Миллий университет ўқув-илмий тажриба базаси истиқболлари

Яхшидан боғ қолади, деган ҳикматли сўзлар бежиз айтилмаган.

              14

Мирзо Улуғбек номидаги Ўзбекистон Миллий университети “Ботаника боғи” номи билан машҳур  бўлган ЎзМУ ўқув-илмий тажриба базасида бугун айнан шу ҳикмат ижобатини кўришингиз мумкин.

Анча пайтдан буён қаровсиз қолган бу ерларда сўнгги ойларда тозалаш, ободонлаштириш, экин майдонларини эпақага келтириш борасида кўп ишлар амалга оширилди.

13

Университет раҳбариятининг ташаббуси билан бунёд этилган боғ этагида парвозга шайланаётган са– Бургут, эзгулик тимсоли – Оққуш “қўним топган” бўлса, ҳув тепаликда шохдор Буғу савлат тўкиб туришини кўриб завқингиз келади.

Наврўзи оламни турфа гуллари ила қарши олган дов-дарахтлар, турфа ўсимликлар ажиб манзара касб этади.

12

Инсон қўли гул, деган нақл бот-бот ёдингизга тушади.

Бироқ, булар ҳали янада улканроқ режаларнинг бошланиши эканлигини Миллий университет жамоаси яхши билади.

11

Яқинда Биология-тупроқшунослик факультетининг кўчма йиғилиши ана шу “Ботаника боғи”да ўтказилди. ЎзМУ ректори Шуҳрат Сирожиддинов биолог ва тупроқшунос олимлар, тадқиқотчилар билан ошкора мулоқот ўтказар экан, аввало, режалари билан ўртоқлашди, сўнг таклифлариларини ўртага ташлади.

Университет етакчиси таъкидлаганидек, ривожланган мамлакатларнинг машҳур университетларида бир парчагина еридан ҳам шунчалик самарали фойдаланишадики, кўриб ҳайратга тушасан. Хўш, бизда-чи? Бир неча гектар ердан қай даражада фойдаланяпмиз?

7

Ҳаракатга – барокат, деганларидек, агар университет жамоаси чинакам ишга киришса, бу масканни том маънода – биҳиштга айлантириш мумкин.

Бунинг учун биринчи галда соҳа мутахассислари ҳисобланмиш биолог-тупроқшунослар ташаббус кўрсатишлари мақсадга мувофиқдир. Ахир, бу ер мазкур факультетнинг ўқув-тажриба базаси ҳам ҳисобланади. Демак, ҳар бир кафедра бу ерда амалга ошириши лозим бўлган ишларини режалаштириб олиши, таъбир жоиз бўлса, ўз концепциясига эга бўлиши лозим.

9

Университет ректори бу борада қуйидаги тавсияларини берди:

биринчидан, мамлакатимизда ўсадиган барча ўсимлик ва дарахтлардан намуналар айнан шу боғда ҳам бўлиши лозим. Улар орасида энг шифобахш ва ноёб ўсимликлар парваришига алоҳида эътибор қаратилиши даркор. Ҳар бир ўсимлик ва дарахт ёнига махсус тахтачалар ўрнатиб, унинг номи, иложи бўлса, хусусиятлари ҳамда бошқа маълумотлар ёзиб қўйилиши керак;

иккинчидан, тайёр дарахтзорлар орасида “мини-зоопарк” ташкил этиш мумкин. Унда турли қушлар парвариш қилиниши йўлга қўйилиши мақсадга мувофиқдир;

учинчидан, бўлғуси астрономлар амалий машғулот ўтказиши учун зарур шарт-шароитлар яратиш мумкин. Керак бўлса, талабалар тунда телескоплари билан шу ердан Ой-у юлдузларни кузатиши, тадқиқотлар олиб бориши учун имконият яратиш керак;

тўртинчидан, бўлғуси физиклар, географ ва геологларнинг бир қисми худди шу ерда амалиёт ўтказсалар бўлади. Бунинг учун соҳа мутахассислари зарур шароитларини яратиб бериши керак;

бешинчидан, ушбу база маърифий аҳамият касб этиши, мактаб, лицей, коллеж ўқувчилари учун она Ватан табиати билан таништиришда ўзига маскан бўлиши лозим.

13

Бу масканда “Экологлар боғи”, “Ўсимликлар дунёси”, “Мини-зоопарк – қушлар дунёси”, “Доривор гиёҳлар”, “Замин саховати”, “Табиат музейи”, “Болга тўлган боғлар”, “Фалакшунослар олами”, “Ноёб тошлар дурдонаси” каби томошагоҳлар ҳар қандай кишини мафтун этадиган даражада ташкил этилиши мақсадга мувофиқдир.

Тош1

Саёҳатга ташриф буюрувчилар учун дам олиш хоналари, боғнинг бир четида замонавий ошхона бунёд этилиши режалаштирилмоқда.

Тош

Агарки, бу заминда шундоқ боғи биҳишт яратилса, ундан наинки ЎзМУ талабалари ва пойтахт шаҳримиз мактаблари ўқувчилари, балки, ҳамшаҳарлар-у пойтахтимиз меҳмонларигача баҳраманд бўлишлари мумкин. Йил бўйи, айниқса, ёз ойларида саёҳатчилар бундай жаннатмакон масканга жон-жон деб ташриф буюришларига умид қилсак бўлади.

ЎзМУ асли – илм, зиё маскани! Ана шу илмлар амалиётда ўз ифодасини топса, нур устига аъло нур бўлур эди.

Илм ва амалиёт уйғунлигини эса энди “Ботаника боғи”да ҳам кўрасиз!

 ЎзМУ Ахборот хизмати

You may also like...

23 Responses

  1. Mamlakatimiz tabiati nihoyatda gõzal, uning yanada gullab yashashiga õz hissasini qõshayotgan insonlardan minnaddormiz. Ular tufayli musaffo havo, hushmanzara kõchalardan bahramand bõlamiz.

  2. Universitetimizning yaqin kelajakda Toshkentdek megapolis markazida eko-kislorod manbalaridan biri bo’lishiga shubham yo’q. Buning amaldagi isbotini esa har bir talaba va universitet xodimlarining qo’lida, mehr-la tutilgan mehnat qurollarining javlon urgan harakatida ko’rishimiz mumkin bo’ladi!

  3. Университетимиз Ботаника боғи шаҳарнинг сўлим гўшаларидан қолишмаслиги суратлардан кўриниб турибди.

  4. Universitetimizda qilinayotgan ishlar barchamizni xursand etmoqda.

  5. Universitet hududida aglameratsiya vujudga kelishi mumkin ekanda?! Bu uchun berilgan taklif va qo’yilgan maqsadlar yaxshi,lekin amali,natijasini ham ko’rishimiz kerak.Bu borada tabiiy fanlar fakultetlaridan beminnat xizmatni kutib qolamiz

  6. Universitet go’zalligi faqat binolarga berilgan baho bilan o’lchanmaydi. Atrof- muhit, tabiat qoniqarli holatda, chiroyli ko’rinishda bo’lsagina ko’rinishga nisbatan ijobiy fikr bildirish mumkin. Bu borada harakat boshlanibdimi, demak hamma fakultet o’z hissasini qo’shishga astoydil kirishsa ish unumli bo’ladi

  7. Universitet go’zalligi faqat binolarga berilgan baho bilan o’lchanmaydi. Atrof- muhit, tabiat qoniqarli holatda, chiroyli ko’rinishda bo’lsagina ko’rinishga nisbatan ijobiy fikr bildirish mumkin. Bu borada harakat boshlanibdimi, demak hamma fakultet o’z hissasini qo’shishga astoydil kirishsa ish unumli bo’ladi

  8. Universitet aglameratsiyasini vujudga keltirish ishlari boshlangani yaxshi xabar. Bu borada berilgan fikrlar, qo’yilgan maqsadlar ham yaxshi, biroq natijasi bo’lmasa xunuk holat.. Shuning uchun barcha ,ayniqsa, tabiiy fanlar fakultetlaridan bu borada beminnat xizmat kutib qolamiz

  9. Universitetimizda obodonlashtirish ishlari olib borilganini, hamda ajoyib bog’lar yaratilgani rasmlarda ko’rib ,o’qib o’zimning ham uyerga borgim keldi. Har bir qilayotgan ishlarimiz o’zing amaliyotdagi natijasi bilan g’o’zaldir.

  10. Telefoningizdan foydalangandim.xunuk xolat bo’pqoldi.barchaga uzr yuqoridagi xatolar un.

  11. Yuqorida xunuk xolat bo’pqoldi MB yetishmasligi tufayli bir- birimizning telefonimizdan foydalanishimiz tufayli texnik xatoga yo’l qo’yilibdi. Barchaga uzr yuqoridagi xatolar un.

  12. Bizning ta’lim dargohimizga «Otaxon Universitet» deya ta’rif beriladi. Shu nomga munosib bo’lish uchun ham universitetimiz birinchilar qatorida yon-atrofimizni obodonlashtirish, bog’lar tashkil etish hamda universitet hududini ko’kalamzorlashtirish ishlarini biz talabalar, ustozlar rahnamoligida boshlab yubordi. «Navro’z» bayrami arafasida hamma yer toza, ozoda bo’ldi. O’z o’rnida bu ishlar biz talabalarni yanada birlashtirdi. Ilohim, ta’lim dargohimizga ko’z tegmasin.

  13. Obodonchilikka har hafta payshanba kuni yigitlar o’z hissasini qo’shadi degan umiddamiz. Qizlardan yordam kerak bo’lsa bajaramiz.

  14. Universitetimizda bòlayotgan ishlar, katta òzgarishlar barchamizni xursand qiladi.

  15. Universitetimizni yanada ravnaq topishi uchun òz hissamizani qòshishga tayyormiz

  16. Har tomonlama oldinda bo`lgan universitetimiz bilan faxrlanamiz. Uning yanada yuksalishi uchun o`z hissamizni qo`shishga hamisha shaymiz.

  17. Juda ajoyib. Obodonlashtirish ishlar hamisha gòzal yurt kelajagining bir bòlagi hisoblanadi

  18. Zarina Sohibova:

    Bugungi kunda unverstitemizning qayeriga qaramaylik obodonlashtirish,ta’mirlash ishlari olib borilmoqda.Bu xayrli ishlar kishini ko’nglini shod etadi.

  19. Fayyoz Achilov:

    Tabiat bilan yaqin bo’lish — bu insoniyat uchun katta tuhfadir!

  20. Sevinch Norqobilova:

    So’nngi paytlarda universitetimizda faqat ezgulik ishlari amalga oshirilmoqda. Hayratimni yashirolmayapman, ochig’i. Qoyil qolmay ilojim yo’q.

  21. Universitetda amalga oshirilayotgan sa’y harakatlarning barchasi biz talabalar uchun.

  22. O'tkir Jalolxonov:

    Shundoqchikin aktsiyalarni tez-tez o’tkazib tursak universitetimiz bog’u bo’stonga aylanib ketadi.

Добавить комментарий для Shoymardonov Shahbozmirzo 202 Отменить ответ

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>