Ота-онасини шилган талаба

Бу ўша талабанинг ўзи ҳақидами, деган саволга муаллифдан жавоб (фикрнома) кутамиз, дейди Дониш домла

***

Музлаган хона… Кеча нималар бўлди?.. Билмайман… Хаёлларимни жамлай ололмаяпман. Дунёи азалга ҳаммани қийнаш учун келдимми? Миямнинг ичида сузаётган минг хил хаёллар мени қийнаб юборди. Кўзимни юмгани қўрқаман…

Меҳр қўйиб юрган инсонларимни қадамига зорман бугун. Огаҳий бобо, ёрдам беринг! Нетай, кўзим шу сулувдан ўзгасини кўрмай қолди.

Мен бахтлиман, лекин бахтли бўлгим келяпти. Инсонларга қанчалик интилсам, улар мендан шу қадар узоқлашмоқда. Ҳеч кимни дилини оғритмадим. Ўзимдаги бор имкониятларни кўра билдим ва унга шукр қилдим. Охирги уч баҳордан бери ёлғон гапирмадим. Деярли барча борада нафсимни қўлга олдим.

Мени жин урди, шекилли. Омадсизликка учрашимдан қўрқиб, ҳали бирон ишга қўл урганим йўқ. Ҳар босган қадамим, ўйларим, орзуларим берк қилингани етмаганидек, юрагим ҳам қулфланиб қолганга ўхшайди.

XXI аср. Ҳаётнинг гўзаллигини қаранг! Чўнтагида тўрт танга пули кўпайса, дарҳол янги хотин оладиганлар кўпайиб кетди. Йигирма етти йил давомида сабр, ихлос, фидоийлик каби тушунчаларни ўрганишга ҳаракат қилдим. Гуруч курмаксиз бўлмаганидек, инсонларнинг ҳам турфа хили бўларкан. Ёшингизга ёш қўшилиб, улғайганингиз сайин одамлар ҳақида хулоса чиқаришда мулоҳазакор, серхавотир бўлиб қолар экансиз.

Тоғдайману, ичимдан қулаб,тўкилиб боряпман, Огаҳий бобо! Одамларни шундай ўйлабману, улар мени қандай ўйлаши эса хаёлимдан кўтарилибди.

Мен бир ўғриман… Вақтида ота-онамни шилиб, суягини қуритган, ҳаётидан шодликни ўғирлаб, ғам аламга гирифтор қилган нокас мен бўламан!.. Яна шукр қиламан-а, яхши ҳам бошимда улар борлар деб.

Бу илоҳий тақдир йўлида ўзимга ўзим ҳамроҳ бўлиб қолдим, Огаҳий бобо! Ҳозиргача ота онамни ҳидлаб юрган бир боламан. Меҳрибоним, боқувчим, тарбиячим, кечирувчим отам, онам. Мени кечиринлар, эт билан тирноқни абадий ажратадиган кун келди!..

Жуфт керак менга, жуфт…

 Бахтишод Дусматов,

ЎзМУ журналистика факультети 4-босқич талабаси

You may also like...

18 Responses

  1. Билмадим… Ёзганларим балки даҳо Толстойнинг «Иқрорнома» сига қайсидир жиҳатдан ўхшаб кетар, аммо уларнинг барчаси қалбимдан отилиб чиққан фикрлар эди. Раҳмат, устоз! Биринчи марта ёзган мақоламни юксак баҳолаб, эълон қилганингиз учун. Йўл қўйилган имловий хатолар учун узр сўрайман. Уларни кейинги ижодимда такрорламасликка ҳаракат қиламан.

  2. Муаллифдан почтамга шундай хат келди:
    «Устоз, катта раҳмат! Очиғи, бу менинг биринчи марта ёзишим эди. Менда ўзимга бўлган ишонч ва ғайрат ҳисси янада ошди.
    Ижодингизга омад тилайман.
    Шу каби мақолаларни яна жўнатишга ҳаракат қиламан».

  3. Ushbu maqolada his-tuyg’ular bilan falsafiy fikrlar qorishib ketganga òxshaydi. Shu òrinda ustozimiz, Otabek Tillayev sòzlari yodimga tushdi. «Yozolmaydigan inson yoq. Har bir insonning òziga xos ajralib turadigan xususiyati bor. Yozmoqchimisiz hech narsadan qòrqmang. Ilhom kelgan vaqtda hayolingizga nima kelsa, nimani òylayotgan bòlsangiz tinmasdan yozavering. Mayli birinchi gapingiz ikkinchi gapingizga mos kelmasin. Bir bog’dan bir tog’dan bòlsa ham yozing va òqib kòring. Wu yozganingizda ham albatta oladigan fikrlar bòladi» degan edilar.

  4. Qodirjon Yusupov:

    Maqola hayotiy va tasirchan chiqqan. Eng muhimi hozirgi zamon yoshlariga o’rnak bo’ladigan bo’libti. Yuqoridagi gaplar borasida har birimiz fikir yuritib ko’rsak arziydi. Ahir ota-onamizni bog’lab bermaganku, bizlarni hech kimdan kam qilmay o’stirishdi o’qitishdi, har doim yonimizda bo’lishdi. Navbat bizga kelmaganmikan azizlar ota onamiz oldidagi qarzimizni qaytaraylik, keksayganlarida quvonchli ko’zlarini g’amga to’ldirmaylik. Istardimki, mana shunday maqolalar ko’payaversin sababi, insonlarga oyna bo’ladigan maqolalar juda qadrlidir. Muallif sizga rahmat, ijodingizga omad!

  5. Avvalo,ilk ijodingiz bilan tabriklaymiz. Eng katta yutuq siz uchun shuning o’zi deb o’ylayman.

  6. Murodjon O‘rinov:

    Mavzuga- o‘zi yashayotgan talabalar ham bor kechqurin ishlab.

  7. Оддийгина мақоламга билдирилган юксак фикрлар учун ҳаммага раҳмат!

  8. Birinchi qadam bilan tabriklayman.
    Juda kerakli bundanda dolzarb muammolarni ko’tarib chiqing albatta tanishib chiqamiz

  9. Darhaqiqat, farzand dunyoga keliboq ota-onasini quvontiradi, yig’latadi. Farzand ulgáygan sari ota-ona ham ulgáyib boradi. Uning quvonchiyu qaygúsiga sherik bo’ladi. Maqola, menimcha har birimiz haqimizda yozilgan. Bu haqda har bir farzand chuqur mushohada qilishi judayam zarur. Lekin faqat oh-voh chekish emas, bugungi kuningizdan ham hikmat qidirmogíngiz kerak. Bundan buyogíga harakat qilib, ota-onangizni dunyodagi eng baxtli insonlarga aylantiring. Ularni duosini oling.
    Bilasizmi, men maqolada ko’proq o’zimni ko’rdim. Rosti sizga o’xshab oýlardim. Ustozim To’lqin Eshbek esa qo’limdan tutib sizni rag’batlantirgani kabi meni ham rag’batlantirdi. Endi esa sizdek oýlamayapman, faqat va faqat oldinga intilyapman. Ustozim aytganlaridek, hali ko’p yutuqlarga erishsak bo’ladi.
    Ijodingizga omad!!!

  10. Maqolangizni o’qib chiqdim menga yoqdi.Kelajakda bundan ham katta yutuqlarga erishishingizga tilakdoshman

  11. «Ichingdagi ichingdadur» Movlono Jaloliddin Rumiy. Baxtishod Do’smatov. Avval eshitmaganman, tanimayman ham. Lekin, yana bir inson uyg’onayotganini ko’ryapman. Bu ijod emas, yaratiq.
    Ота-онасини шилган талаба
    Fikrlar yomonmas.
    Жуфт керак менга, жуфт…
    Yakun ham. Lekin, yangilik nimada? Yangilik — uyg’onish.

  12. Materialning yutug’i shundaki, u qalbni tirnay oladi. Albatta, qalbdan aytilgan so’zgina qalbga kira oladi.

  13. Durdona Safarova:

    Oxirgi pushaymon — o`zingga dushman, birq bu maqolni sizga nisbatan qo`llamayman, chunki siz xatoyingizni anglab yetgansiz.

  14. Yashang yaxshi maqola. Keyin yana bir narsa, puli ko’paysa yana xotin oladigan erkaklar qatori, puli ko’p erkaklarga qayta-qayta tegadigan ayollar ham talaygina. Birinchi ijod namunangizni yuqori baholagan bo’lardim. Oxirgi jumlalar judayam ajoyib: Juft kerak menga, juft…

  15. Haqiqatda ham qaysidir ma’noda Iqrornoma yozilganga o’xshaydi. Kimligingizni tanimasim-u lekin kelgusidagi ijodga omad

  16. Haqiqatda ham qaysidir ma’noda Iqrornoma yozilganga o’xshaydi. Kimligingizni tanimadim-u lekin kelgusidagi ijodga omad

  17. Fayyoz Achilov:

    Mavzu aniq, fikrlar teran. Hayot yo’lingizda yaxshi juft toping, deyman. Ijodingizga omad!

Добавить комментарий для Shoymardonov Shahboz 202 Отменить ответ

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>