Халқаро симпозиум кенг ёритиб борилади

Мамлакатимизда кўплаб соҳалар қатори физика илми ва амалиётига ҳам алоҳида эътибор қаратилмоқда.

Мирзо Улуғбек номидаги Ўзбекистон Миллий университетида шу йил 10-11 ноябрь кунлари “Фундаментал ва амалий физика ривожланишининг янги тенденциялари: муаммолар, ютуқлар, истиқболлар” мавзуида халқаро симпозиуми ҳам ана шундай мақсадларга қаратилган.

Айни кунларда мазкур халқаро анжуманга қизғин ҳозирлик кўрилмоқда.

Ташкилий қўмитанинг навбатдаги йиғилишида халқаро симпозиумда иштирок этиши кутилаётган таниқли физик олимларни кутиб олиш, улар анжуманга тақдим этишаётган илмий мақолаларни чоп этиш ва бошқа ташкилий масалалар кўриб чиқилди.

Халқаро симпозиумни кенг ёритиб бориш мақсадида алоҳида веб-сайт ташкил этилади. Унда асосий маълумотлар, мақолалар ўзбек, инглиз ва рус тилларида ёритиб борилади.

 ЎзМУ Ахборот хизмати