Bayram guldastasi

O`z MU yigitlari faol qizlarni bayram bilan tabrikladi

            Mirzo Ulug`bek nomidagi O`zbekiston Milliy universiteti madaniyat saroyi kichik zalida 5-mart kuni Universitetimizning eng faol qizlarini bayram bilan tabriklash marosimi bo`lib o`tdi. Bayram dasturini o`zining kirish so`zi bilan ochib bergan Iqtidorli talabalar bilan ishlash bo`limi boshlig`i Jaloliddin Yusupov yig`ilganlarni yaqinlashib kelayotgan bayram bilan tabrikladi. Bayram tadbiriga taniqli aktyor Ulug`ek Qodirov tashrif buyurdi. U universitetimizning faol qizlarini bayram bilan qizg`in tabrikladi.

San’atkor o`z so`zida yoshlardan ilm olish zarurligini, kelajak yoshlar qo`lida ekanligini ta’kidladi. Yoshlik hammamizning umr karvonimizdagi eng ko`rkam fasl ekanligi haqida gapirdi.

Tadbirga yig`ilgan talabalar aktyorga o`zlarini qizitirgan savollar bilan murojaat qildilar. Davra suhbati shaklida o`tgan bu tadbir hammaning qalbida o`chmas iz qoldirdi.

Tadbir so`ngida Xorijiy filologiya, Ijtimoiy fanlar, Jurnalistika fakulteti talabalalaridan bir guruhi munosib taqdirlandi.

 Nosir Sherboyev,

jamoatchi muxbir