Шунча ноз-неъмат турганида ичкиликка бало борми?

Ичмий қўя қолейлу, дейди Дониш домла кўнглидаги иш бўлганидан қувониб!

Бир шиша савил қолгурри пулига қанча нон, ширинликлар, мева-чевалар харид қилса бўлади! Уйингга шунча нарса билан тўлиб-тошиб келсанг, бола-чақанг қанча хурсанд бўлишини тасаввур қивоссанми?

Ўша савил қолгурри жичча пойдаси бўлсаям гўрга эди, дейди Дониш домланинг дардкаш дўстларидан бири.

Хуллас, қуйидаги янгилик донишмандсифат отахонлар томонидан жуда мамнунлик ила кутиб олинди.

Ўзбекистон 12:27 14514

Ўзбекистон Республикаси Президенти вазифасини бажарувчи Шавкат Мирзиёев «Алкоголли маҳсулотлар билан чакана савдо қилиш қоидаларига ўзгартиш ва қўшимчалар киритиш тўғрисида»ги қарорни имзолади. Бу ҳақда UzReport хабар берган.

Киритилган ўзгартиришларга кўра, қуйидаги ҳолатларда алкогол маҳсулотлари сотиш тақиқланади:
— савдо автоматлари орқали;
— болалар ўйинчоқлари, конфетлар ёки болалар ассортиментига кирувчи бошқа товарларни имитация қилувчи (шуларга ўхшатиб ишланган бўлса) алкоголли маҳсулотлар.

Бундан ташқари, савдо қилинаётган жойларда 20 ёшга тўлмаган шахсларга алкоголли маҳсулотлар сотишга йўл қўйилмайди, шунингдек, алкоголли маҳсулотларнинг инсон соғлиғига зарарли таъсири тўғрисидаги огоҳлантирувчи ёзувлар бўлиши шарт қилиб белгиланган.

Алкоголли маҳсулотларнинг тарасида (товар-буюм жойланадиган ёки ўраладиган қоғоз) алкоголли маҳсулотларни истеъмол қилиш инсон соғлиғига зарарли таъсир қилиши тўғрисида матн ва (ёки) сурат шаклидаги тиббий огоҳлантириш мавжуд бўлмаган ҳолларда ҳам уларни сотиш мумкин бўлмайди.

Яна бир қўшимчага кўра, «Алкоголли маҳсулотлар билан савдо қилаётган сотувчи 20 ёшдан кичикроқ кўринган харидордан унинг ёшини тасдиқловчи ҳужжатни кўрсатишни талаб қилиши, ҳужжат мавжуд бўлмаган тақдирда эса алкоголли маҳсулот сотишни рад этиши» шарт ҳисобланади.

You may also like...

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>