Абитуриентнинг бахт йўли — Abituriyentning baxt yo‘li

Келгусида зиёли бўлиб камол топиш ишқида ёнаётган юз минглаб иқтидорли йигит-қизлар бахт йўлига отланмоқда! Kelgusida ziyoli bo‘lib kamol topish ishqida yonayotgan yuz minglab iqtidorli yigit-qizlar baxt yo‘liga otlanmoqda!

нн9

Юксак марраларни кўзлаган ёшлар учун мамлакатимиздаги энг юксак олий таълим муассасаси – аср тенгдоши бўлган Мирзо Улуғбек номидаги Ўзбекистон Миллий университети мунтазир!

Пойтахтимиз Тошкентнинг энг сўлим гўшаси – “Ёшлик” шаҳарчаси кўркига кўрк қўшиб турган ЎзМУда таҳсил олиш энг эзгу ниятли ёшларимизга насиб этсин!

Ўтган йиллар мобайнида бу ўқув масканида таҳсил олган атоқли олимлардан 107 нафари академик даражасига эришганлар. Улардан 23 нафари Ўзбекистон Фанлар академияси президенти ва вице-президентлари бўлганлар.

Олима аёллардан 130 дан ортиғи фан доктори ва профессор илмий унвонларини олганлар.

Университетда таҳсил олган зиёлилардан Озод Шарафиддинов, Эркин Воҳидов, Абдулла Ориповлар Ўзбекистон Қаҳрамони унвонига, шунингдек, кўплаб профессор-ўқитувчилар Ўзбекистон Республикаси Фан арбоби, “Буюк хизматлари учун” ордени ва бошқа унвонларга сазовор бўлганлар.

Шу кунга қадар ЎзМУ талабаларидан 30 нафардан ортиғи Президент стипендианти, 25 нафардан зиёди Мирзо Улуғбек номидаги ва 30 нафардан зиёди Алишер Навоий номидаги давлат стипендиялари соҳиби бўлганлар. Университетда “ЎзМУ стипендияси” ҳамда ҳаёти давомида шу ўқув даргоҳида ёрқин из қолдиришган атоқли олимлар – Тошмуҳаммад Саримсоқов, Обид Содиқов, Саъди Сирожиддинов, Содиқ Азимов, Убай Орипов, Ҳабиб Абдуллаев, Ғулом Каримов, Иброҳим Мўминов номидаги стипендиялар ташкил этилган.

Шу билан бир қаторда ўнлаб иқтидорли талабалар халқаро фан олимпиадалари, спорт мусобақалари ғолиблари сифатида дунёга донг таратдилар!

Замонавий технологиялар билан жиҳозланган университет Ахборот ресурс марказида интернет тизимига уланган юзлаб компьютерлар хизмати ташкил этилган. Кутубхона фонди 3 миллиондан ортиқ адабиётларга эга. Юртимиз мустақиллиги йилларида чоп этилган ўқув адабиётларининг электрон нусхалари тайёрланиб, университетда жорий қилинган локал тармоқ тизимига узатилади. Бундан ташқари ҳар бир факультетда ўқув хоналари, кутубхоналар замон талабларига мос равишда жиҳозлантирилган.

Фанда илмий мактаб яратиш буюк аждодларимиздан меросдир. Абу Райҳон Беруний, Абу Али ибн Сино, Мирзо Улуғбек каби ўнлаб даҳо бобокалонларимиздан мерос қолган илмий мактаблар бугунги кунда ҳам бутун дунё илм аҳли учун жуда қадрлидир. Оққан дарё оққани каби бу анъана ЎзМУ олимлари томонидан изчил давом эттирилмоқда. Зеро, турли даврларда олимлар ўзларининг илмий мактабларини яратганлар. Ўтган йиллар мобайнида, университет олимлари томонидан яратилган 50 га яқин ана шундай илмий мактаблар жаҳон илм аҳли томонидан эътироф этилган. Мазкур илмий мактаблар бугунги техник тараққиётимизнинг ҳам пойдевори ҳисобланади. Зеро, улар бугун ҳам турли фанлар ривожига баракали ҳисса қўшаётгани эътиборга моликдир.

Муҳтарам Президентимиз Шавкат Миромонович Мирзиёев Мирзо Улуғбек номидаги Ўзбекистон Миллий университети истиқболига, унинг илмий-маърифий салоҳиятини янада ошириш масалаларига алоҳида эътибор қаратмоқда. Давлатимиз раҳбари Миллий университетимизга бир неча бор ташриф буюриб, қатор истиқболли ғояларни илгари сурдилар. Мазкур ғоялар асосида навбатдаги янги лойиҳалар босқичма-босқич амалга оширилмоқда.

2017 йил 29 декабрда Ўзбекистон Республикаси Президентининг “Ўзбекистон Республикаси Фанлар академиясининг ҳақиқий аъзоларини тасдиқлаш тўғрисида”ги фармонига биноан Тарих факультети профессори Сагдуллаев Анатолий Сагдуллаевич Ўзбекистон Республикаси Фанлар академиясининг ҳақиқий аъзоси этиб тасдиқланган бўлса, 2018 йил 2 март куни “Зулфия номидаги Давлат мукофоти билан тақдирлаш тўғрисида”ги қарорига биноан шу олий мукофот билан тақдирланганлар орасида Математика факультети 1-босқич талабаси Абдусатторова Баҳора Фазлиддиновна ҳам борлиги барчамизга ғурур бахш этади.

Давлатимиз раҳбари 2017 йил 14 октябрь куни Халқ депутатлари Хоразм вилояти кенгашининг навбатдан ташқари сессиясида сўзлаган нутқида университетимиз талабаси ҳақида билдирган қуйидаги сўзлари бўлғуси зиёлилар қалбига муҳрланиб қолган:

“Энг муҳими, бугунги кунда юртимиздан Хоразмий бобомизнинг муносиб издошлари етишиб чиқаётгани барчамизни қувонтиради. Ана шундай ёшлардан бири, Ўзбекистон Миллий университетининг математика факультети талабаси, Хоразм фарзанди Ҳакимбой Эгамберганов бунга яққол мисолдир. Бу истеъдодли йигитимиз қаторасига уч йил – 2014, 2015, 2016 йилларда математика бўйича чет мамлакатларда бўлиб ўтган халқаро фан олимпиадаларида олтин медални қўлга киритган.

Бундай ёшлар тимсолида биз Хоразмий бобомизнинг ҳақиқий набираларини кўрамиз. Шундай билимли, баркамол, Ватанга садоқатли фарзандларимиз қанча кўпайса, Ўзбекистоннинг келажаги шунчалик буюк бўлиши муқаррар”.

Бугун Ҳакимбой Эгамберганов сингари иқтидорли ёшларнинг том маънода даври келганини ҳар бир талаба теран ҳис этмоқда. Шундай эътибор қозониш, энг муҳими, илм бўстонида бахту иқболини топиш ҳар бир йигит-қиз учун шарафдир.

Давлатимиз раҳбарининг 2017 йил 20 апрелдаги «Олий таълим тизимини янада ривожлантириш чора-тадбирлари тўғрисида»ги қарорида белгиланган вазифалар таълим тизимини изчил такомиллаштиришга хизмат қилади. Чунончи, янги авлод ўқув адабиётлари яратиш, уларни таълим жараёнларига кенг татбиқ этиш, олий таълим муассасаларини замонавий ўқув, ўқув-методик ва илмий адабиётлар билан таъминлаш борасида қатор вазифалар босқичма-босқич амалга оширилмоқда. Назарий билимларни амалиёт билан чамбарчас боғлаш учун ЎзМУнинг 3 та дала-амалиёт майдони, 32 та ўқув-илмий лаборатория, 3 та ўқув-илмий-тажриба маркази, 1 та ОТМлараро илмий лаборатория ва 2 та ноёб объектнинг моддий-техник базаси мустаҳкамланмоқда. Мавжуд илмий мактабларимизда 15 та амалий, 26 та фундаментал, 7 та инновация, 17 та ёш олимларнинг фундаментал (8 та) ва амалий (9 та) лойиҳалари устида ишлар олиб борилмоқда. Шу билан бир қаторда талаба-ёшларни илмий фаолиятга жалб қилиш, грант танловлари ва лойиҳаларида иштирок этиш, хўжалик шартномалари тузиш, бошқа олий таълим ва илмий тадқиқот муассасалари учун мақсадли илмий кадрлар тайёрлаш ишлари изчил давом этмоқда. Бу саъй-ҳаракатларнинг барчаси ёш иқтидор соҳибларининг орзу-умидларига эришишлари учун замин яратади.

Ҳақиқий олимнинг сабоғини олган ёшлар илм чўққиларини забт этишларига умид қилса бўлади. Бугунги кунда Миллий университетимизда 29 нафар академик, 150 дан ортиқ фан доктори ва профессорлар, 400 дан зиёд фан номзоди, фалсафа доктори ва доцентлар фаолият кўрсатишаётган бўлса, 200 дан ортиқ ёш олимлар ва 500 дан зиёд иқтидорли талабалар илмий тадқиқотлар олиб боришмоқда.

ЎзМУ АҚШ, Англия, Германия, Франция, Япония, Жанубий Корея, Хитой, Россия, Исроил, Туркия каби 30 дан ортиқ ривожланган давлатларнинг олий таълим муассасалари билан ҳамкорлик қилмоқда. Талабаларимиз ўқиш давомида ана шу хориж университетларида ҳам билим ва малакаларини ошириш имконига эга бўладилар!

Ана шундай улуғ масканда камол топишни истаган абитуриентларга ажойиб хушхабаримиз бор. Бу йил қабул квоталари ЎзМУда қарийб икки баробар оширилган! Бунга қўшимча сиртқи ва кечки таълим йўналишларига ҳам қабул қилинади! Бу ўқишга киришингиз учун имкониятингиз икки-уч баробар ортди, дегани!

Бугун-эрта квота сони, қабул йўналишлари ҳақида аниқ (тасдиқланган!) маълумотларга эга бўлишимиз ҳамоно қўшимча маълумотлар ёритилади.

Сайтимизни эътибор билан кузатиб боринг.

Саволларингиз бўлса +998909120963 телеграми орқали мурожаат қилишингиз мумкин.

ЎзМУ талабаси бўлишингизга тилакдошмиз. Омад ёр бўлсин!

 Тўлқин ЭШБЕК,

ЎзМУ Ахборот хизмати раҳбари

***

Abituriyentning baxt yo‘li

 Kelgusida ziyoli bo‘lib kamol topish ishqida yonayotgan yuz minglab iqtidorli yigit-qizlar baxt yo‘liga otlanmoqda!

Yuksak marralarni ko‘zlagan yoshlar uchun mamlakatimizdagi eng yuksak oliy ta’lim muassasasi – asr tengdoshi bo‘lgan Mirzo Ulug‘bek nomidagi O‘zbekiston Milliy universiteti muntazir!

Poytaxtimiz Toshkentning eng so‘lim go‘shasi – “Yoshlik” shaharchasi ko‘rkiga ko‘rk qo‘shib turgan O‘zMUda tahsil olish eng ezgu niyatli yoshlarimizga nasib etsin!

O‘tgan yillar mobaynida bu o‘quv maskanida tahsil olgan atoqli olimlardan 107 nafari akademik darajasiga erishganlar. Ulardan 23 nafari O‘zbekiston Fanlar akademiyasi prezidenti va vitse-prezidentlari bo‘lganlar.

Olima ayollardan 130 dan ortig‘i fan doktori va professor ilmiy unvonlarini olganlar.

Universitetda tahsil olgan ziyolilardan Ozod Sharafiddinov, Erkin Vohidov, Abdulla Oripovlar O‘zbekiston Qahramoni unvoniga, shuningdek, ko‘plab professor-o‘qituvchilar O‘zbekiston Respublikasi Fan arbobi, “Buyuk xizmatlari uchun” ordeni va boshqa unvonlarga sazovor bo‘lganlar.

Shu kunga qadar O‘zMU talabalaridan 30 nafardan ortig‘i Prezident stipendianti, 25 nafardan ziyodi Mirzo Ulug‘bek nomidagi va 30 nafardan ziyodi Alisher Navoiy nomidagi davlat stipendiyalari sohibi bo‘lganlar. Universitetda “O‘zMU stipendiyasi” hamda hayoti davomida shu o‘quv dargohida yorqin iz qoldirishgan atoqli olimlar – Toshmuhammad Sarimsoqov, Obid Sodiqov, Sa’di Sirojiddinov, Sodiq Azimov, Ubay Oripov, Habib Abdullayev, G‘ulom Karimov, Ibrohim Mo‘minov nomidagi stipendiyalar tashkil etilgan.

Shu bilan bir qatorda o‘nlab iqtidorli talabalar xalqaro fan olimpiadalari, sport musobaqalari g‘oliblari sifatida dunyoga dong taratdilar!

Zamonaviy texnologiyalar bilan jihozlangan universitet Axborot resurs markazida internet tizimiga ulangan yuzlab kompyuterlar xizmati tashkil etilgan. Kutubxona fondi 3 milliondan ortiq adabiyotlarga ega. Yurtimiz mustaqilligi yillarida chop etilgan o‘quv adabiyotlarining elektron nusxalari tayyorlanib, universitetda joriy qilingan lokal tarmoq tizimiga uzatiladi. Bundan tashqari har bir fakultetda o‘quv xonalari, kutubxonalar zamon talablariga mos ravishda jihozlantirilgan.

Fanda ilmiy maktab yaratish buyuk ajdodlarimizdan merosdir. Abu Rayhon Beruniy, Abu Ali ibn Sino, Mirzo Ulug‘bek kabi o‘nlab daho bobokalonlarimizdan meros qolgan ilmiy maktablar bugungi kunda ham butun dunyo ilm ahli uchun juda qadrlidir. Oqqan daryo oqqani kabi bu an’ana O‘zMU olimlari tomonidan izchil davom ettirilmoqda. Zero, turli davrlarda olimlar o‘zlarining ilmiy maktablarini yaratganlar. O‘tgan yillar mobaynida, universitet olimlari tomonidan yaratilgan 50 ga yaqin ana shunday ilmiy maktablar jahon ilm ahli tomonidan e’tirof etilgan. Mazkur ilmiy maktablar bugungi texnik taraqqiyotimizning ham poydevori hisoblanadi. Zero, ular bugun ham turli fanlar rivojiga barakali hissa qo‘shayotgani e’tiborga molikdir.

Muhtaram Prezidentimiz Shavkat Miromonovich Mirziyoyev Mirzo Ulug‘bek nomidagi O‘zbekiston Milliy universiteti istiqboliga, uning ilmiy-ma’rifiy salohiyatini yanada oshirish masalalariga alohida e’tibor qaratmoqda. Davlatimiz rahbari Milliy universitetimizga bir necha bor tashrif buyurib, qator istiqbolli g‘oyalarni ilgari surdilar. Mazkur g‘oyalar asosida navbatdagi yangi loyihalar bosqichma-bosqich amalga oshirilmoqda.

2017 yil 29 dekabrda O‘zbekiston Respublikasi Prezidentining “O‘zbekiston Respublikasi Fanlar akademiyasining haqiqiy a’zolarini tasdiqlash to‘g‘risida”gi farmoniga binoan Tarix fakulteti professori Sagdullayev Anatoliy Sagdullayevich O‘zbekiston Respublikasi Fanlar akademiyasining haqiqiy a’zosi etib tasdiqlangan bo‘lsa, 2018 yil 2 mart kuni “Zulfiya nomidagi Davlat mukofoti bilan taqdirlash to‘g‘risida”gi qaroriga binoan shu oliy mukofot bilan taqdirlanganlar orasida Matematika fakulteti 1-bosqich talabasi Abdusattorova Bahora Fazliddinovna ham borligi barchamizga g‘urur baxsh etadi.

Davlatimiz rahbari 2017 yil 14 oktabr kuni Xalq deputatlari Xorazm viloyati kengashining navbatdan tashqari sessiyasida so‘zlagan nutqida universitetimiz talabasi haqida bildirgan quyidagi so‘zlari bo‘lg‘usi ziyolilar qalbiga muhrlanib qolgan:

“Eng muhimi, bugungi kunda yurtimizdan Xorazmiy bobomizning munosib izdoshlari yetishib chiqayotgani barchamizni quvontiradi. Ana shunday yoshlardan biri, O‘zbekiston Milliy universitetining matematika fakulteti talabasi, Xorazm farzandi Hakimboy Egamberganov bunga yaqqol misoldir. Bu iste’dodli yigitimiz qatorasiga uch yil – 2014, 2015, 2016 yillarda matematika bo‘yicha chet mamlakatlarda bo‘lib o‘tgan xalqaro fan olimpiadalarida oltin medalni qo‘lga kiritgan.

Bunday yoshlar timsolida biz Xorazmiy bobomizning haqiqiy nabiralarini ko‘ramiz. Shunday bilimli, barkamol, Vatanga sadoqatli farzandlarimiz qancha ko‘paysa, O‘zbekistonning kelajagi shunchalik buyuk bo‘lishi muqarrar”.

Bugun Hakimboy Egamberganov singari iqtidorli yoshlarning tom ma’noda davri kelganini har bir talaba teran his etmoqda. Shunday e’tibor qozonish, eng muhimi, ilm bo‘stonida baxtu iqbolini topish har bir yigit-qiz uchun sharafdir.

Davlatimiz rahbarining 2017 yil 20 apreldagi «Oliy ta’lim tizimini yanada rivojlantirish chora-tadbirlari to‘g‘risida»gi qarorida belgilangan vazifalar ta’lim tizimini izchil takomillashtirishga xizmat qiladi. Chunonchi, yangi avlod o‘quv adabiyotlari yaratish, ularni ta’lim jarayonlariga keng tatbiq etish, oliy ta’lim muassasalarini zamonaviy o‘quv, o‘quv-metodik va ilmiy adabiyotlar bilan ta’minlash borasida qator vazifalar bosqichma-bosqich amalga oshirilmoqda. Nazariy bilimlarni amaliyot bilan chambarchas bog‘lash uchun O‘zMUning 3 ta dala-amaliyot maydoni, 32 ta o‘quv-ilmiy laboratoriya, 3 ta o‘quv-ilmiy-tajriba markazi, 1 ta OTMlararo ilmiy laboratoriya va 2 ta noyob ob’ektning moddiy-texnik bazasi mustahkamlanmoqda. Mavjud ilmiy maktablarimizda 15 ta amaliy, 26 ta fundamental, 7 ta innovatsiya, 17 ta yosh olimlarning fundamental (8 ta) va amaliy (9 ta) loyihalari ustida ishlar olib borilmoqda. Shu bilan bir qatorda talaba-yoshlarni ilmiy faoliyatga jalb qilish, grant tanlovlari va loyihalarida ishtirok etish, xo‘jalik shartnomalari tuzish, boshqa oliy ta’lim va ilmiy tadqiqot muassasalari uchun maqsadli ilmiy kadrlar tayyorlash ishlari izchil davom etmoqda. Bu sa’y-harakatlarning barchasi yosh iqtidor sohiblarining orzu-umidlariga erishishlari uchun zamin yaratadi.

Haqiqiy olimning sabog‘ini olgan yoshlar ilm cho‘qqilarini zabt etishlariga umid qilsa bo‘ladi. Bugungi kunda Milliy universitetimizda 29 nafar akademik, 150 dan ortiq fan doktori va professorlar, 400 dan ziyod fan nomzodi, falsafa doktori va dotsentlar faoliyat ko‘rsatishayotgan bo‘lsa, 200 dan ortiq yosh olimlar va 500 dan ziyod iqtidorli talabalar ilmiy tadqiqotlar olib borishmoqda.

O‘zMU AQSh, Angliya, Germaniya, Fransiya, Yaponiya, Janubiy Koreya, Xitoy, Rossiya, Isroil, Turkiya kabi 30 dan ortiq rivojlangan davlatlarning oliy ta’lim muassasalari bilan hamkorlik qilmoqda. Talabalarimiz o‘qish davomida ana shu xorij universitetlarida ham bilim va malakalarini oshirish imkoniga ega bo‘ladilar!

Ana shunday ulug‘ maskanda kamol topishni istagan abituriyentlarga ajoyib xushxabarimiz bor. Bu yil qabul kvotalari O‘zMUda qariyb ikki barobar oshirilgan! Bunga qo‘shimcha sirtqi va kechki ta’lim yo‘nalishlariga ham qabul qilinadi! Bu o‘qishga kirishingiz uchun imkoniyatingiz ikki-uch barobar ortdi, degani!

Bugun-erta kvota soni, qabul yo‘nalishlari haqida aniq (tasdiqlangan!) ma’lumotlarga ega bo‘lishimiz hamono qo‘shimcha ma’lumotlar yoritiladi.

Saytimizni e’tibor bilan kuzatib boring.

Savollaringiz bo‘lsa +998909120963 telegrami orqali murojaat qilishingiz mumkin.

O‘zMU talabasi bo‘lishingizga tilakdoshmiz. Omad yor bo‘lsin!

To‘lqin ESHBEK,

O‘zMU Axborot xizmati rahbari

You may also like...

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>