Ижод ва мафкура майдонида ҳақиқий ижодкор ўзидан ёрқин из қолдиришини
кўп кузатганмиз. Бу ёшлар учун ўзига хос намуна, ибрат мактаби ҳисобланади. Собиқ мустабид тузум даврининг сўнгги йилларида Ўзбекистоннинг собиқ комфирқаси етакчилари неча минг йиллик байрамимиз — Наврўзни йўқ қилишга чираниб кўрган эдилар. Жуда қўрқинчли, таҳликали замонлар эди. Комфирқанинг хато, ҳатто ғайриинсоний сиёсатига қарши гапирган кишини қудратли кучлар бадном, мажруҳ қилиб ташлашдан тоймас эдилар… Шундай оғир замонда Тошкент вилоят Матбуот бошқармаси бошлиғи лавозимида фаолият кўрсатаётган жасоратли журналист, тарихчи олим Шавкат Аббосович Миралимов партиянинг катта йиғилишларида ўз фикрларини дадил айта олган. У тарихчи олим сифатида Наврўзнинг неча минг йиллик қадрият экани, уни бирор динга мутлақо алоқаси йўқлигини исботлаб берган. Ўзбекистон раҳбарларининг қулоғига бу гаплар кирмагач, ўша даврда марказ ҳисобланган Москвадаги етакчиларга рус тилида хатлар ёзган. Ниҳоят, 1990 йили ҳақиқат қарор топди: Наврўз байрами тикланди! Устоз кейинчалик Наврўзга бағишланган рисолалар ёзди.
Сўнгги пайтларда Устознинг тўйлар мавзусида билдираётган фикрлари, таклифлари ҳам жамоатчиликда катта қизиқиш уйғотмоқда.
Бугун Мирзо Улуғбек номидаги Ўзбекистон Миллий университети Журналистика факультетида доцент лавозимида фаолият кўрсатаётган Шавкат Миралимов ҳамон мафкура майдонида миллатпарвар, халқпарварлигини намоён қилмоқда. Устознинг ОАВда ҳар бир чиқиши талабаларимиз учун ўзига хос маҳорат мактаби, улкан сабоқдир, дейди Дониш домла.
Тўлқин ЭШБЕК,
ЎзМУ Журналистика факультети кафедра мудири
«Нуроний» жамғармаси вакили: «Дабдабали тўй қилаётган амалдорларимизнинг танобини ҳам бир тортиб қўйиш керак»
Ўзбекистонда дабдабали тўйлар қилишда нафақат бойлар, балки амалдорлар ҳам салбий намуна бўлмоқда. Бу фикр Ёшлар пресс-клубининг тўйларни тартибга солиш тўғрисидаги низом муҳокамасига бағишланган навбатдаги анжуманида «Нуроний» жамғармаси Республика бошқаруви бўлими мудири Шавкат Миролимов томонидан билдирилди.
Шавкат Миролимовнинг таъкидлашича, «пул топиб ақл топмаганлар» — дабдабали тўй қилаётганларнинг фақатгина бир тоифаси. Бунинг иккинчи тоифаси эса амалдорлар ҳисобланади.
Ҳаммамиз тўйларга борамиз, ошларга борамиз. Назар солиб, ўрганиб, қараб юрсам, дабдабали тўйларни ўтказаётганларнинг ҳаммаси ҳам пул топиб ақл топмаган бойваччалар эмас. Айниқса раҳбарларга ёқмайдиган бир гапимни айтмоқчиман.
Пул топиб ақл топмаганлар дабдабали тўй қилаётганларнинг бир тоифаси бўлса, амалдорларимизнинг тўйлари — шунинг иккинчи тоифасидир. Вазирларимиз, ҳокимларимиз, катта маош олиб, катта даромадли жойда ишлайдиган амалдорларимизнинг тўйлари — 100 фоизи десам адашарман — 99 фоизи дабдабали бўляпти.
Исрофгарчилик кўп бўляпти шу жойларда. Менимча, амалдорларимизнинг ҳам танобини бир тортиб қўйишимиз керак, ҳисоб-китобини қилишимиз керак.
Шавкат Миролимов, «Нуроний» жамғармаси Республика бошқаруви бўлими мудири
Эслатиб ўтамиз, Ўзбекистон Президенти Шавкат Мирзиёев 2018 йил мартида бўлиб ўтган видеоселекторда дабдабали тўйларни қоралаган, ижро органлари раҳбарларининг тўй-маросимларга боришини тақиқлаган эди.
«Ҳамма бир хил тўй қилади. Агар бирорта раҳбар — прокурорми, солиқчими, ҳокимми, чегарачими — меъёрдан чиқса, ўша куниёқ қамайман. Вазир ё бош вазир ўринбосари 500 кишига тўй қилишга етадиган маошни қаердан олади? Ҳаммаси ўғрилик бу, тагини суриштирсак. Ўғрилик!», — деганди ўшанда Президент.
https://daryo.uz/k/2019/10/17/nuroniy-jamgarmasi-vakili-dabdabali-toy-qilayotgan-amaldorlarimizning-tanobini-ham-bir-tortib-qoyish-kerak/
Сўнгги фикрлар