БАЪЗИ ХОТИНЛАРГА ҲАЗИЛ+НОМА (А.О.га ўхшатма)
Сиз эрни асрангиз ҳар недан ортиқ,
Кўзнинг қорачиғин асрагансимон.
Ҳаёт инъом этган бу улуғ тортиқ,
Чевара кўришга етолсин омон!
Сиз эрни асрангиз ҳар недан ортиқ,
Гоҳо чақиб олманг тилга бериб эрк.
“Эринг – ярим худо!” деса, йўқ деманг,
Яратганга асло келтирмангиз ширк.
Сиз эрни асрангиз ҳар недан ортиқ,
Билмай-билмай уни тергаманг зинҳор.
Эрининг қадрига етмаган хотин,
Бир кун изларига бўлиб қолур зор…
Сиз эрни асрангиз ҳар недан ортиқ,
Ўзга гўзаллардан рашк қилманг мутлоқ.
Не битилган бўлса пешонасига,
Борини кўради, у ҳам ўтмас тоқ…
Сиз эрни асрангиз ҳар недан ортиқ,
Болам-чақам дея, ёниб юрар у.
Беҳуда рашк қилиб қийнайверсангиз,
Жон ҳалак, бор гапдан тониб юрар у…
Сиз эрни асрангиз ҳар недан ортиқ,
Очиқ чеҳра билан қаршиланг ҳар дам.
Билиб, билмасликка олиб кетсангиз,
Оила мустаҳкам! Бўлмайсиз ҳеч кам!!
* * *
Энди икки оғиз Эр – шер дўстимга!
Менинг бу шеъримдан кетманг талтайиб.
Келинни ноўрин хафа қилсангиз,
Тутиб олиб бир кун… қиламан “майиб”.
* * *
Ушбу ҳазил шеърни ўқиб эр-хотин,
Қанийди бир бора қўйса жилмайиб!
… Шу дамда ожизам туриб бошимда,
Бўлмағур нарсалар ёзманг, дер койиб…
Тўлқин ЭШБЕК
Яхши маҳсулот рекламага талаб қилинмайди, дейишади. Аммо бундай чиройли шеърни бошқаларга тавсия қилмасликнинг иложи йўқ!
She’rlaringizni o’qigan har kimning ko’nli shod bo’ladi. Bu albatta yutuq.
ha! serqirra ijodkorsiz
ustoz ushbu ijodingiz sabab ne ne janjallarga nuqta qo’yayotganingizni o’zingiz ham bilmaysiz, ilohim umr yo’ldoshingiz bilan juda uzoq umr, farzandlaringizning rohatini birgalikda ko’rishni Ollohim nasib etsin. ijoddan hech qachon, hech qachon to’xtamang va charchamang.
JUDAYAM AJOYIB.
JUDAYAM AJOYIB…
Ibratomuz she`r.
She’r judayam ajoyib, menga yoqdi. yigitlarimiz, otaxonlaru dadalarimiz baxtimizga sog’ bo’lishsin
Juda yaxshi chiqibdi.
Hazilomuz she’rlaringiz bor bo’lsin Ustoz! Buni zamirida qanday falsafalar bor-a!
Anashunday targ’ibotli she’rlarizdan kutib qolamiz va busherlariz katta hayotga qadam qo’yayotgan yoshlar uchun ham tarbiyaviy ahamiyatga ega.
Yana bir bor qoyil qoldim. Olloh bergan qobilyatizga ko’z tegmasin.
Ajoyib hazilnoma 🙂 Muallifga ijodiy omadlar tilab qolaman.
Aslida «hazil noma» deb nomlangan bo`lsa ham ushbu she’rning tarbiyaviy ahamiyati beqiyos. Ijodingizga yanada rivoj va barkamollik tilayman.