Оқсаройда қабул

Ўзбекистон Республикаси Президенти Ислом Каримов 30 март куни Оқсаройда Германия Федератив Республикаси федерал ташқи ишлар вазири, Европада хавфсизлик ва ҳамкорлик ташкилотининг амалдаги раиси Франк-Вальтер Штайнмайерни қабул қилди.

Оқсаройда қабул
Давлатимиз раҳбари меҳмонни самимий қутлаб, ушбу учрашув ўзаро ҳамкорлик бўйича фикр алмашиш учун яхши имконият бўлиб, Ўзбекистон билан Германия ўртасидаги кўп қиррали ва доимий алоқаларнинг узвий қисми эканини таъкидлади.

Ўзбекистонда Германияни Европадаги йирик интеллектуал, иқтисодий, техник ва технологик салоҳиятга эга, халқаро майдонда нуфузли, глобал ва минтақавий масалаларни ҳал қилишга салмоқли ҳисса қўшиб келаётган етакчи давлатлардан бири сифатида билади.

2.jpg

Ўзбекистон мустақиллиги йилларида мамлакатларимиз ўртасида сиёсий, иқтисодий, маданий-гуманитар ва бошқа соҳаларда барқарор ҳамкорлик йўлга қўйилди. Бугунги кунда 130 дан ортиқ ҳужжатдан иборат мустаҳкам ҳуқуқий база яратилган ва барча даражадаги муносабатлар учун ишончли механизм мавжуд.

Мамлакатимиз иқтисодиётига кейинги 15 йилда Германиянинг 784 миллион доллардан ортиқ тўғридан-тўғри инвестициялари ва кредитлари жалб этилган. Ўзбекистонда Германия Федератив Республикаси инвестицияси иштирокида 113 корхона, шундан 27 таси тўла Германия капитали асосида фаолият юритмоқда.

Бугунги кунда дунёга машҳур немис компаниялари Ўзбекистон бозорида мустаҳкам ўрин эгаллаб, мамлакатимиз иқтисодиётини ривожлантиришга салмоқли ҳисса қўшмоқда. “МАN” концерни билан ҳамкорликда Самарқанд вилоятида замонавий завод барпо этилган. Корхонада турли русумдаги юк автомобиллари ишлаб чиқарилмоқда. Ушбу автомобилларга хорижда ҳам талаб юқори. Германия саноатининг яна бир етакчиси – “CLAAS” концерни билан ташкил этилган қўшма корхонада замонавий қишлоқ хўжалиги техникаси ишлаб чиқарилмоқда.

Ўтган йили ташкил этилган Ўзбекистон – Германия ишбилармонлар кенгашининг иккита мажлиси ўтгани савдо-иқтисодий соҳадаги ҳамкорликни ривожлантиришга икки томонда ҳам қизиқиш ортиб бораётганидан далолат беради. Ушбу мажлислар доирасида Германиядан 2,85 миллиард долларлик технологиялар ва имтиёзли кредитларни жалб этиш бўйича лойиҳаларни амалга ошириш ҳақидаги ҳужжатлар имзоланган.

Учрашувда Ўзбекистон – Германия ҳамкорлигига доир бошқа масалалар, жумладан, маданий-гуманитар алоқаларни изчил ривожлантириш, таълимга оид қўшма лойиҳаларни амалга ошириш истиқболлари, шунингдек, минтақавий ва халқаро аҳамиятга молик айрим масалалар ҳам муҳокама қилинди.

ГФР ташқи ишлар вазири самимий қабул учун Ўзбекистон Президентига миннатдорлик билдириб, Германия раҳбарияти ўзаро манфаатли ҳамкорликни янада кенгайтириш ва мустаҳкамлашга тайёр эканини таъкидлади.

ЎзА

You may also like...

18 Responses

  1. Farrux Abduhamidov:

    O’zbekiston o’z obro’ e’tiboridan kelib chiqib hamkorlarini tanlaydi va ularga doimiy ravishda dunyoda xoh u iqtisodiy, xoh u siyosiy jarayon bo’lsin o’z o’rniga ega ekanligini bildirib kelmoqda.

  2. ,,Учрашувда Ўзбекистон – Германия ҳамкорлигига доир бошқа масалалар, жумладан, маданий-гуманитар алоқаларни изчил ривожлантириш, таълимга оид қўшма лойиҳаларни амалга ошириш истиқболлари, шунингдек, минтақавий ва халқаро аҳамиятга молик айрим масалалар ҳам муҳокама қилинди».
    Prezidentimiz doim biz yoshlar uchun yangidan yangi imkoniyatlar eshigini ochib bermoqdalar. Ushbu uchrashuvda ham ta’limga oid qo’shma loyihalarni amalga oshirish istiqbollariga e’tibor berilganligi quvonarli hol.

  3. Bizning va Germaniyaning konstitutsiyalari 1- moddasidagi fikrlar ham ikki mamlakat o’rtasidagi aloqalar naqadar mustahkamligini isbotlaydi.

  4. Ikki mamlakatlar konstitutsiyasidagi o’xshashliklar doimo aloqadaligidan dalolatdir.

  5. Halqaro oloqalar kuchaygani sari yurt ravnaqi yanada oshadi deb òylayman

  6. xalqaro dòstlik va hamkorlik bitimlari har ikki davlatga ham foyda keltiradi albatta

  7. Yurtimizga xorij davlatlarining do’stona qiziqishi, xalqaro hamkorlik aloqalari mustahkam yo’lga qo’yilishi juda quvonarli holat

  8. uchrashuv bõlib õtishi haqida õqigandim. Bu haqida uch ildiz.uz saytidan batafsil ma’lumotlarga ega bõldim. Bu ikki tomonlama kelishuv albatta xalqaro aloqalarni kuchaytirgan holda, mamlakatimiz taraqqiyoti uchun katta ahamiyatga ega. Bu uchrashuv, boshqa kõplab rivojlangan davlatlarning ham dõstona qiziqishlariga sabab bõlsa ajabmas.

  9. ГФР ташқи ишлар вазири самимий қабул учун Ўзбекистон Президентига миннатдорлик билдириб, Германия раҳбарияти ўзаро манфаатли ҳамкорликни янада кенгайтириш ва мустаҳкамлашга тайёр эканини таъкидлади. Agarda mana shunday samimiylik, do’stlik, birodarlik mustahkam bo’lsa Gumanizm, insoniylik aloqalari kengayib, nafaqat, davlatlar uchun, balki xalqlar o’rtasidagi totuvlikni ta’minlashga asos bo’ladi.. Istiqbolli yo’llarimiz bardavom bo’lsin!

  10. Aziza Davlatova:

    O’zbekiston Mustaqillikka erishganidan keyin iqtisodiy, siyosiy, madaniy va yana turli sohalarda qator davlatlar bilan hamkorlik qilyapti. Bu esa yurtimizni yanada rivojlanishi va rivojlangan davlatlar safiga kirishiga yo’l ochib bermoqda.

  11. Sevinch Norqobilova:

    Davlatlar aro totuvlik, ko’plab loyihlarning amalda qo’llanilishi, yurt taraqqiyoti ana shunday yaxshi uchrashuvlar, samarali suhbatlar davomida yuzaga keladi, deb o’ylayman.

  12. Fayyoz Achilov:

    Bu sayt hamma saytlardan ham ilg’orligini ma’lumotlarning to’liqligidan ham bilsa bo’ladi. Hech qaysi saytda bu qadar keng ma’lumotni o’qimagandim.

  13. Boshqa davlatlar bilan hamkorlik qilib, do’stlik rishtalarni bog’lashda davom etaveraylik.

  14. Davlatlarning o’zaro do’stona aloqalari ikki davlatning yanada rivojlanishiga o’z hissasini qo’shadi deb o’ylayman.

  15. «Halqaro oloqalar» emas «Xalqaro aloqalar» yozilsa maqsadga muvofiq bo’lardi menimcha.

  16. Xalqaro aloqalarda O’zbekiston har qanday davlatga nisbatan befarq emas. Hamkorlikka hamisha tayyor, qonunlar binoan.

  17. O'tkir Jalolxonov:

    Germaniy ko’hna qit’aning eng qudratli mamlakati. Bunday mamlakatlar bilan qilinayotgan aloqalar o’z so’zini aytishi tabiiy.

  18. So’nggi paytlarda texnika vositalari ichida aynan Germaniyada ishlab chiqilganlari bizni ko’proq qiziqtirmoqda. Bu davlat bilan aloqalarning kuchayib borayotgani haqida ham tinimsiz ma’lumotlarga ega bo’lib turibmiz. Yaqin yillar ichida nemis tiliga ixtisoslashgan yoki Germaniya bilan hamkorlikdagi oliy o’quv yurtini tashkil etish rejalari boshlanib qolsa ham ajab emas

Добавить комментарий для Maftuna Yusupova Отменить ответ

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>