ЎЗБЕКИСТОН БАЙРОҒИ

Ифтихор туйғуси

Онажоним рўмоли, отажоним белбоғи,

Яшилликда юрт боғи, мовий – осмон қучоғи,

Ўн икки юлдузга бош бўлган ойнинг қайроғи,

Бу ватаним байроғи – Ўзбекистон байроғи!

 

Ҳар рангида мос бўлиб сиймолангай тўрт фасл,

Бири-биридан етук улғаяр ўттиз насл!

Ҳар тонг бизни уйғотар мадҳиямиз сайроғи,

Бошимизда ҳилпирар – Ўзбекистон байроғи!

 

Баҳорлари Наврўзли, ёзлари – оби Кавсар

Қишларимиз эгнида оппоқ пўстини – сувсар.

Серҳосил кузларида юксалса олтин тоғи,

Чўққисида кўринар – Ўзбекистон байроғи.

 

Чемпион фарзандлари кўз-кўзласа не шараф:

Ҳайрон боқса не ажаб Чину Амриқо, араб!

Хайрихоҳ ўлкаларга тўлмоқда сўлу соғи,

Юксалиб тур то абад – Ўзбекистон байроғи!

 

Тўлқин ЭШБЕК,

Ўзбекистон Ёзувчилар уюшмаси аъзоси, Маънавият фидойиси

————————————————————————

O`ZBEKISTON BАYROG`I

 

Onajonim ro`moli, otajonim belbog`i,

Yashillikda yurt bog`i, moviy osmon quchog`i,

O`n ikki yulduzga bosh bo`lgan oyning qayrog`i,

Bu vatanim bayrog`i – O`zbekiston bayrog`i!

 

Har rangida mos bo`lib siymolangay to`rt fasl,

Biri-biridan yetuk ulg`ayar o`ttiz nasl!

Har tong bizni uyg`otar madhiyamiz sayrog`i,

Boshimizda hilpirar – O`zbekiston bayrog`i!

 

Bahorlari Navro`zli, yozlari – obi Kavsar

Qishlarimiz egnida oppoq po`stini – suvsar.

Serhosil kuzlarida yuksalsa oltin tog`i,

Cho`qqisida ko`rinar – O`zbekiston bayrog`i.

 

Chempion farzandlari ko`z-ko`zlasa ne sharaf:

Hayron boqsa ne ajab Chinu Аmriqo, arab!

Xayrixoh o`lkalarga to`lmoqda so`lu sog`i,

Yuksalib tur to abad – O`zbekiston bayrog`i!

 

To`lqin ESHBEK,

O`zbekiston Yozuvchilar uyushmasi aʼzosi, Maʼnaviyat fidoyisi