Фалокат ва ҳалокат…

Ростов-Донда қулаган «Боинг»нинг учувчиси ва аэропорт диспетчери ўртасидаги мулоқот аудиоёзуви эълон қилинди

Aviahalokat yuz bergan joydagi o‘t o‘chirish mashinalari. Foto: Meduza

Унга кўра, мулоқот одатдаги тартибда кечган, самолёт экипажи бортда қандайдир носозлик борлиги ҳақида ахборот бермаган.

Лайнер учувчиси об-ҳаво шароити ҳақида сўраган, бунга жавобан диспетчер экипажни кучли шамол эсаётгани, кўриш олти километргача чеклангани, кучли ёмғир ёғаётгани ва турбулентлик кучли экани ҳақида огоҳлантирган.

Шунга қарамай, диспетчер шамолнинг кўчиши ҳақида огоҳлантириш йўқлигини қўшимча қилган. Бунга жавобан учувчи: «Ойнага қарасангиз, сер, об-ҳаво билан боғлиқ вазият аввалгига қараганда яхшироқдек кўринади», — дея қайд этган.

Мулоқот учувчининг иккинчи айланага кетиш қарорини маълум қилиши билан якунига етади. «Иккинчи айланага кетдим, Sky Дубаи 981», — деган учувчи.

Шундан сўнг диспетчер иккинчи уринишда самолётни қўндириш учун учувчига бир неча кўрсатма беради, шу билан мулоқот якунига етган.

Аввалроқ FlyDubai авиакомпанияси ижрочи директори Гейт ал-Гейт Ростов-Донда қулаган «Боинг» учувчиси ҳалокат сигналини йўлламаганини маълум қилганди.

Эслатиб ўтамиз, FlyDubai авиакомпаниясига тегишли, Дубайдан Ростов-Донга учаётган «Боинг» лайнери 19 март, шанба куни Ростов-Дон аэропортига қўнишга уриниш вақтида ҳалокатга учраган эди. Ҳодиса оқибатида самолёт бортида бўлган 62 кишининг барчаси, хусусан, Ўзбекистон фуқароси ҳалок бўлган.

You may also like...

2 Responses

  1. Madina Akbarova:

    Fojea yuzasidan ochilgan jinoiy ish tafsilotlari, tahlilliy material keyinchalik yuklansa o’quvchilarni yana-da o’ziga jalb etgan bo’lardi ham bu hammaga qiziq.

  2. Murodjon O‘rinov:

    Axborot qisqa va aniq umumiy tasavvurga ega bo‘lish mumkin

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>