NUUZ.UZ 1-ЎРИНДА

Испаниядаги Cybermetrics Lab тадқиқот гуруҳи томонидан бутун дунё олий таълим муассасалари сайтлар рейтинги эълон қилинди.

Ўзбекистондаги 66 ОТМ сайти бутун дунё олий таълим муассасалари сайтлари рейтингидан жой олди.

Ўзбекистон Республикаси Олий ва ўрта махсус таълим вазирлиги матбуот хизматининг хабар беришича, баҳолаш мезонининг асосий кўрсаткичлари сифатида расмий сайт қидирув тизимларида мавжудлиги, уларнинг кўриниши ва гиперҳаволаларнинг сони инобатга олинган.

2016 йил рейтингида дунё бўйлаб 24 мингдан ортиқ олий таълим муассасалари сайтлари баҳоланган. Глобал рейтингда 1, 2, 3-ўринларни Гарвард, Стенфорд университетлари ва Массачусетс техника институти эгаллаган.

Тадқиқот гуруҳи Ўзбекистон Республикасининг 66 олий таълим муассасасининг сайтларини баҳолаган. Рейтинг натижаларига кўра, миллий сегментда Мирзо Улуғбек номидаги Ўзбекистон Миллий университети 1-ўрин, Алишер Навоий номидаги Самарқанд давлат университети 2-ўрин ва Самарқанд қишлоқ хўжалик институти З-ўринни эгаллаган.

“ЎЗБЕКИСТОН ОВОЗИ” газетасининг

2016 йил 11 февраль сонидан олинди.