Талаба мобил телефонидан фойдаланиши мумкин…ми?
Бу борада ҳукуматимиз қарори Устозу-шогирдлар учун катта сабоқдир, дейди Дониш домла асосли сўз юритиб.
ЎзМУ Журналистика факультетининг тарбияли, маънавий юксак талабалари дарс бошланишидан аввал мобил телефонларини меҳр билан ўчириб, муҳаббат билан сумкаларига солиб қўядилар.
Афсуски, битта тарбияси қониқарсиз бола бир ойдан бери энди биринчи марта дарсга кирди-ю ҳамманинг кайфиятини бузди… Тенг-тенггига тарбиячи тамойилига асосан илғор фикрли талабалар уни тўғри йўлга солишга бел боғлаб, енг шимардилар! Тарбиячи талабаларнинг қўлларига қилич ва қалқон ўрнида қуйидаги Ҳукумат қарорини тақдим этамиз, дейди ўша боланинг ҳам одам бўлишидан умидвор бўлиб Дониш домла. (Қуйидаги суратларга разм солиб қаранг, талабаларимиз қандоқ одоб билан маъруза тинглашмоқда! Бирорта партада мобил телефони кўриняптими? Йўқ! Демак, улар ҳақиқий илм толибларидир!)
ЎЗБЕКИСТОН РЕСПУБЛИКАСИ ТАЪЛИМ МУАССАСАЛАРИДА МОБИЛ ТЕЛЕФОНЛАРДАН ФОЙДАЛАНИШНИ ТАРТИБГА СОЛИШ ЧОРА-ТАДБИРЛАРИ ТЎҒРИСИДА
Таълим-тарбия жараёни самарадорлигини янада оширишни таъминлаш, ҳар томонлама ривожланган ва баркамол авлодни тарбиялаш учун зарур шарт-шароитлар яратиш мақсадида Вазирлар Маҳкамаси қарор қилади:
1. Ўзбекистон Республикаси таълим муассасаларида мобил телефонлардан фойдаланиш тартиби тўғрисидагиНизом иловага мувофиқ тасдиқлансин.
2. Ўзбекистон Республикаси Халқ таълими вазирлиги, Олий ва ўрта махсус таълим вазирлиги ҳамда Ўрта махсус, касб-ҳунар таълими маркази манфаатдор вазирликлар ва идоралар, нодавлат таълим муассасалари билан биргаликда:
ушбу қарор билан тасдиқланган Низом талабларининг изчил бажарилишини;
ушбу қарор билан тасдиқланган Низомнинг мақсади ва вазифалари аҳоли, айниқса ёшлар ўртасида кенг тушунтирилишини таъминласинлар.
3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.Н.Арипов зиммасига юклансин.
1. Ушбу Низом, идоравий мансублигидан қатъи назар, умумий ўрта, ўрта махсус, касб-ҳунар ва олий таълим муассасаларида (кейинги ўринларда таълим муассасаси деб аталади) мобил телефонлардан (кейинги ўринларда телефон деб аталади) фойдаланиш тартибини белгилайди ҳамда сифатли таълим олиш ва касбий тайёргарликка эга бўлишда, давлат ва жамият манфаатлари йўлида ўқувчи ёшларнинг соғлиғини сақлашда хавф-хатарларни камайтиришда ўқувчилар ва талабаларнинг (кейинги ўринларда таълим олувчилар деб аталади) конституциявий ҳуқуқларини таъминлашга йўналтирилган.
2. Таълим-тарбия жараёнини ташкил этиш самарадорлигига эришиш ва ўқувчи ёшлар ўртасида соғлом турмуш тарзини қарор топтириш учун шарт-шароитлар яратиш ушбу Низомнинг мақсадлари ҳисобланади.
3. Ушбу Низом давлат ва нодавлат таълим муассасаларига татбиқ этилади ҳамда таълим олувчиларга, шунингдек таълим муассасаларининг барча тоифалардаги ходимларига нисбатан амал қилади.
5. Ушбу Низомнинг мақсадларига мувофиқ уни ишлаб чиқиш қуйидаги вазифаларни ҳал этишга йўналтирилган:
а) бой интеллектуал мерос асосида ёш авлодни Ватанга муҳаббат, миллий ва умуминсоний қадриятларни, миллий мустақиллик ғояларини ҳурмат қилиш ва уларга садоқат руҳида тарбиялаш;
б) ўқув жараёнида, шу жумладан таълим олувчилар томонидан телефонлардан фойдаланиш билан боғлиқ қуйидаги салбий ҳодисаларнинг олдини олиш ва бартараф этиш:
ўқув материалларини улардан шпаргалкалар сифатида фойдаланиш учун, шунингдек машғулотлар вақтида таълим олувчилар фойдаланишадиган турли ўйинларни ёзиб олиш ва телефон хотирасида сақлаш;
ёшлар ўртасида маънавий-ахлоқий хислатларни бузувчи, зўравонлик, шафқатсизлик ва порнографик, шунингдек реакцион-сектант, сохта диний мафкурани тарғиб қилувчи, атрофдагиларни салбий ҳаракатларга ундовчи материаллардан иборат бўлган, кўргазма, фон сифатида хизмат қилувчи расмлар, аудио-видеоёзувлар, чизма ва суратли тасвирлар, овозли видео роликларни намойиш этиш, тарқатиш, қўлланиш;
в) таълим муассасаларининг ички тартиб-қоидаларига риоя этишни таъминлаш учун таълим муассасаларида таълим олувчилар томонидан телефонлардан фойдаланишни тартибга солиш.
6. Таълим муассасасига кириб келишда ҳар бир таълим олувчи, ходим, келувчи ва бошқа шахслар ўз телефони абонентининг чақирув овозини тўлиқ ўчириб қўйиши (телефонни «овозсиз» режимга ўтказиши) шарт.
7. Таълим муассасаларида ўтказиладиган ўқув машғулотлари ва тадбирлар (сафланиш, тарбиявий соатлар, байрам, спорт тадбирлари ва шу кабилар) бошланишидан олдин таълим олувчилар:
а) телефонини бўйнига осиб олиш, кўкрак чўнтакларида, шим, юбкалари чўнтакларида ва шу кабиларда сақлаш;
атрофдагиларга зўравонлик, шафқатсизлик, порнографияни тарғиб қилувчи видео ва суратларни намойиш қилиш;
таълим муассасасининг нуфузига, шу жумладан зўравонлик ва вандализм ҳолатларини суратга олиш ва кейинчалик уларни атрофдагиларга намойиш этиш йўли билан зарар етказиш;
сурат ва видео тасвирларни кўрсатишда телефондан фойдаланиш (ўйинлар билан шуғулланиш), тасвир (матн, расм, видеоёзув ва фотосуратлар) кўриш, диктофон, калькулятор, календарь, блокнот, ён дафтарча кабилар сифатида фойдаланиш;
9. Таълим муассасасида таълим олувчиларга машғулотлар ва тадбирлар оралиғида фақат асосли ва кечиктириб бўлмайдиган зарур ҳолатларда ота-онаси (уларнинг ўрнини босувчилар), яқин қариндошлари, таълим муассасаларининг раҳбарлари ёки ходимлари билан зудлик билан боғланиш мақсадида телефонлардан фойдаланишга (қўнғироқ қилишга, SМS, ММS, GPRS жўнатишга, Bluetooth, Интернет ва шу кабилар хизматидан фойдаланишга) рухсат этилади.
10. Машғулотлар ва турли тадбирлар оралиғида телефон орқали сўзлашиш учун хонадан йўлакка ёки фойега чиқиш, паст овозда ва қисқа мулоқот қилиш зарур.
11. Фавқулодда вазиятлар вужудга келган тақдирда таълим муассасаларида телефондан фойдаланиш чекланмайди.
дарсдан ташқари вақтда таълим олувчилар иштирокида телефондан фойдаланишни имкони борича чеклашлари шарт.
13. Ушбу Низом талабларини бузган таълим олувчиларга нисбатан қуйидаги таъсир кўрсатиш чоралари қўлланади:
ота-оналарини (уларнинг ўрнини босувчи шахсларни) хабардор қилиш ёки тушунтириш суҳбати ўтказиш учун таълим муассасасига чақириш.
Ушбу Низом талабларини бузган талабаларга нисбатан олий таълим муассасасининг ички тартиб-қоидаларига мувофиқ чоралар кўрилади.
14. Ушбу Низом талаблари бузилган тақдирда таълим муассасасининг ҳар қандай педагог ходими таълим олувчидан телефонни олиб қўйиш, ушбу Низомни бузганлик ҳолати тўғрисида билдиришнома расмийлаштириш ва уни телефон билан бирга таълим муассасасининг (факультетнинг) директорига (деканига) ёки директор (декан) ўринбосарига, кейинчалик уни ота-оналарга (уларнинг ўрнини босувчи шахсларга, олий таълим муассасаларида эса — кураторга) бериш, ушбу Низом талаблари бузилганлиги ҳолатлари тўғрисида огоҳлантириш бериш ҳуқуқига эга.
15. Ушбу Низом талабларининг ҳар қандай бузилиши таълим муассасасида (факультетда) тузиладиган директор (декан) раҳбарлигидаги комиссия томонидан, синф раҳбари (куратор), таълим олувчининг ота-оналари (уларнинг ўрнини босувчи шахслар) иштирокида, шунингдек ота-оналар (талабалар) мажлисида муҳокама қилинади.
16. Ушбу Низом талабларига риоя этилишини таълим муассасасининг директори (факультет декани) ва унинг ўринбосарлари назорат қилади.
17. Таълим муассасаси таълим олувчиларга тегишли бўлган телефонларнинг сақланиши учун жавоб бермайди, ушбу Низомнинг 14-бандида назарда тутилган ҳолатларда телефонларнинг олиб қўйилиши ҳоллари бундан мустасно.
18. Ушбу Низом талаблари ҳар йили имзо қўйдирилган ҳолда ҳар бир таълим олувчига ва унинг ота-онасига (уларнинг ўрнини босувчи шахсларга), олий таълим муассасаларида эса тегишли равишда ҳар бир талабага етказилади.
(Ўзбекистон Республикаси қонун ҳужжатлари тўплами, 2012 й., 21-сон, 229-модда)
http://lex.uz/docs/2013801
Assalomu aleykum ustoz . Boshirog’ida ma’naviy so’zida a harfi tushib qolibdi.
Сиз ҳақиқий Бош муҳаррир бўлишингизга умид пайдо бўлди! Сиз кўрсатган имловий хато тузатилди.
Umidaxon ,»boshirog’ida» degan so’zingiz aslida «boshrog’ida» bo’lishi kerak. «Ma’naviy» va «a» so’zi
va harfi qo’shtirnoqqa olinishi , siz ishlatgan «aleykum» so’zi «alaykum» tarzida bo’lib, undan so’ng vergul qo’yilishi adabiy til qoidalariga to’liq muvofiq keladi. Shoshib yozgan bo’lsangiz kerak. Chunki siz guruhdagi eng savodli talabalardan birisiz.
Бўлар бола бошдан, деганларидек, бош муҳаррирлар фаолиятини мониторинг қилиб борадиган бўлажак масъул ходим талабалик давридаёқ мана шундай таҳлилий фикрлайди ва фикрини шу тарзда чиройли етказа олади, дейди Дониш домла мамнун бўлиб.
Assalomu alaykom ustoz men bu mavzudan har bir tashkilot piarmenlari o’z jamoatchiligini aniqlab olish kerakligini bilib oldim.Bundan tashqari jamoatchilik qanday aniqlanishini bilib oldim.