Ўзбекистонлик талабалар Болгарияда математика бўйича халқаро олимпиадада 2 та олтин ва 2 та бронза медалларни қўлга киритди

Жорий йилнинг 22-28 июль кунлари Болгариянинг Благоевград шаҳрида

талабалар ўртасидаги анъанавий 25-халқаро математика олимпиадаси (International Mathematics Competition for University Students, www.imc-math.org.uk) бўлиб ўтди. Мазкур халқаро олимпиадада ўзбекистонликлардан 4 нафар талаба иштирок этди.

Ўзбекистон Миллий Университети математика факультетининг 4-босқич талабалари Ҳакимбой Эгамберганов ва Шоҳруҳ Ибрагимовлар олтин медаллар (1-даражали диплом), Тошкент шаҳридаги Турин Политехника Университети механик муҳандислик факультети 3-босқич талабаси Фаррух Мухаммадиев ва Ўзбекистон Миллий Университети математика факультетининг 1-босқич талабаси Толибжон Исмоиловлар эса бронза медаллар (3-даражали диплом) билан тақдирланди. Жамоага Швейцариянинг Берн Университети математика институти ҳамда Буюк Британиянинг University College London таълим муассасалари катта илмий ходими, математика фанлари доктори (PhD) Ориф Иброгимов раҳбарлик қилди.

Талабалар ўртасидаги энг нуфузли халқаро математика олимпиадаси ҳисобланмиш ушбу олимпиада 1994 йилдан буён мунтазам ўтказилиб келинмоқда. Олимпиадада қатнашчиларга икки кун давомида Алгебра (чизиқли ва абстракт), Анализ (ҳақиқий ва комплекс), Геометрия ва Комбинаторика соҳларидан масалалар берилади ва улардан ечимларини инглиз тилида тақдим этишлари талаб этилади. Олимпиададан сўнг қатнашчиларнинг ёзма ишлари жамоа раҳбари томонидан ҳимоя қилинади ва баллар тўпланади.

Таъкидлаш жоизки, Ҳакимбой Эгамберганов ва Шоҳруҳ Ибрагимовлар 2017 йилги талабалар ўртасидаги 24-халқаро математика олимпиадасида ҳам олтин медалларни қўлга киритган. Фаррух Мухаммадиев ва Толибжон Исмоиловлар эса академик Қори-Ниёзов хотирасига бағишланган 2018 йилги Республика математика олимпиадасининг ғолибларидир.

Жамоанинг ушбу халқаро олимпиадада иштирок этишида моддий ва ташкилий томондан кўрсатган ёрдам ва ҳомийликлари учун Ўзбекистон Миллий Университети раҳбариятига, Тошкент шаҳридаги Турин Политехника Университети раҳбариятига, Ўзбекистон Ёшлар Иттифоқи Марказий Кенгашига ҳамда хусусий тадбиркор Даврон Мадиримовга ўз миннатдорчилигимизни билдирамиз.

Жамоа раҳбари Ориф Иброгимов

https://daryo.uz/k/2018/08/01/ozbekistonlik-talabalar-bolgariyada-matematika-boyicha-xalqaro-olimpiadada-2-ta-oltin-va-2-ta-bronza-medallarni-qolga-kiritdi/

***

O‘zbekistonlik talabalar Bolgariyada matematika bo‘yicha xalqaro olimpiadada 2 ta oltin va 2 ta bronza medallarni qo‘lga kiritdi

Joriy yilning 22—28-iyul kunlari Bolgariyaning Blagoyevgrad shahrida talabalar o‘rtasidagi an’anaviy 25-xalqaro matematika olimpiadasi (International Mathematics Competition for University Students, www.imc-math.org.uk) bo‘lib o‘tdi. Mazkur xalqaro olimpiadada o‘zbekistonliklardan 4 nafar talaba ishtirok etdi.

O‘zbekiston Milliy Universiteti matematika fakultetining 4-bosqich talabalari Hakimboy Egamberganov va Shohruh Ibragimovlar oltin medallar (1-darajali diplom), Toshkent shahridagi Turin Politexnika Universiteti mexanik muhandislik fakulteti 3-bosqich talabasi Farrux Muxammadiyev va O‘zbekiston Milliy Universiteti matematika fakultetining 1-bosqich talabasi Tolibjon Ismoilovlar esa bronza medallar (3-darajali diplom) bilan taqdirlandi. Jamoaga Shveysariyaning Bern Universiteti matematika instituti hamda Buyuk Britaniyaning University College London ta’lim muassasalari katta ilmiy xodimi, matematika fanlari doktori (PhD) Orif Ibrogimov rahbarlik qildi.

Talabalar o‘rtasidagi eng nufuzli xalqaro matematika olimpiadasi hisoblanmish ushbu olimpiada 1994-yildan buyon muntazam o‘tkazilib kelinmoqda. Olimpiadada qatnashchilarga ikki kun davomida Algebra (chiziqli va abstrakt), Analiz (haqiqiy va kompleks), Geometriya va Kombinatorika sohlaridan masalalar beriladi va ulardan yechimlarini ingliz tilida taqdim etishlari talab etiladi. Olimpiadadan so‘ng qatnashchilarning yozma ishlari jamoa rahbari tomonidan himoya qilinadi va ballar to’planadi.

Ta’kidlash joizki, Hakimboy Egamberganov va Shohruh Ibragimovlar 2017-yilgi talabalar o‘rtasidagi 24-xalqaro matematika olimpiadasida ham oltin medallarni qo‘lga kiritgan. Farrux Muxammadiyev va Tolibjon Ismoilovlar esa akademik Qori-Niyozov xotirasiga bag‘ishlangan 2018-yilgi Respublika matematika olimpiadasining g‘oliblaridir.

Jamoaning ushbu xalqaro olimpiadada ishtirok etishida moddiy va tashkiliy tomondan ko‘rsatgan yordam va homiyliklari uchun O‘zbekiston Milliy Universiteti rahbariyatiga, Toshkent shahridagi Turin Politexnika Universiteti rahbariyatiga, O‘zbekiston Yoshlar Ittifoqi Markaziy Kengashiga hamda xususiy tadbirkor Davron Madirimovga o‘z minnatdorchiligimizni bildiramiz.

Jamoa rahbari Orif Ibrogimov

https://daryo.uz/2018/08/01/ozbekistonlik-talabalar-bolgariyada-matematika-boyicha-xalqaro-olimpiadada-2-ta-oltin-va-2-ta-bronza-medallarni-qolga-kiritdi/

You may also like...

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>