва абитуриентларнинг электрон шаклдаги фотосуратлари билан бирга Давлат тест марказига тақдим этиб бориш;

махсус дастур орқали базага махсус код, қайд рақами, таълим тури, таълим муассасасининг номи, абитуриентнинг фуқаролиги, фамилияси, исми, отасининг исми, миллати, жинси, паспорт серияси ва рақами, яшаш жойи, туғилган йили ва жойи, ижтимоий келиб чиқиши, таълим олган таълим муассасаси тури, рақами ва номи, манзили ҳамда уни тугатган йили, диплом (шаҳодатнома ёки унинг ўрнини босувчи ҳужжат) рақами, диплом (шаҳодатнома)даги ўртача бали, муддатли ҳарбий хизматни ўтаганлар учун ҳарбий қисм қўмондонлигининг тегишли тавсияномаси ҳамда республика ва халқаро фан олимпиадалари ғолиби эканлиги, Давлат тест маркази томонидан тақдим этилган чет тилини билиш даражаси (В1 ва ундан юқори бўлган) тўғрисидаги сертификат ҳақида маълумот (агар мазкур ҳужжатлар мавжуд бўлса) ва бошқа имтиёзга эга бўлганлар ҳамда тўлиқ давлат таъминотидаги етим болалар ва кўзи ожизлар тоифасига кирувчи шахс тўғрисидаги маълумот, ўқитиш тили, ихтисослиги, чет тили ва уни топшириш усулини киритиш;

таълим йўналишлари, ўқитиш тили ва таълим шакли бўйича олий таълим муассасасига топширилган ҳужжатлар сони, шу жумладан, фан олимпиадалариғолиблари, ҳарбий ва бошқа имтиёзга эга бўлган ҳамда тўлиқ давлат таъминотидаги етим болалар ва кўзи ожизлар тоифасига кирувчи абитуриентлар томонидан топширилган ҳужжатлар ҳақидаги маълумотларни абитуриентлар ва ота-оналар эътибори учун ҳар куни эълон қилиб бориш;

Давлат тест марказидан ҳар йили 17 июль куни мазкур Низомга 3-иловага мувофиқ титул варақаси ва 4-иловага мувофиқ абитуриент рухсатномаси бланкаларини, 24 июль куни абитуриентларга тааллуқли маълумотларни қабул қилиб олиш;

маълумотлар асосида абитуриентларнинг рухсатномалари ва титул варақаларини чоп этиш ҳамда тасдиқлаш;

ҳар йили 22 июлга қадар касбий (ижодий) имтиҳонлар натижаларини махсус дастур орқали базага киритиш ва расмийлаштирилган ҳужжатларни Давлат тест марказига тақдим этиш ҳамда ушбу маълумотларнинг ўзгармаслигини таъминлаш ва абитуриентларга маълумот сифатида эълон қилиш. Ўзбекистон Республикаси таълим муассасаларига ўқишга қабул қилиш бўйича давлат комиссиясининг абитуриентларни талабалар сафига қабул қилиш ҳақидаги қарори чиққунига қадар эълонлар тахтасидан рўйхат олинмаслигини таъминлаш;

абитуриентларга рухсатномаларнинг ҳар йили 29-31 июль кунлари тест синовлари ўтказиладиган биноларнинг чизма нусхаси ва абитуриентларга эслатмани илова қилган ҳолда, қайднома асосида мазкур Низомга 5-иловада келтирилган 1-шакл бўйича тарқатилишини таъминлаш ва абитуриентлар учун тест синовлари жараёни ҳақида маслаҳатлар, кўрсатмалар бериш;

ҳар йили 31 июль куни гуруҳлар кесимида абитуриентларнинг титул варақаларини пакетларга солинган ҳолда Давлат тест маркази вакилига топшириш;

Давлат тест марказидан ҳар йили 16 августдан бошлаб титул варақаларини қабул қилиб олиш.

25. Қабул комиссияси ҳар йили 16 июль куни абитуриентлардан тушган аризалар, халқаро ва республика фан олимпиадалари, танлов ва мусобақалар ғолиблари, чет эл фуқароси бўлган абитуриентлар, ҳарбий қисм қўмондонлигининг тавсияномасига эга бўлган абитуриентлар, тўлиқ давлат таъминотидаги етим болалар тоифасидаги абитуриентлар, Давлат тест маркази томонидан тақдим этилган чет тилини билиш даражаси (В1 ва ундан юқори бўлган) тўғрисидаги сертификатга эга бўлган абитуриентлар ҳақида қабул комиссиясининг раиси ва масъул котиби томонидан имзоланган маълумотларни мазкур Низомга 6-иловадакелтирилган 1—6-шакллар бўйича Давлат тест марказига тақдим этади.

Абитуриент тўғрисида тақдим этилган маълумотларга 16 июлдан сўнг ўзгартириш ва қўшимчалар киритиш тақиқланади.

26. Қабул комиссиясининг раиси ва масъул котиби Давлат тест маркази томонидан тақдим этилган рухсатнома асосида, унда белгиланган кун, тест синовлари ўтказиладиган бино штабида тест синовлари жараёни кузатувчиси сифатида иштирок этади.

27. Қабул комиссияси томонидан ўзига юкланган вазифаларнинг бажарилишини таъминлаш учун жавобгарлик шахсан қабул комиссиясининг раиси ва масъул котиби зиммасига юкланади.

• 3. Тест синовларига тайёргарлик кўриш ва уларни ўтказишда Давлат тест марказининг вазифалари

28. Давлат тест маркази тест синовларига тайёргарлик кўриш ва уларни ўтказиш билан боғлиқ қуйидаги вазифаларни бажаради:

тест материалларининг сифатли ва нуқсонсиз тайёрланишини таъминлаш;

тест материалларининг 1 августгача ва ундан кейин белгиланган кунларда Давлат фельдъегерлик хизмати томонидан Давлат тест маркази вакилига етказилишини таъминлаш;

тест синовлари ўтказилиши билан боғлиқ семинарда иштирок этган малакали шахслар таркибидан, қоида тариқасида, ҳар 30 нафар абитуриентга 2 нафар гуруҳназоратчисини шартнома асосида тест синовлари жараёнига жалб этиш;

қабул комиссияларидан абитуриентлар ҳақида келиб тушган маълумотлар асосида таълим йўналишлари кесимида гуруҳларни шакллантириш ҳамда уларнинг бинолар бўйича ўтириш ўринларини белгилаш;

таълим йўналишлари кесимида абитуриентларнинг гуруҳлар бўйича тақсимланган рўйхатини мазкур Низомга 5-иловада келтирилган 2-шаклга мувофиқ икки нусхада, бино раҳбари ва гуруҳ назоратчилари рўйхатини икки нусхада тайёрлаш ҳамда тасдиқланган ҳолда Давлат тест маркази вакилига етказиш;

кунлик тест синовлари тугагандан сўнг тест материалларининг Давлат фельдъегерлик хизматига топширилишини назорат қилиш;

Давлат тест марказига олиб келинган жавоблар варақалари бўйича тест синовлари натижаларини ҳисоблаш ва эълон қилиш.

Давлат тест маркази мазкур Низом ва қонун ҳужжатларида белгиланган бошқа вазифаларни ҳам амалга ошириши мумкин.

• 4. Тест синовларига тайёргарлик кўриш ва уларни ўтказишда маҳаллий давлат ҳокимияти органларининг вазифалари

29. Қуйидагилар тест синовларига тайёргарлик кўриш ва уларни ўтказишда маҳаллий давлат ҳокимияти органларининг вазифалари ҳисобланади:

ҳар йили 16 июлга қадар тест синовлари ўтказиладиган биноларни мазкур бобнинг 1-параграфида белгиланган талаблар бўйича тест синовларига тайёр ҳолатга келтириш ҳамда бу ҳақда Давлат тест марказига маълумот бериш;

абитуриентларни тест синовлари ўтказиладиган ҳудудга шахсни идентификациялаш воситалари орқали тартибли киритилишини таъминлаш;

тест синовлари жараёнини видеокузатувлар орқали онлайн тизимда ота-оналарга кўрсатиш, бош штаб ва ҳар бир бинода тезкор ахборотларни тўплаш учун уларнинг зарур моддий-техника воситалари билан тўлиқ жиҳозланишини таъминлаш;

абитуриентларнинг ота-оналари ва кенг жамоатчилик учун тест синовларини онлайн режимда кузатишини таъминлаш мақсадида бинога тегишли ҳудуд ташқарисида ўтириш жойларини белгилаш ҳамда кутиш жойларини ташкил этиш;

тест синовларини ўтказиш учун транспорт воситалари билан таъминлашга амалий ёрдам бериш, ҳар бир ҳудуд хавфсизлигини ва тест синовларининг тартибли ўтишини таъминлаш, назорат хизмати постларини ташкил этиш;

ҳар бир сменада абитуриентлар ва гуруҳ назоратчиларини етарли миқдорда ичимлик суви, ҳаворанг пастали шарикли ручкалар билан ҳамда тест синовлари ўтказиладиган биноларни санитария қоидалари, нормалари ва гигиена нормативлари талабларига тўлиқ жавоб беришини таъминлаш.

30. Маҳаллий давлат ҳокимияти органлари, қабул комиссиялари бино ҳудудига ёки бинога гуруҳ назоратчилари, абитуриентлар ва бошқа шахслар томонидан микрокалькулятор, луғат, жадвал, китоб, уяли телефон, компьютер, телекоммуникация воситалари, шпаргалкалар ва шу кабиларни олиб киришларига рухсат берса ёки ўзлари ташкиллаштирса, мазкур ҳолат уларни белгиланган тартибда жавобгарликка тортиш учун асос бўлади.

31. Тест синовлари ўтказиладиган бинога тегишли ҳудудга кириш жойларида ташкил этилган назорат хизмати постларида хизмат олиб бораётган ходимлар томонидан текширув вақтида абитуриентда микрокалькулятор, луғат, жадвал, китоб, уяли телефон, компьютер, телекоммуникация воситалари, шпаргалкалар мавжудлиги аниқланган тақдирда, шу жойга бириктирилган Давлат тест маркази вакили хабардор қилинади.

• 5. Тест синовларини ўтказишда Давлат тест маркази вакили, бино раҳбари, гуруҳ назоратчиси ва абитуриентларнинг вазифалари, ҳуқуқлари ва мажбуриятлари

32. Қуйидагилар Давлат тест маркази вакилининг вазифалари ҳисобланади:

бино раҳбарлари ва гуруҳ назоратчиларига умумий раҳбарлик қилиш ҳамда уларга амалий ёрдам кўрсатиш;

тест синовларининг бошланиши ва тугашини қатъий назорат қилиш, тезкор ахборотларни Давлат тест марказига юбориш, тест синовларини адолатли, холисона ва мазкур Низомда белгиланган талаблар асосида ўтишини таъминлаш.

33. Давлат тест маркази вакили ўзига юкланган вазифаларни самарали амалга ошириш учун маҳаллий давлат ҳокимияти органлари ва қабул комиссияларига кўрсатма бериш, мазкур Низом талабларига амал қилмаган бино раҳбарини, гуруҳ назоратчисини ва абитуриентни тест синовлари жараёнидан четлаштириш ҳамда Давлат тест маркази раҳбарияти билан келишилган ҳолда четлаштирилганлар ўрнига бошқа бино раҳбарини, гуруҳ назоратчисини тайинлаш ҳуқуқига эга.

34. Қуйидагилар Давлат тест маркази вакилининг мажбуриятлари ҳисобланади:

ўзига бириктирилган бинода тест ўтказиш тартибига қатъий риоя этилишини таъминлаш;

белгиланган саналарда эрталаб соат 05:30 дан кечикмасдан ўзига тегишли бинога етиб келиш ва назорат хизмати пости орқали паспорти (рухсатнома ёки гувоҳнома) билан кириш;

бино раҳбарлари ва гуруҳ назоратчилари рўйхатини хизмат постларига етказишни таъминлаш;

тест материаллари солинган захира қутиларни сейфга жойлаштириб, муҳрланишини таъминлаш;

абитуриент тест синовлари қоидаларини бузган ҳолда, уни тест синовларидан четлаштириш тўғрисида гуруҳ назоратчиларига жавоблар варақасининг 4-бўлимини расмийлаштириш учун кўрсатма бериш;

тест синовлари тугагандан сўнг абитуриентларнинг гуруҳлар бўйича рўйхати солинган ва муҳрланган пакетларни, тест материаллари қутиларини мазкур Низомга7-иловада келтирилган тест материаллари қутиси реестри асосида Давлат фельдъегерлик хизмати ходимларига топшириш.

35. Давлат тест маркази вакили абитуриентларга микрокалькулятор, луғат, жадвал, китоб, уяли телефон, компьютер, телекоммуникация воситалари, шпаргалкалар ва шу кабиларни берса ёки фойдаланилаётган ҳолатларда уларни тест синовларидан четлаштириш тўғрисида кўрсатма бермаса, мазкур ҳолат уни белгиланган тартибда жавобгарликка тортиш учун асос бўлади.

36. Давлат тест маркази вакили Давлат тест маркази директорининг буйруғи билан алмаштирилиши мумкин.

37. Мазкур Низом талаблари асосида ўзига бириктирилган бинодаги гуруҳ назоратчилари фаолиятини ва абитуриентларнинг тест топширишини назорат қилиш бино раҳбарининг вазифаси ҳисобланади.

38. Бино раҳбари ўзига юкланган вазифаларни самарали амалга ошириш учун Давлат тест маркази вакилидан амалий ёрдам олиши, мазкур Низом талабларига амал қилмаган гуруҳ назоратчисини, абитуриентни тест синовлари жараёнидан четлаштириш ҳамда Давлат тест маркази вакили билан келишилган ҳолда гуруҳназоратчисини тайинлаш ҳуқуқига эга.

39. Қуйидагилар бино раҳбарининг мажбуриятлари ҳисобланади:

белгиланган саналарда эрталаб соат 05:30 дан кечикмасдан ўзига тегишли бинога етиб келиш ва назорат хизмати пости орқали паспорти (рухсатнома ёки гувоҳнома) билан кириш;

эрталаб соат 06:00 дан 06:30 гача гуруҳ назоратчиларига мазкур Низомга 8-иловага мувофиқ уларнинг рухсатномаларини тарқатиш ва тақсимотини расмийлаштириш;

биринчи сменада соат 06:30 дан 07:00 гача, иккинчи сменада соат 13:30 дан 14:00 гача абитуриентларнинг гуруҳлар бўйича рўйхатини (икки нусхада) ва титул варақаларини, мазкур Низомга 9-иловада келтирилган 1-шакл бўйича тест материалларини тарқатиш ва қабул қилиш баённомасини расмийлаштириш;

тест материаллари солинган захира қутиларини сейфга жойлаштириб, муҳрлаш;

ўзига бириктирилган бинодаги гуруҳ назоратчиларидан абитуриентларнинг гуруҳлар бўйича рўйхатининг бир нусхасини тест синовлари жараёни бошлангандан сўнг 30 дақиқа ичида йиғиб олиш, ундаги ахборотнинг 30 дақиқа ичида Давлат тест марказига электрон шаклда юборилишини таъминлаш;

абитуриент тест материалида типографик хатолик борлиги ҳақида мурожаат қилса, зудлик билан захира қутиларидан таълим йўналиши ва тилига мос тест материалларини гуруҳ назоратчисига бериш ва мазкур Низомга 9-иловада келтирилган 2-шакл бўйича захира тест материалларини тарқатиш баённомасини расмийлаштириш;

гуруҳларда тест синовларини ўтказиш тартибини бузган абитуриентларнинг тестдан четлаштирилишини ва бу ҳақда жавоблар варақасининг 4-бўлими расмийлаштирилишини назорат қилиш;

тест синовининг тугаш вақтига қатъий амал қилиш;

биринчи сменада учта фандан тест топшириқларини бажарувчи абитуриентлар учун соат 11:00 дан 11:20 гача, иккита фандан тест топшириқларини бажарувчи абитуриентлар учун 10:00 дан 10:20 гача, битта фандан тест топшириқларини бажарувчи абитуриентлар учун 09:00 дан 09:20 гача; иккинчи сменада учта фандан тест топшириқларини бажарувчи абитуриентлар учун соат 18:00 дан 18:20 гача, иккита фандан тест топшириқларини бажарувчи абитуриентлар учун 17:00 дан 17:20 гача, битта фандан тест топшириқларини бажарувчи абитуриентлар учун 16:00 дан 16:20 гача мазкур Низомга 10-иловада келтирилган 1—3-шакллар бўйича жавоблар варақаси пакети, тест топшириқлари китоби пакети, титул варақалари пакетини гуруҳларда муҳрланишини назорат қилиш ҳамда гуруҳ назоратчиларидан тест материаллари қутиларини муҳрланган ҳолда қабул қилиб олиш;

абитуриентларнинг гуруҳлар бўйича рўйхати солинган ва муҳрланган пакетни ҳамда тест материаллари қутиларини реестр асосида Давлат тест маркази вакилига топшириш.

40. Бино раҳбари абитуриентларга микрокалькулятор, луғат, жадвал, китоб, уяли телефон, компьютер, телекоммуникация воситалари, шпаргалкалар ва шу кабиларни берса ёки ишлатишга имконият яратса, фойдаланилаётган ҳолатда кўриб туриб тест синовларидан четлаштириш учун кўрсатма бермаса, мазкур ҳолат уни белгиланган тартибда жавобгарликка тортиш учун асос бўлади.

41. Тест синови ўтказилаётган гуруҳда мазкур Низом талабларига қатъий риоя қилиш ва адолатли ўтказилишини таъминлаш гуруҳ назоратчисининг вазифасиҳисобланади.

42. Гуруҳ назоратчиси ўзига юкланган вазифаларни самарали амалга ошириш учун бино раҳбаридан амалий ёрдам олиши, мазкур Низом талабларига амалқилмаган абитуриентни тест синовлари жараёнидан четлаштириш ҳуқуқига эга.

43. Қуйидагилар гуруҳ назоратчиларининг мажбуриятлари ҳисобланади:

тест синовлари ўтказиладиган куни ўзи бириктирилган бинога соат 05:30 дан кечикмасдан ортиқча буюмларсиз (уяли телефон, микрокалькулятор ва шу кабилар) паспорти билан етиб келиш ва соат 06:00 дан 06:30 гача бино штабида ўзларига тегишли рухсатномаларни олиш ва ўзига бириктирилган гуруҳнинг тест синовларига тайёрлигини текшириш, жараёнга салбий таъсир этувчи омиллар аниқланганда, уларни бартараф этиш чораларини кўриш;

гуруҳдаги столларнинг кетма-кетликда рақамланганлигини текшириш;

белгиланган вақтларда бино раҳбаридан абитуриентларнинг гуруҳлар бўйича рўйхатини, титул варақаларини ҳамда тест материаллари қутисини қабул қилиб олиш;

абитуриентнинг рухсатномаси, титул варақасидаги расми ва паспорти асосида текшириб (расмлар шу абитуриентга тегишлилигига ишонч ҳосил қилиб), уларни гуруҳ рўйхати бўйича белгиланган жойига ўтиришини таъминлаш ҳамда тест синовларига келмаган абитуриентларнинг ўрнини бўш қолдириш;

тест синовларига келган абитуриентга тегишли титул варақасини бериш;

тест материаллари қутисида абитуриентлар сонига мос тест топшириқлари китоби, жавоблар варақаси, ишлатилмаган тест топшириқлари китоблари, жавоблар варақаси ва титул варақалари учун бўш пакетлар мавжудлигини текшириш;

мазкур Низомга 11-иловада келтирилган жавоблар варақасини ва жавоблар варақаси рақамига мос рақамли тест топшириқлари китобларини абитуриентларга тарқатиш;

тест топшириқлари китобининг рақами билан жавоблар варақаси рақамининг мослигини ҳамда тест материаллари нуқсонсизлигини текшириб чиқиш, жавоблар варақаси ва тест топшириқлари китоби муқовасида кўрсатилган тегишли жойга фамилияси, исми, отасининг исмини ёзиб, имзо қўйиш учун абитуриентларга кўрсатма бериш;

тест топшириқлари китобида нуқсон мавжудлиги аниқланса, унинг биринчи бетига «нуқсонли» деб ёзиш, алмаштирилган вақтини кўрсатиш ҳамда абитуриентнинг фамилияси, исми, отасининг исмини ёзиб, имзолаш ва ушбу ҳолат ҳақида далолатнома тузиш;

тест синовларига келмаган абитуриентнинг тест топшириқлари китобини тест синовлари бошланганидан сўнг 15 дақиқа ўтгач ишлатилмаган тест топшириқлари китоби пакетига солиб муҳрлаш, абитуриентларнинг гуруҳ бўйича рўйхатига тест синовларига келмаган абитуриент исми-шарифининг тўғрисига «қатнашмади» деган ёзув киритиш ҳамда унинг жавоблар варақаси ва титул варақасини жавоблар варақаси пакетига солиб қўйиш;

биринчи сменада соат 08:00 дан 08:20 гача, иккинчи сменада соат 15:00 дан 15:20 гача абитуриентларнинг гуруҳлар бўйича рўйхатини расмийлаштириш;

абитуриентларнинг гуруҳлар бўйича рўйхатининг тўлдирилган бир нусхасини бино раҳбарига топшириш;

абитуриентлар билан тест топшириқлари бўйича савол-жавоб қилмаслик;

тест топшириқлари учун ажратилган вақт тугаганлигини эълон қилиш, абитуриентларни ўринларидан туришларини талаб қилиш;

абитуриентларга тест материалларини топшириш бўйича кўрсатма бериш;

тест топшириқлари китоби ва жавоблар варақасига шикаст етмаганлигини текшириб қабул қилиб олиш;

барча жавоблар варақаларини жавоблар варақалари пакетига солиш;

тест синовларида қатнашган абитуриентларнинг жавоблар варақаларини, «нуқсонли» деб топилган тест топшириқлари китобини, абитуриентларнинг гуруҳлар бўйича рўйхатининг иккинчи нусхасини жавоблар варақаси пакетига солиб, пакетни муҳрлаш;

ишлатилмаган тест топшириқлари китоби, жавоблар варақаси, титул варақаси пакетлари устидаги маълумотларни хатосиз тўлиқ расмийлаштириш ҳамда тест материаллари қутисига солиб муҳрлаш;

тест синовлари тугагандан сўнг гуруҳда абитуриентлар бўлса, уларни ташқарига чиқариш;

тест материаллари қутисини бино раҳбарига белгиланган вақтларда топшириш ва топширганлигини тасдиқлаш.

44. Гуруҳ назоратчиси абитуриент тест топшириқлари китоби нуқсонли эканлиги ҳақида мурожаат қилса, биринчи сменада 08:00 гача, иккинчи сменада 15:00 гача қуйидаги ишларни амалга оширади:

гуруҳда тест синовларида қатнашмаган абитуриент учун ажратилган тест топшириқлари китобини жавоблар варақаси билан бирга мурожаат қилган абитуриентга беради;

гуруҳда ортиқча тест топшириқлари китоби бўлмаса, бино раҳбаридан захирадаги шу таълим йўналиши ва тилига мос бўлган тест топшириқлари китоби ва жавоблар варақасини беришни сўрайди.

45. Тест синовларини ўтказишда гуруҳ назоратчилари абитуриентларга микрокалькулятор, луғат, жадвал, китоб, уяли телефон, компьютер, телекоммуникация воситалари, шпаргалкалар ва шу кабиларни берса ёки ишлатишга имконият яратса, фойдаланилаётган ҳолатларда тест синовларидан четлаштирмаса ва ушбу ҳолат учун жавоблар варақасининг 4-бўлимини расмийлаштирмаса, мазкур ҳолат уларни белгиланган тартибда жавобгарликка тортиш учун асос бўлади.

46. Тест синовлари жараёнида абитуриент қуйидаги ҳуқуқларга эга:

тест топшириқлари китобидан қоралама сифатида фойдаланиш;

тест топшириқларини белгиланган муддатдан олдин бажариш, ундан сўнг тест материалларини тартиб билан гуруҳ назоратчисига топшириш ҳамда тест синовлари ўтказиладиган ҳудуддан чиқиб кетиш.

47. Абитуриент тест синовлари ўтказиладиган куни бинога тегишли ҳудудга соат 07:00 (иккинчи смена соат 13:00) гача, бинога соат 07:30 (иккинчи смена соат 13:30) гача фақат абитуриент рухсатномаси ва паспорти билан шахсни идентификациялаш воситалари ҳамда видеофиксация қурилмалари орқали тартибли равишда кириши билан биргаликда, биринчи сменада соат 07:30 дан 08:00 гача, иккинчи сменада соат 14:30 дан 15:00 гача қуйидаги ишларни амалга оширишга мажбур:

тест топшириқлари китоби ва унга мос рақамли жавоблар варақаси рақамлари мослигини текшириш;

тест материаллари нуқсонсизлигини текшириш ва нуқсон борлиги аниқланса, дарҳол гуруҳ назоратчисига хабар бериш;

жавоблар варақаси тўғри тўлдирилишини таъминлаш;

тест топшириқлари китоби муқовасида ва жавоблар варақасида кўрсатилган тегишли жойга фамилияси, исми, отасининг исмини ёзиб, имзо қўйиш;

жавоблар варақаси рақамини абитуриент рухсатномаси ва титул варақасининг тегишли жойига тўғри кўчириб имзо қўйиш;

титул варақасида кўрсатилган махсус код ва таълим муассасаси кодини жавоблар варақасида кўрсатилган тегишли жойга тўғри кўчириб ёзиш ва тегишли доирачаларни бўяш.

48. Абитуриент мазкур Низомнинг 47-бандидакўрсатилган мажбуриятлардан ташқари қуйидагиларга шахсан жавобгар ҳисобланади:

жавоблар варақасини ҳаво ранг пастали шарикли ручка билан тўлдириш;

жавоблар варақасини букмаслик, маркер чизиғига ёзмаслик, жавоблар варақаси рақами остида жойлашган доирачаларни бўямаслик;

жавоблар варақаси билим даражасини белгиловчи асосий ҳужжат бўлганлиги учун уни тўғри тўлдириш;

белгиланган вақт тугагунига қадар тест топшириқлари китобида мавжуд тест топшириқларини бажарган ҳолда жавоблар варақасининг мос тартиб рақамидаги тегишли доирачаларини бўяб, тест топшириқлари китобини ва унга мос бўлган жавоблар варақасини гуруҳ назоратчисига топшириш.

49. Ҳар бир тест топшириғига 4 тадан («А», «В», «С», «D») муқобил жавоблар берилади.

50. Абитуриент томонидан ҳар бир тест топшириғига фақат битта жавоб белгиланиши шарт бўлиб, тест топшириқлари китобида тўғри деб ҳисобланган жавобларни жавоблар варақасидаги мос тартиб рақамли доирачадан биттасини бўяйди (жавоблар варақасида бўялган жавобларни ўзгартириш мумкин эмас). Агар, жавоблар варақасидаги «белгилаш учун намуна» қоидасига риоя этилмаса, жумладан, битта тест топшириғига жавоблар варақасида тегишли доирача бўялмаса ёки икки ва ундан ортиқ доирача бўялса ёхуд тўлиқ бўялмаса ушбу тест топшириғига балл берилмайди.

51. Абитуриентнинг тест синовларини топшириш вақтида гуруҳдан чиқиши тақиқланади, чиққан абитуриентлар қайтадан тест синовларига қўйилмайди. Тест материалларисиз, гуруҳ назоратчиси кузатуви остида гуруҳдан чиқиш ҳоллари бундан мустасно.

52. Қуйидаги ҳолларда абитуриент тест синовлари жараёнидан четлаштирилади ва натижалари чиқарилмаслигига асос бўлади:

тест синовлари ўтказиладиган ҳудудга ёки бинога киришда микрокалькулятор, луғат, жадвал, китоб, уяли телефон, компьютер, телекоммуникация қурилмалари ва бошқа воситалар, шпаргалкалар олиб киришга ҳаракат қилса, олиб кирган бўлса ёки улардан тест синовлари давомида фойдаланса;

тест материалларини бошқа абитуриентга узатса ёки уларга ёрдам берса;

тест материалларини бинодан ташқарига олиб чиқса, тест топшириқлари китоби варағини йиртса;

тест синовлари учун ажратилган вақт тугагандан сўнг тест материалларини топширишдан бош тортса;

тест синовлари жараёнида видеокузатувлар орқали абитуриентнинг тартиб ва қоидаларга амал қилмаганлиги аниқланса.

3-БОБ. ТЕСТ СИНОВЛАРИ НАТИЖАСИ БЎЙИЧА БЕРИЛГАН АПЕЛЛЯЦИЯ ШИКОЯТЛАРИНИ КЎРИБ ЧИҚИШ

53. Тест синовлари натижасидан норози бўлган абитуриентлар 20 августдан 30 августгача (белгиланган иш вақтига мувофиқ, дам олиш кунларисиз ўн бир календарь куни ичида) бўлган муддатда Ўзбекистон Республикаси таълим муассасаларига ўқишга қабул қилиш бўйича давлат комиссияси томонидан тасдиқланган апелляция комиссиясига мазкур Низомга 13-иловадакелтирилган шаклга мувофиқ ёзма ёки электрон шаклда апелляция шикоятини бериш ҳуқуқига эга.

Абитуриентга апелляция шикояти қабул қилинганлиги тўғрисида уч иш куни ичида хабарнома берилади.

Апелляция шикояти Давлат тест марказида ҳамда унинг Қорақалпоғистон Республикаси ва вилоятлардаги бўлимларида қабул қилинади.

Апелляция шикоятига абитуриент рухсатномасининг нусхаси илова қилинади.

54. Апелляция комиссияси апелляция шикоятини кўриб чиқиш жараёнида қабул комиссияси аъзоларини, Давлат тест маркази вакилларини ҳамда гуруҳназоратчиларини уларга тегишли масалалар бўйича жалб қилишга ҳақли.

55. Апелляция шикоятини берган абитуриент хабарномада белгиланган кунда ўзининг паспорти ва абитуриент рухсатномаси билан келиши шарт.

56. Апелляция шикояти кўрилаётган абитуриентга унинг жавоблар варақаси нусхаси, тест топшириқлари нотўғри бажарилган жавоблар рўйхати ҳамда тест синовларида абитуриентга тақдим этилган тест топшириқлари китоби берилади.

Тақдим этилган ҳужжатлар асосида абитуриент ўзининг ҳар бир нотўғри деб ҳисобланган тест топшириғига жавобларини ёзма равишда баён қилади ва қабулқилиб олган барча тест материаллари билан бирга апелляция комиссиясига тақдим этади.

57. Апелляция шикояти апелляция комиссияси томонидан фақат абитуриент иштирокида, унинг ёзма жавоблари асосида кўриб чиқилади. Абитуриентнинг ёзма жавоблари ўз тасдиғини топмаган бўлса, апелляция комиссияси тест синовлари натижаларини ўзгаришсиз қолдириш ва апелляция шикоятини қаноатлантиришни рад этиш тўғрисида қарор қабул қилади.

58. Абитуриентнинг жавоблар варақаси, тест топшириқлари китоби Давлат тест марказига белгиланган тартибда етказилмаган, йиртилган бўлса, шунингдек, тест синовларидан четлаштирилган ёки ўзининг жавобларини ёзма равишда баён қилмаган абитуриентнинг апелляция шикояти кўриб чиқилмайди.

59. Апелляция жараёнида қуйидагиларга йўл қўйилмайди:

апелляция ўтказилаётган хонага уяли телефон, компьютер, телекоммуникация воситалари ва шпаргалкалар (луғат, жадваллар бундан мустасно) олиб киришгаҳаракат қилиш ёки олиб кириш;

апелляция жараёнида тест материалларини бошқа абитуриентга узатиш, уларга ёрдам бериш ёки ёрдам олиш;

тест топшириқлари китобининг варағини йиртиш.

60. Апелляция комиссиясининг қарори бўйича маълумот Ўзбекистон Республикаси таълим муассасаларига ўқишга қабул қилиш бўйича давлат комиссиясига апелляция жараёни тўлиқ тугаганидан сўнг беш иш куни ичида тақдим этилади.

61. Абитуриент апелляция комиссиясининг апелляция шикоятини кўриб чиқиш натижалари бўйича қабул қилган қарори юзасидан қонун ҳужжатларида белгиланган тартибда судга шикоят қилиши мумкин.

4-БОБ. ЯКУНЛОВЧИ ҚОИДА

62. Мазкур Низом талабларининг бузилишида айбдор бўлган шахслар қонун ҳужжатларида белгиланган тартибда жавоб берадилар.

 

Низомга

1-ИЛОВА

Ўзбекистон Республикаси олий таълим муассасаларининг бакалавриатига ўқишга қабул қилиш учун кириш тест синовларини ташкил этиш

СХЕМАСИ

 

Босқичлар

Тадбирлар

Масъуллар

Бажариш муддатлари

I босқич

1. Абитуриентларнинг ўқишга қабул қилиш ҳақидаги аризаларини қабул қилади. 2. Мазкур аризалар бўйича умумлаштирилган маълумот тайёрлайди.

Олий таълим муассасалари қабул комиссиялари

ҳар йили 15 июндан 15 июлгача

II босқич

Абитуриентлардан тушган аризалар бўйича умумлаштирилган маълумотни қабул комиссиясининг раиси ва маъсул котиби томонидан имзоланган ҳолда Давлат тест марказига тақдим этади.

Олий таълим муассасалари қабул комиссиялари

ҳар йили 16 июль

III босқич

Тест синовлари ўтказиладиган биноларни тест синоваларига тайёр ҳолатга келтиради ҳамда бу ҳақда Давлат тест марказига маълумот беради.

Маҳаллий давлат ҳокимликлари органлари, олий таълим муассасалари қабул комиссиялари

ҳар йили 16 июль

IV босқич

Давлат тест марказидан титул варақаси ва абитуриент рухсатномаси бланкаларини қабул қилиб олади.

Давлат тест маркази, Олий таълим муассасалари қабул комиссиялари

ҳар йили 17 июль

V босқич

Касбий (ижодий) имтиҳонлар натижаларини махсус дастур орқали базага киритади, расмийлаштиради ва Давлат тест марказига тақдим этади.

Олий таълим муассасалари қабул комиссиялари

ҳар йили 22 июль

VI босқич

Абитуриентларга таалуқли маълумотларни Давлат тест марказидан қабул қилиб олади, уларни абитуриент титул варақаси ва абитуриент рухсатномаси бланкаларига чоп этади ва тасдиқлайди.

Олий таълим муассасалари қабул комиссиялари

ҳар йили 24 июль

VII босқич

Абитуриентлар рухсатномалари, тест синовлари ўтказиладиган биноларнинг чизма нусхаси ва абитуриентларга эслатмани тарқатади, тест синовлари жараёни ҳақида маслаҳат ва кўрсатмалар беради.

Олий таълим муассасалари қабул комиссиялари

ҳар йили 29-31 июль

VIII босқич

Абитуриентларнинг титул варақалари солинган пакетларни Давлат тест марказига топширади.

Олий таълим муассасалари қабул комиссиялари

ҳар йили 31 июль

IХ босқич

1. Тест синовалари ўтказиладиган куни абитуриентларни белгиланган тартибда бинога киритилишини таъминлайди.   2. Тест синоваларини белгиланган тартибда ўтказилишини таъминлайди.

Давлат тест маркази, Ички ишлар вазирлиги, Олий талим муассасалари қабул комиссиялари

ҳар йили 1-15 август

Х босқич

Тест синовлари натижаларини эълон қилади.

Ўзбекистон Республикаси таълим муассасаларига ўқишга қабул қилиш бўйича давлат комиссияси, Давлат тест маркази

ҳар йили 2-16 август

ХI босқич

Абитуриентларнинг апелляция шикоятларини кўриб чиқади ва унинг натижаларини эълон қилади.

Ўзбекистон Республикаси таълим муассасаларига ўқишга қабул қилиш бўйича давлат комиссияси, Давлат тест маркази

ҳар йили 20 август-30 сентябрь

 

 

Низомга

2-ИЛОВА

Абитуриентларга эслатма

Абитуриент қабул комиссиясига тегишли ҳужжатларни топшириши, топширган ҳужжатларига мос маълумотлар абитуриентлар базасига тўғри киритилганини тасдиқлаши лозим. Қабул жараёни тугагандан сўнг абитуриентнинг мурожаатлари (шикоятлари) инобатга олинмайди.

Абитуриент рухсатномасида кўрсатилган сана ва вақтда тест синовларида иштирок этади.

Тест синовлари жараёнида абитуриент қуйидаги ҳуқуқларга эга:

саволлар китобчасидан қоралама сифатида фойдаланиш;

тест топшириқларини белгиланган муддатдан олдин бажариш, ундан сўнг тест материалларини тартиб билан гуруҳ назоратчисига топшириш ҳамда тест синовлари ўтказиладиган ҳудуддан чиқиб кетиш.

Абитуриент тест синовлари ўтказиладиган куни бинога тегишли ҳудудга соат 07:00 (иккинчи смена соат 13:00) гача, бинога соат 07:30 (иккинчи смена соат 13:30) гача фақат абитуриент рухсатномаси ва паспорт билан шахсни идентификациялаш воситалари ҳамда видеофиксация қурилмалари орқали тартибли равишда кириши, тест синовларини ўтказиш қоидаларига қатъий амал қилиши билан биргаликда, биринчи сменада соат 07:30 дан 08:00 гача, иккинчи сменада соат 14:30 дан 15:00 гачақуйидаги ишларни амалга оширишга мажбур:

тест топшириқлари китоби ва унга мос рақамли жавоблар варақаси рақамлари мослигини текшириш;

тест материаллари нуқсонсизлигини текшириш ва нуқсон борлиги аниқланса, дарҳол гуруҳ назоратчисига хабар бериш;

жавоблар варақаси тўғри тўлдирилишини таъминлаш;

тест топшириқлари китоби муқовасида ва жавоблар варақасида кўрсатилган тегишли жойга фамилияси, исми, отасининг исмини ёзиб, имзо қўйиш;

жавоблар варақаси рақамини абитуриент рухсатномаси ва титул варақасининг тегишли жойига тўғри кўчириб имзо қўйиш;

титул варақасида кўрсатилган махсус код ва таълим муассасаси кодини жавоблар варақасида кўрсатилган жойга тўғри кўчириб ёзиш ва тегишли доирачаларни бўяш.

Абитуриент юқорида кўрсатилган мажбуриятларидан ташқари қуйидагиларга шахсан жавобгар ҳисобланади:

жавоблар варақасини ҳаво ранг пастали шарикли ручка билан тўлдириш;

жавоблар варақасини букмаслик, маркер чизиғига ёзмаслик, жавоблар варақаси рақами остида жойлашган доирачаларни бўямаслик;

жавоблар варақаси билим даражасини белгиловчи асосий ҳужжат бўлганлиги учун уни тўғри тўлдириш;

белгиланган вақт тугагунига қадар тест топшириқлари китобида мавжуд тест топшириқларини бажарган ҳолда жавоблар варақасининг мос тартиб рақамидаги тегишли доирачаларини бўяб, тест топшириқлари китобини ва унга мос бўлган жавоблар варақасини гуруҳ назоратчисига топшириш.

Тест топшириқлари умумий ўрта ва ўрта махсус, касб-ҳунар таълимининг умумтаълим фанлари ўқув дастурларига мувофиқ тузилади.

Абитуриентлар танлаган таълим йўналишига қараб тегишли равишда бир, икки ёки учта фан мажмуаси бўйича тест синовини топширади.

Тест топшириқлари китобидаги мавжуд ҳар бир фан 30 тадан тест топшириғини ўз ичига олади.

Тест топшириқларини бажариш учун (жавоблар варақасини тўлдириш билан бирга) 30 та тест топшириғига 1 соат, 60 та тест топшириғига 2 соат, 90 та тест топшириғига 3 соат вақт белгиланади.

Ҳар бир тест топшириғига 4 тадан («А», «В», «С», «D») муқобил жавоблар берилади.

Абитуриент томонидан ҳар бир тест топшириғига фақат битта жавоб белгиланиши шарт бўлиб, тест топшириқлари китобида тўғри деб ҳисобланган жавобларни жавоблар варақасидаги мос тартиб рақамли доирачадан биттасини бўяйди (жавоблар варақасида бўялган жавобларни ўзгартириш мумкин эмас). Агар жавоблар варақасидаги «белгилаш учун намуна» қоидасига риоя этилмаса, жумладан битта тест топшириғига жавоблар варақасида тегишли доирача бўялмаса ёки икки ва ундан ортиқ доирача бўялса ёхуд тўлиқ бўялмаса ушбу тест топшириғига балл берилмайди.

Абитуриентнинг тест синовларини топшириш вақтида гуруҳдан чиқиши тақиқланади, чиққан абитуриентлар қайтадан тест синовларига қўйилмайди. Соғлиғига салбий таъсир этувчи ҳолатларда тест материалларисиз кузатув остида гуруҳдан чиқиш ҳоллари бундан мустасно.

Қуйидаги ҳолларда абитуриент тест синовлари жараёнидан четлаштирилади ва натижалари чиқарилмаслигига асос бўлади:

тест синовлари ўтказиладиган ҳудудга ёки бинога киришда микрокалькулятор, луғат, жадвал, китоб, уяли телефон, компьютер, телекоммуникация қурилмалари ва бошқа воситалар, шпаргалкалар олиб киришга ҳаракат қилса, олиб кирган бўлса ёки улардан тест синовлари давомида фойдаланса;

тест материалларини бошқа абитуриентга узатса ёки уларга ёрдам берса;

тест материалларини бинодан ташқарига чиқарса, тест топшириқлари китоби варағини йиртса,

тест синовлари учун ажратилган вақт тугаганда тест материалларини топширишдан бош тортса;

тест синовлари жараёнида видеокузатувлар орқали абитуриентнинг тартиб ва қоидаларга амал қилмаганлиги аниқланса.

 

Низомга

3-ИЛОВА

 

 

Низомга

4-ИЛОВА

 

 

Низомга

5-ИЛОВА

 

 

1-шакл

 

Абитуриентларга рухсатномаларни тарқатиш қайдномаси

 

(таълим муассасаси номи)		(бино)		(йил ва сана)

 

Т/р	Махсус код	Абитуриент Ф.И.О	Рухсатномани қабул қилиб олдим, (имзо)

 

Қабул комиссияси масъул котиби
		(Ф.И.О.)		(имзо)

 

 

 

2-шакл   «ТАСДИҚЛАЙМАН» Ўзбекистон Республикаси Вазирлар Маҳкамаси ҳузуридаги Давлат тест маркази директори

 

		М.Ў
			(имзо)		(Ф.И.О.)

«___» _____________ 20___ й

Абитуриентларнинг гуруҳлар бўйича рўйхати

 

(таълим муассасаси номи)		(бино)		(йил ва сана)

 

	(гуруҳ)

 

Ўтириш ўрни	Махсус код	Ф.И.О.	Жавоблар варағи рақами	Тест материалларини қабул қилиб олганлигиҳақида (имзо)

 

Изоҳ. Мазкур рўйхат расмийлаштирилган ҳолда бино раҳбарига биринчи сменада 08:20 гача, иккинчи сменада 15:20 гача бўлган вақтда топширилиши лозим.

       

Гуруҳ назоратчиси
		(Ф.И.О.)		(имзо)

     

Низомга

6-ИЛОВА

1-шакл

 

 

Абитуриентлардан тушган аризалар ҳақида

МАЪЛУМОТ

    

(таълим муассасаси номи)				(йил ва сана)

 

Т/р	Танлов коди	Таълим шакли	Таълим тили	Тест коди	Ёзув шакли	Жами аризалар сони	Шу жумладан, тест синовларида иштирок этадиганлар сони
1.
Жами

 

Қабул комиссияси масъул котиби
		(Ф.И.О.)		(имзо)

М.Ў.

 

2-шакл

Халқаро ва республика фан олимпиадалари,

танлов ва мусобақалар ғолиблари

РЎЙХАТИ

 

(таълим муассасаси номи)				(йил ва сана)

 

Т/р	Махсус код	Таълим шакли	Танлов коди	Таълим тили	АбитуриентнингФ.И.О.

 

Қабул комиссияси масъул котиби
		(Ф.И.О.)		(имзо)

М.Ў.

3-шакл

Чет эл фуқароси бўлган абитуриентлар

РЎЙХАТИ

 

(таълим муассасаси номи)				(йил ва сана)

 

Т/р	Махсус код	Таълим шакли	Танлов коди	Таълим тили	АбитуриентнингФ.И.О.

 

Қабул комиссияси масъул котиби
		(Ф.И.О.)		(имзо)

М.Ў.

4-шакл

Ҳарбий қисм қўмондонлигининг тавсияномасига эга бўлган абитуриентлар

РЎЙХАТИ               

(таълим муассасаси номи)				(йил ва сана)

 

Т/р	Махсус код	Таълим тури	Танлов коди	Таълим шакли	Абитуриентнинг Ф.И.O	Ҳарбий қисм рақами	Тавсиянома
							серияси ва рақами	берилган вақти

 

Қабул комиссияси масъул котиби
		(Ф.И.О.)		(имзо)

М.Ў.

5-шакл

 

Тўлиқ давлат таъминотидаги етим болалар бўлган абитуриентлар

РЎЙХАТИ

 

(таълим муассасаси номи)				(йил ва сана)

 

Т/р	Махсус код	Таълим шакли	Танлов коди	Таълим тили	АбитуриентнингФ.И.О.

 

Қабул комиссияси масъул котиби
		(Ф.И.О.)		(имзо)

М.Ў.

6-шакл

Чет тилини билиш даражаси (В1 ва ундан юқори бўлган)

тўғрисидаги сертификатга эга бўлган абитуриентлар

РЎЙХАТИ

 

(таълим муассасаси номи)				(йил ва сана)

 

Т/р	Махсус код	Таълим тури	Танлов коди	Таълим шакли	Абитуриентнинг Ф.И.O	Сертификат
						серияси ва рақами	берилган вақти

 

Қабул комиссияси масъул котиби
		(Ф.И.О.)		(имзо)

М.Ў.

Низомга

7-ИЛОВА

Тест материаллари қутиси

РЕЕСТРИ

 

(таълим муассасаси номи)				(йил ва сана)

 

(бино рақами)		(бино манзили)

 

Т/р	Қути рақами ва номи	Фельдъегерлик хизмати ходими Давлат тест марказидан қабул қилди	Давлат тест марказининг вакили фельдъегерлик хизмати ходимидан қабул қилди	Фельдъегерлик хизмати ходими Давлат тест марказининг вакилидан қабул қилди	Давлат тест маркази фельдъегерлик хизмати ходимидан қабул қилди

 

1. Фельдъегерлик хизмати ходими
		(Ф.И.О.)		(имзо)
2. Давлат тест марказининг вакили
		(Ф.И.О.)		(имзо)
3. Фельдъегерлик хизмати ходими
		(Ф.И.О.)		(имзо)

 

Эслатма: Тест материаллари қутисида шикастланишлар ва шу каби ҳолатлар содир бўлганда, бу ҳақда тегишли шахс томонидан мос катакларда қайд этилади, акс ҳолда «+» белгиси қўйилади.

Низомга

8-ИЛОВА

«ТАСДИҚЛАЙМАН» Ўзбекистон Республикаси Вазирлар Маҳкамаси ҳузуридаги Давлат тест маркази директори

 

		М.Ў
			(имзо)		(Ф.И.О.)

«___» _____________ 20___ й

Гуруҳ назоратчиларининг

ТАҚСИМОТИ

    

(таълим муассасаси номи)		(бино)		(йил ва сана)

 

Т/р	Махсус код	Ф.И.О.	Гуруҳ рақами	Изоҳ	Имзо

 

Давлат тест марказининг вакили
		(Ф.И.О.)		(имзо)

 

Низомга

9-ИЛОВА

1-шакл

Бино бўйича тест материалларини тарқатиш ва қабул қилиш

БАЁННОМАСИ       

(таълим муассасаси номи)		(бино рақами)		(йил ва сана)

 

Т/р	Гуруҳ рақами	Гуруҳ назоратчиси Ф.И.О.	Гуруҳ назоратчисига тарқатилади			Гуруҳ назоратчисидан қабул қилинади
			тест материаллариқутиси ва муҳриҳолати	вақти	имзо	тест материаллариқутиси ва муҳриҳолати	вақти	имзо

 

Бино раҳбари
		(Ф.И.О.)		(имзо)

 

 

 

2-шакл

Захира тест материалларини тарқатиш

БАЁННОМАСИ

 

(таълим муассасаси номи)		(бино рақами)		(йил ва сана)

 

Т/р	Тест материали берилган гуруҳ рақами	Мурожаат қилган бино раҳбари ва гуруҳ назоратчисининг Ф.И.О.	Саволлар китоби, жавоблар варағи рақами	Захира тест материали бериш сабаби	Захира тест материали берилган вақти	Бино раҳбари ва гуруҳназоратчисининг имзоси

 

Давлат тест марказининг вакили
		(Ф.И.О.)		(имзо)

Низомга

10-ИЛОВА

Низомга

11-ИЛОВА

 

Низомга

12-ИЛОВА

Низомга

13-ИЛОВА

 

Ўзбекистон Республикаси Вазирлар Маҳкамаси ҳузуридаги Давлат тест маркази директорига ___________________________________ (абитуриентнинг Ф.И.О. ва яшаш манзили)

ТЕСТ НАТИЖАЛАРИ БЎЙИЧА

АПЕЛЛЯЦИЯ ШИКОЯТИ

 

Таълим муассасасининг коди ва номи	Гуруҳ	Махсус код	Жавоблар варақаси рақами

 

Менинг қуйидаги эътирозларимни кўриб чиқишингизни сўрайман:

 

1.
2.
3.
4.
5.

 

(абитуриент Ф.И.О.)		(имзо)		(сана)

 

Ариза 20____ йил «_____» ______________ соат __________ да кўриб чиқилади.

(ариза қабул қилувчи Ф.И.О.)		(имзо)		(сана)

М.Ў.

 

 

—————————————(қирқиш чизиғи)——————————————-

 

ХАБАРНОМА __________-сон

 

Ҳурматли
	(абитуриент Ф.И.О.)

Аризангизни кўриб чиқиш учун 20___ йил «__» __________ соат _____да Давлат тест марказига паспорт ва рухсатномангиз билан етиб келишингиз сўралади.

20__ йил «_____» ______________
		(ариза қабул қилувчи Ф.И.О.)		(имзо)

 

Қонун ҳужжатлари маълумотлари миллий базаси (www.lex.uz),

2018 йил 9 апрель