Жамоатчилик фикри — жамият кўзгуси

Аҳолининг 97,5 фоизи мамлакатимиздаги бугунги ижтимоий-иқтисодий ҳолатни “яхши ва барқарор”, дея баҳолаган

  • Автор   Чоршанба, 11 Январь 2017 00:53

  “Ижтимоий фикр” жамоатчилик фикрини ўрганиш маркази “Ўзбекистон: жамоатчилик фикри – 2016” сўровини ўтказди.

Сўров натижаларига кўра, аҳолининг 97,5 фоизи мамлакатимиздаги бугунги ижтимоий-иқтисодий ҳолатни “яхши ва барқарор”, дея баҳолаган. Фуқаролар бундай ижобий ўзгаришлар мамлакатимизда изчил амалга оширилаётган ислоҳотлар туфайли аҳолининг турмуш шароитлари ва сифати яхшиланиб, келажакка ишончи ортиб бораётгани самараси, деб билади.

Жамоатчилик фикри давлат ва жамият ҳаётининг изчил ривожланаётганидан аҳоли мамнун эканини кўрсатди. Сўровда фуқаролар, хусусан, иқтисодиёт, иқтисодий фаолият эркинлиги, кичик бизнес ва хусусий тадбиркорликни ривожлантириш, хусусий мулкни муҳофаза қилиш, фуқаролар хавфсизлигини таъминлаш, инсон ҳуқуқ ва эркинликларини ҳимоя қилиш каби асосий йўналишларнинг бугунги ҳолатини ижобий баҳолаган. Юртдошларимиз Ўзбекистон Республикаси Президенти Шавкат Мирзиёев ташаббуси билан қабул қилинган «Коррупцияга қарши курашиш тўғрисида»ги қонунни тўлиқ қўллаб-қувватламоқда.

Сўровда маҳаллий ижро ҳокимияти органлари долзарб ижтимоий ва иқтисодий муаммоларни ҳал этиш, фуқароларни ўз фаолияти тўғрисида ахборот билан таъминлаш борасида камчиликларга йўл қўяётгани ҳақида фикр билдирилган. Жумладан, маҳаллий ижро ҳокимияти органларининг фаолияти иштирокчиларнинг 38,7 фоизини у ёки бу даражада, 42,8 фоизини қисман қаноатлантираётгани, 13,6 фоизини эса қаноатлантирмаётгани аниқланди.

Ўзбекистон Республикаси Бош вазирининг 2016 йил 24 сентябрда ташкил этилган виртуал қабулхонаси инсон манфаатларини ҳар томонлама таъминлашда самара бераётгани алоҳида аҳамиятга эга. Ўтган йилнинг 23 декабридан Ўзбекистон Республикаси Президенти виртуал қабулхонасига айлантирилган мазкур портал давлатимиз раҳбарининг 2016 йил 28 декабрдаги “Жисмоний ва юридик шахсларнинг мурожаатлари билан ишлаш тизимини тубдан такомиллаштиришга доир чора-тадбирлар тўғрисида”ги фармонига мувофиқ давлатнинг халқ билан тўғридан-тўғри мулоқот қилиши учун кенг имконият яратмоқда. Фуқаролар Президентимизнинг Халқ қабулхоналарини ташкил этишга доир ташаббусини кенг қўллаб-қувватламоқда. Ушбу қабулхоналар фаолияти фуқаролар манфаатларини ҳимоя қилиш, аҳоли кенг қатламларига тааллуқли долзарб масалаларни ҳал этишга қаратилган.

Жамоатчилик фикрини ўрганиш натижаларига кўра, иштирокчиларнинг 93,8 фоизи аҳоли ўз ҳуқуқ ва эркинликлари бузилиши мумкинлигидан ҳуқуқий ҳимояланган, деб ҳисоблайди. Фуқароларнинг 71,8 фоизи агарда қонуний ҳуқуқлари бузиладиган бўлса, уларнинг тикланишига ишонади.

Сўров шундан далолат бердики, фуқаролар давлатимиз раҳбарининг жамиятимизда қонун устуворлигини таъминлаш, ҳуқуқбузарликларга тоқат қилмаслик, қонунбузилишларининг олдини олишга қаратилган ишларни давом эттиришга оид ташаббусларини муҳим, деб ҳисоблайди ва тўла қўллаб-қувватламоқда.

Фуқароларнинг юқори даражадаги ижтимоий кайфияти ўз оиласидаги ижтимоий-иқтисодий ҳолатдан, мавжуд шароитлар, ҳуқуқий ҳимояланганидан мамнун экани, шунингдек, оиласи ва мамлакатимиз келажагига ишонишидан далолат беради.

Сўров натижалари аҳолининг Президентимиз Шавкат Мирзиёев томонидан Халқ билан мулоқот ва инсон манфаатлари йили, деб эълон қилинган 2017 йил мамлакатимиз ҳаётининг ижтимоий, иқтисодий, маданий ва маърифий соҳаларида юксак натижаларга эришиладиган, тинчлик, хотиржамлик, фаровонлик янада мустаҳкамланадиган йил бўлишига қатъий ишончини ифода этди.

You may also like...

9 Responses

  1. Bu kabi raqamlarni tez-tez aniqlash va ularni xalqqa yerkazish lozim. Shunda jamiyatimizdagi barqarorlik aniq faktlar bilan ular yodida qoladi.

  2. Foziljon:

    Bu nimadan darak beradi: O’zbekiston bahtli hayot kechiryotganidan va davlatimiz tinch totuv yashayotganidandir

  3. Ajoyib raqamlar. Mana Òzbekistonimizni kòrib qòyishsin.

  4. Jumamurodova Muyassar:

    Bunday faktlar yurtimizdagi tinchlik samarasidir. Tinchligimizga ko’z tegmasin, ilohim.

  5. Бу статистикалар янада усишига умидвормиз

  6. Shohruh Shermatov:

    Tinchlik eng ulug` ne`mat uni asrashga barchamiz birdek mas`ulmiz

  7. Rahmatilla Sattorov:

    O`zbekiston bizniki.Yurtimizning tinchligi uchun barchamiz mas`ulmiz.Qayga bormaylik,qay ishda ishlamaylik tinchlik uchun kurashamiz.Vatan oiladan boshlanadi shunday ekan ila tinchligi- yurt tinchligi demakdir.

  8. Yangi yilda yangidan yangi rajalar va loyihalar ishlab chiqildi.Prezidentimiz tashabbuslari bilan aholini barcha qatlamlariga alohida e’tibor qaratilmoqda.Agar biz yurtimizni ertangi kelajagini o’ylasak davlatimiz rahbari yurgan yo’ldan yurib yanada yuksak cho’qqilarni zabt etamiz.Hozirda ko’rsatilgan ko’rsatgichlar soni tobora ortib, jonajon O’zbekistonimiz yanada barqarorlashib gullab yashnaydi.

  9. Ollohga shukur yurtimiz tinch ,osmonimiz musaffo . Hechkimni ko’zi tegmasin. Bizni ko’rolmaydiganlar yer bn yakson bo’lsin. Biz haqimizda notogri axborot tarqatganlar ko’rib qo’ysinda.

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>