Ўзбекистон Республикаси Президентининг қарори

Рамазон ҳайитини нишонлаш тўғрисида

Рамазон ҳайитини нишонлаш тўғрисида

Бутун мусулмон аҳли учун муқаддас айём – муборак Рамазон ҳайитининг халқимиз ҳаётидаги беқиёс ўрни, жамиятимизда ўзаро ҳурмат, меҳр-оқибат, саховат ва шукроналик каби олижаноб қадриятларни қарор топтиришдаги улкан аҳамиятини инобатга олиб ҳамда миллий-диний анъаналаримизни асраб-авайлаш ва улуғлаш мақсадида:
1. Ўзбекистон мусулмонлари идорасининг 2019 йилда Рамазон ҳайитининг биринчи куни 5 июнь – чоршанба кунига тўғри келиши ҳақида қабул қилган қарорини инобатга олиб, мамлакатимизда 2019 йил 5 июнь Рамазон ҳайити байрами сифатида кенг нишонлансин.
2. Ўзбекистон Республикаси Президентининг 2018 йил 12 ноябрдаги “2019 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисида”ги ПФ-5574-сонли Фармонига мувофиқ 1 июнь – шанба куни 6 июнь – пайшанба кунига кўчирилгани маълумот учун қабул қилинсин.
3. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Ўзбекистон фахрийларининг ижтимоий фаолиятини қўллаб-қувватлаш “Нуроний” жамғармаси, Фуқароларнинг ўзини ўзи бошқариш органлари фаолиятини мувофиқлаштириш бўйича Республика кенгаши ва бошқа жамоат ташкилотлари билан биргаликда Рамазон ҳайитининг жойларда тартибли ҳамда халқимизнинг миллий ва диний анъаналарига муносиб тарзда, юқори даражада ўтиши учун тегишли чора-тадбирларни амалга оширсин.
4. Ўзбекистон Миллий телерадиокомпанияси, Ўзбекистон Миллий ахборот агентлиги ва бошқа оммавий ахборот воситаларига Рамазон ҳайитини нишонлаш билан боғлиқ тадбирларни кенг ёритиш тавсия этилсин.
5. Мазкур қарорнинг ижросини назорат қилиш Ўзбекистон Республикасининг Бош вазири А.Н.Арипов зиммасига юклансин.
Ўзбекистон Республикаси
Президенти                                              Ш.МИРЗИЁЕВ
Тошкент шаҳри,
2019 йил 30 май
 http://uza.uz/oz/documents/ramazon-ayitini-nishonlash-t-risida-30-05-2019

 

You may also like...

6 Responses

  1. Ramazon hayitini nishonlash to’g’risidagi prezident qarori haqida ma’lumotlar uchun rahmat ustoz.

  2. Asalomu alaykum qadirli yurtdoshlarim. Barchamizga Ramazon oyi muborak bõlsin. Xar bir inson tuğulib õskan vatanini faxir bilan tilga oladi va uni boshida kõtaradi. Biz nafaqa Õzbekistonda tuğulganimiz balki musulmon ekanligimizdan xam faxirlansak arziydi.

  3. Barchamizga yaqinlash kelayotgan Ramazon hayiti muborak bo’lsin

  4. Маълумотлар учун ташаккур Домла Уч илдиз сайтининг авзалликлари жуда кўп!

  5. Assalom alekum avvalam bor barchangizga yaqinlashib kelayotgan ramazon xayiti muborak bo’lsin. Ollohim shunday muqaddas kunlarga yetkazganiga shukur.

  6. Barchangizni yaqinlashib kelayotgan muqaddas bayramimiz Ramazon xayiti bilan chin qalbimdan tabriklayman

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>