Ўқишга киргизаман, деган қаллоб келажак илдизига болта уради…

Қабул атрофидаги қаллобларни аёвсиз фош этиш керак, дейди Дониш домла

дарғазаб бўлиб. Шунча имконият, шаффофлик, ҳақиқат ҳақида бонг урилаётган бир паллада бу номардларнинг қилмишини қаранг…

***

ДХХ ўқишга олиб киришни ваъда қилган ​«паровоз»ларни қўлга туширди​

08:41
29946

Бош прокуратура ҳузуридаги департамент ва Давлат хавфсизлик хизмати ходимлари ҳамкорликда олиб борган тадбир давомида олийгоҳга ноқонуний йўл билан абитуриентларни олиб кирмоқчи бўлган шоввоз қўлга олинди. Бу ҳақда O’zbekiston 24 телеканали хабар бермоқда.

Маълум қилинишича, 1984 йили Қашқадарё вилоятида туғилган Турғун Муҳаммадиев Тошкент давлат техника университетига ўқишга олиб киришни ваъда қилиб, 7 минг доллар миқдорида пора олаётган пайтда қўлга олинган.

Муҳаммадиев олган пулларининг бир қисмини жиноий шериги Бегзод Шералиевга бериши режалаштирилганди.

Улар биргаликда 3700 доллар эвазига Тошкент Молия институти 2 курс талабаси Шохруҳ Имомовни ғаразли мақсадда ёллаган. Гап шундаки, Шохруҳ абитуриент Жамолиддин Шодмонқулов ўрнига сохта ҳужжатлар билан Тошкент давлат шарқшунослик институтига ўқишга топшириши керак эди.

«Шохруҳ 3700 долларни олиб келинг, қолган тарафини ўйламанг, деганди», дейди Шералиев.

Бироқ, режа амалга ошмай, Шохруҳ Имомов ниятидан қайтганини билдиради. Бундан хабар топган Бегзод Шералиев у билан қайта музокара қилишни бошлаган.

Хабарда айтилишича, ушбу ишларни ташкиллаштирган жиноий гуруҳ бошлиғи Зайниддин Эсонов бўлиб, у Тошкент Молия институтидан талабаларни ушбу ишга фаол жалб этган.

Ҳуқуқ тартибот органлари ходимлари мазкур ҳолатни фош этиб, айни пайтда уларнинг фаолиятига нисбатан тергов ишлари давом этмоқда.

https://kun.uz/97567735

You may also like...

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>