Ўзбек тили – фахримиз

Тошкент давлат иқтисодиёт университетида Республика Маънавият ва маърифат

маркази билан ҳамкорликда Ўзбекистон Республикасининг “Давлат тили ҳақида”ги қонуни қабул қилинганининг 28 йиллигига бағишлаб “Тил ва маънавият” номли маънавий-маърифий тадбир ўтказилди.

Университет проректори М.Комилов, Муқимий номидаги Ўзбекистон давлат мусиқали театри директори Мирза Азизов ва бошқалар она тилимизни асраб-авайлаш, эъзозлаш, ҳаётимиздаги ўрни ва аҳамиятини янада кучайтириш, давлат ва жамоат ташкилотларида “Давлат тили ҳақида”ги қонун ижросини таъминлашга алоҳида эътибор қаратилаётганини таъкидлади.

– Ўтган йигирма саккиз йил ичида она тилимизнинг мавқеини юксалтириш йўлида улкан ишлар амалга оширилди, – дейди Алишер Навоий номидаги Тошкент давлат ўзбек тили ва адабиёти университети профессори Бахтиёр Менглиев. – Бугунги кунда давлат аҳамиятига молик йирик учрашувлар, халқаро анжуманлар, тадбирлар, нуфузли спорт мусобақаларида ўзбек тили фаол қўлланилмоқда. Она тилимизнинг илғор ахборот-коммуникация технологиялари, замонавий илм-фаннинг барча йўналишлари, иқтисодиёт, банк-молия тизимида кенг ишлатилаётгани унинг имкониятлари нечоғли юқори эканидан далолатдир.

Тадбирда ёш авлодда миллий ўзликни англаш, Ватанга муҳаббат, унинг тақдири учун дахлдорлик, фидойилик туйғуларини мустаҳкам қарор топтиришда она тилимиз асосий омиллардан экани ҳақида сўз юритилди.

Шаҳноза Маматуропова, ЎзА
***
IMG_2400
Ушбу маънавий-маърифий тадбирда ЎзМУ Журналистика факультети доценти, Ўзбекистон Ёзувчилар уюшмаси аъзоси  Тўлқин Эшбек ва «Театр» журнали бош муҳаррири, шоир Азизжон Турдиевнинг маърузалари талабаларда катта қизиқиш уйғотди.

You may also like...

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>