Ижодкорлар учун илҳомбахш қарор

ЎзМУ  Ўзбекистон Ёзувчилар уюшмаси билан ҳамкорликда кўплаб адабий учрашувлар маънавий-маърифий тадбирлар ўтказмоқда.

Бу даргоҳдан Ўзбекистон Ёзувчилар уюшмасининг кўплаб аъзолари бўлган атоқли шоир ва адиблар, адабиётшунослар етишиб чиққанлар. Айни пайтда уларнинг издошлари бўлган ижодкор профессор-ўқитувчилар фаол меҳнат қилишмоқда ва шунга яраша эътиборда бўлмоқда, дейди Дониш домла фахр билан.

Аввал хабар берганимиздек, Президентимиз Шавкат Мирзиёевнинг “Ўзбекистон Ёзувчилар уюшмаси фаолиятини янада такомиллаштириш чора-тадбирлари тўғрисида”ги қарори қабул қилиниши муносабати билан Ўзбекистон Ёзувчилар уюшмасида тантанали тадбир бўлиб ўтмоқда.

Унда сўз олганлар маънавиятга, адабиётга юксак эътиборининг ёрқин намунаси бўлган мазкур тарихий қарори адабиётимиз ривожи йўлида янги босқични бошлаб беришини алоҳида таъкидлади. Ҳужжатда белгиланган вазифаларнинг ҳаётга татбиқ этилиши ижодкорларнинг ҳаётий манфаатларини таъминлаш, уларнинг жамият тараққиёти учун беқиёс аҳамиятга эга бўлган машаққатли ижодий меҳнатини муносиб қадрлаш, адабиёт ва санъат соҳасини ҳар томонлама ривожлантириш, бадиий ижод аҳлининг жамиятимиз ҳаётидаги ўрни ва таъсирини кучайтириш, истеъдодли ёш ижодкорларни тарбиялашга хизмат қилишини қайд этишди.