Òriklisoy — oqshomdan tonggacha

Sharqdan chiqayotgan quyosh bugun òzgacha nur taratayotgandek gòyo.

Erta tongdan Zomin toģlari tomon yòl olar ekanman, ustozlarimiz bizga oq fotiha berayotgandek. Ulkan toģlar , buloqlarda oqayotgan suvlar ona tabiat yosh qalamkashlarni òz baģriga chorladi. Bu yerni Òriklisoy deyishar ekan. Yoshlarning mushoirasi avjiga chiqqanda , e’tibor berdimki soy bòyida kimdir qachondir òrikdan boģ yaratgan ekan. Shundanmi bu joy Òriklisoy bòlibdi. Umrini òtab bòlay degan òriklarga qarab necha yillar ģujj — ģujj meva tuygan , hosil bergan daraxtlarning tanasi xoriganday. Lekin ular taqdirning bu hukmiga rozi bòlmay hosili ,soyasi bilan rozi bòlishgan.

Sòlim toģ baģri respublikamizning barcha viloyatlaridan kelgan ijodkorlarni bir davraga jamladi. Ularning kòziga boqsangiz she’riyatga oshnoligini , adabiyotga mehrini kòrasiz. Bugun men ham Hazrat Navoiy bobomiz nomlari bilan atalgan viloyatdan kelib ishtirok etayotganim eng katta baxt. Òriklisoydagi adabiy muhit , ustozlarning har bir yozilgan asarga munosabati , yutuq va kamchiliklarni tahlil qilishlari yangi ijod namunalarini yaratilishiga turtki bòladi. Yozuvchi Said Ahmad aytganidek, » Jurnalistika adabiyotning oltin poyondozi» mana shu oltin poyondozdan qadam qòyib borar ekanmiz eng avvalo , niyatimiz xolis , qalamimiz òtkir bòlishi kerak deb òylayman. Ustozlarimiz Ahmadjon Meliboyev , Tòlqin Eshbek saboqlarini tinglash choģida qalbimda shunday his kechdi » Jurnalistda eng avvalo , yangi fikr bòlishi kerak, yozayotgan maqolasi bilan jamiyatdagi kamchiliklarni ròy — rost ayta olishi , yechimi bòlishi lozim» bugun ularning bergan ògitlari biz uchun kasb faoliyatimizda shamchiroqdek. Fikrimning tasdiģi sifatida Erkin A’zam » Jurnalist haqiqatning quli bòlishi kerak» degan edi. Haqiqatni xalqqa yetyazib beradigan jurnalist jamiyatning ustunidir.
Zomin qaldirģochlari seminari bizni kashf etgan bòlsa , Òriklisoy tabiati ijodkorlarga ilhom berdi.

Umida Sulaymonova
ÒzJoku Harbiy jurnalistika 3 — bosqichi talabasi
Navoiy viloyati , badiiy publisistika yònalishi ishtirokchisi