Зиёлилар коррупцияга қарши курашда фаоллик кўрсатмоқда

Жамиятимиз тараққиётига ғов бўлаётган, халқимиз ҳаётига ўта салбий таъсир

кўрсатаётган коррупцияга қарши кураш – энг долзарб вазифалардан бири ҳисобланади. Бу борада Ўзбекистон Республикаси Президентининг “Ўзбекистон Республикасида коррупцияга қарши курашиш тизимини янада такомиллаштириш чора-тадбирлари тўғрисида”ги Фармони айни муддао бўлди.

Коррупцияга қарши курашда одамларнинг ҳуқуқий маданиятини ошириш ғоят муҳим ўрин тутади. Ҳақиқий нотиқ зиёлилар оддий одамларга Ўзбекистон Республикасининг “Коррупцияга қарши курашиш тўғрисида”ги Қонуни ва Президентимизнинг “Ўзбекистон Республикасида коррупцияга қарши курашиш тизимини янада такомиллаштириш чора-тадбирлари тўғрисида”ги Фармони мазмун-моҳиятини теран тушунтириб бериши мақсадга мувофиқдир. Ана шунда ҳар бир фуқаро аввало ўз ҳақ-ҳуқуқини, қонун ва давлатимиз раҳбарининг мазкур фармони коррупцияга қарши курашишда қанчалик ишончли қалқон бўлишини яхши билиб, тушуниб оладилар.

1 2 3

“Максам Чирчиқ” Акциядорлик жамиятида Мирзо Улуғбек номидаги Ўзбекистон Миллий университети профессор-ўқитувчиларининг шу мавзудаги интерфаол суҳбати ишчи-хизматчиларимизда катта таассурот қолдирди.

Давра суҳбатида таъкидланганидек, кейинги йилларда мамлакатимизда коррупцияга қарши курашиш соҳасида муҳим ташкилий-ҳуқуқий ислоҳотлар амалга оширилди. Аҳолининг ҳуқуқий онги ва ҳуқуқий маданиятини оширишга, жамиятда коррупцияга муросасиз муносабатни шакллантиришга йўналтирилган тизимли чоралар кўрилди. Фуқароларнинг ҳуқуқ ва манфаатлари ҳимоя қилишини учун ҳар бир фуқаро онгли равишда ҳаракат қилмоғи зарур. Коррупция балосини бартараф этиш ҳаммамиз учун муқаддас бурчга айланмоғи лозим. Токи, келгусида фарзандларимиз, набираларимиз тоза-покиза жамиятда яшаш бахтига мушарраф бўлсинлар. Ёш авлод онги ва қалбида порахўрлик, юлғичлик, иқтисодий жиноятлар ҳақида ҳатто тасаввур ҳам бўлишига йўл қўймаслигимиз керак. Бугун коррупцияга қарши курашиш тизими самарадорлигини ошириш, энг юқори даражадаги қулай ишбилармонлик муҳитини яратиш, мамлакатнинг халқаро майдондаги ижобий обрў-эътиборини оширишдек эзгу мақсадларга эришиш ҳар биримиздан улкан масъулият талаб қилади. Қаердаки қонун бузилиши, коррупция ҳолатини сезиб қолсангиз, асло бефарқ ўтиб кетаверманг. Сен менга тегма, мен сенга тегмайман, қабилида жим юраверсак, коррупция иллати ўз-ўзидан урчиб кетаверади. Ўз вақтида ўша салбий ҳолатлар ҳақида ҳуқуқни муҳофаза қилиш органларига хабар бериш – виждоний бурчингизга айланмоғи лозим.

Мавзу юзасидан мазкур жамоа фаолларидан Холтой Собиров, Холмурод Эргашев, Эргашбой Абдужабборов ва бошқалар ўз фикр-мулоҳаларини баён этдилар.

Давра суҳбати иштирокчилари бу мавзуда ўзларини қизиқтирган саволларига тегишли жавоблар олдилар.

 

Тўлқин ЭШБЕК,

ЎзМУ доценти, Ўзбекистон Ёзувчилар уюшмаси ҳамда

республика Маънавият ва маърифат маркази “Маърифат”

тарғиботчилар жамияти аъзоси, “Олтин қалам” мукофоти совриндори

You may also like...

17 Responses

  1. Korrupsiya jamiyatni parokanda qiluvchi illat. Shuning uchun uni oldini olish uchun barchamiz birdek kurashishimiz kerak.

  2. Karupsiya davlatni parokandalikka olib keluvchi jirkanch illatdur. Uni bartaraf etish uchun barchamiz xarakat qilmoğimiz kerak, agarda biz xozirdan jirkanch illatni yõqotmasak buzdan keyingi yosh avlodlar karupsiya bilan ulğayadi.

  3. Korrupsiya iqtisodiy o’sish va taraqqiyotga xalaqt beruvch eng katta omildir.

  4. Ustoz bugungi menga aytgan gaplaringizdan ta’sirlanib bu saytingizga birinchi marta kirib erinmasdan barcha maqolalaringizni o’qib yetarlicha xulosaga ega bo’ldim

  5. Sayyora Norbayeva:

    Hozirda eng katta muammolardan biri bo‘lgan korrupsaga qarshi kurashishga o‘z hissangizni qo‘shayotgan ekansiz, eng avvalo charchamang deb qolaman. Men xohlardimki, maktablarga borib ham ma’ruzalar o‘qib, yoshlarimiz ongini buzayotgan korrupsiya deb nomlanmish illatga qarshi immunitet uyg‘otishingizni. Shu yo‘l bilangina kelajakdagi korrupsiya va poraxorlikdan xalos bo‘lar edik. Bu ishlar bilan bir kishi emas balki butun-bir jamiyat bo‘lib kurashmog‘imiz kerak, bir musht bo‘lib. Ota- bobolarimiz aytganlaridek: 1 kishi ni sindirsa bo‘ladi 2 kishini sindirsa bo‘ladi lekin butun bir jamiyatni birdan sindirib bo‘lmaydi. Shunday bilimli va qudratli ota bobolarimizni farzandi ekanmiz har qanday illatga qarshi kurasha olamiz, kuch qudratga to‘lib, ko‘zlari yonib turgan ongida kuchli immunitet hosil qilishimiz uchun sizdek domlolarning ro‘li judaham muhim mening nazlimda. Quyi qatlamni poraxo‘rlikdan ozod qilsak poraxo‘rlikni 90% gacha qisqartirgan bo‘lardik deb o‘ylayman.

  6. To’g’ri aytasiz Kumushxon! Jamiyat rivojlanishini orqaga tortayotgan bunday illatlarga qarshi kurash, bugungi kunda katta ahamiyatga ega. Mamlakatimizda korrupsiyaga qarshi kurashish sohasida muhim tashkiliy-huquqiy islohatlar amalga oshirilmoqda.

  7. Korrupsiyani yo’qotish mushkul. chunki bu illatni oiladan,bog’chadan,maktabdan, umuman ta’lim tarbiya muassalaridan tarbiyalab borsagina amalda ijobiylikka erishamiz. Yo’qsa bu illat tomir otib ketaveradi. Bunga qarshilik qilamiz,deymizu o’zimiz bilmagan holda hissa qo’shib qo’yamiz.

  8. “Коррупция” сўзи лотинчадан келиб чиққан бўлиб, пора эвазига сотиб олиш, бузилиш, сотилиш деган маъноларни билдиради. Коррупсиянинг энг кенг тарқалган турларига порахўрлик, фирибгарлик, товламачилик, непотизм киради.
    Коррупсия – иллат, коррупсия – тараққиёт кушандаси.
    Халқимизнинг том маънодаги адолат қарор топган жамиятда яшаши учун нафақат масъул шахслар, балки ҳар бир фуқаро ўз ҳиссасини қўшиши зарур.

  9. Malika Mo'minova:

    Korrupsiya haqiqatdan bugun insoniyat uchun eng zararli vositaga aylangan illatdir. Buni bartaraf ettish, uning ildizini quritish maqsadida minglab sayi harakatlar olib borilmoqda. Kumushxon aytkanigizdek bu borada barchamiz birday harakat qilishimiz lozim.

  10. Xalqimiz taraqiyotiga g’ov bo’layotgan karrupsiya barchamizning muqaddas burchimizga aylanmog’i kerak .

  11. Karrupsiyani yo’qotishi mushkul emas, balki uni hech qachon yo’qotib bo’lmaydi balki uni imkon boricha kamaytirish imkoniyati bo’lsa kerak.

  12. Sitora Samadjonova:

    Korrupsiya jamiyat taraqqiyotiga to’siq bo’ladigan eng katta omildir.

  13. «Кейинги йилларда мамлакатимизда коррупцияга қарши курашиш соҳасида муҳим ташкилий-ҳуқуқий ислоҳотлар амалга оширилди. Аҳолининг ҳуқуқий онги ва ҳуқуқий маданиятини оширишга, жамиятда коррупцияга муросасиз муносабатни шакллантиришга йўналтирилган тизимли чоралар кўрилди,– деди маърузачи.– Фуқароларнинг ҳуқуқ ва манфаатлари ҳимоя қилишини учун ҳар бир фуқаро онгли равишда ҳаракат қилмоғи зарур.» Xuddi shu fikrlarga qo’shilaman. Sababi o’zim ham bir nechta shu mavzuga oid tadbirlarda qatnashdim. Ulardan biriga chet ellik mehmonlar ham taklif etildi. Kamida 6 ta mamlakatdan kelgan ishtirokchilar o’zining mamlakatida oiladagi ayollarning va bolalar haq-huquqlari qanday ekanligini aytib o’tishdi. Tadbirdan so’ng xulosada xuddi shu masala bo’yicha bir nechta qonunlarga o’zgartirishlar kiritilishi aytildi.

  14. Yana bir gap statistik ma’lumotlarga qaraganda ayollar va bolalarning karrupsiya haqida ma’lumotlarga ega bo’lishi kamchilikni tashkil etarkan, erkaklar esa bundan mustasno ekan.

  15. Korrupsiya — bu halokatga yo’l.Ildizi baquvvatlashib ketayotgan daraxt,biroq qachondir shu daraxt ham kuchsizlanadi.Ustoz ,sizning bir maqolangizdagi fikringiz juda yoqqandi.O’shanda siz ma’naviyatli harakatno ziyoli qatlamdan boshlash kerak degan fikrga o’xshash fikr yozgandingiz.Mem shu fikringizni qulog’imga zirak qilib taqib oldimki,boshqalarni ham shunday qilishlari tarafdoriman.

  16. Bildirgan fikrnomamdagi ayrim xatoliklar uchun uzr so’rayman, bu bilmaslikdanmas, shoshilgandaki texnik xato.

Добавить комментарий для Зокирова Мадина Отменить ответ

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>