ЎзМУда кўклам таровати

Мирзо Улуғбек номидаги Ўзбекистон Миллий университетида март ойи – “Кўкаламзорлаштириш ва ободонлаштириш ойлиги” деб эълон қилинди.

х2

Ҳаётда ҳеч бир иш ўз-ўзидан бўлиб қолмайди. Аввал режа тузилади, ният қилинади. Юртимизда азал-азалдан кўклам нафаси сезилиши ҳамоно наинки деҳқонлар, шу билан бир қаторда азим шаҳарлар-у маҳалла-кўйларда ҳам фаол инсонлар теварак-атрофни кўкаламзорлаштириш ва ободонлаштиришга енг шимариб киришишлари ўзига хос анънага айланган.

р2

Ўзбекистон Республикаси Президенти Ислом Каримовнинг “2016 йилги Наврўз умумхалқ байрамига тайёргарлик кўриш ва уни ўтказиш тўғрисида”ги Қарорида ҳам “янги деҳқончилик мавсумининг бошланиши, яшариш ва янгиланиш, қут-барака, ободлик ва фаровонлик рамзи бўлмиш Наврўз фаслида маҳаллаларда, шаҳар ва қишлоқларимизда ҳашарлар, кенг кўламдаги ободончилик ва кўкаламзорлаштириш ишларини ташкил этиш” масалаларга алоҳида эътибор қаратилгани Миллий университетимиз мураббийларидан тортиб талабаларигача бирдек илҳомлантириб юборди.

р1

ЎзМУ ректори Шуҳрат Сирожиддиновнинг шу ой ҳар якшанба – “Ҳашар куни” деган таклифини барча факультет етакчилари қизғин қўллаб-қувватладилар.

р5

Сўзи билан иши бир университет жамоаси эрта кўкламдан енг шимариб ишга киришган.

р4

Ҳар куни дарслардан сўнг мураббийлар ва талабалар бироз хордиқ чиқаргач, режа асосида ишга киришадилар. Дастлаб университет ўқув бинолари теварак-атрофидан тортиб йўлаклар-у хиёбонларгача саранжом-саришта қилинди.

х1

Бола – оиласининг ойнаси, қуш инида кўрганини қилади, деган гаплар бежиз айтилмаган. Турли вилоятларда, шаҳару қишлоқларда улғайган йигит-қизларнинг бугун ўз ўқув биноларини саришталаш ҳамда деҳқончилик ишларида ўзларини қай даражада кўрсатаётганини кузатган киши беихтиёр “Ота-онангга балли!” дея дуо қилиб юбориши тайин. Улар худди ўз уйларини обод қилаётгандек меҳр ва шижоат ила енг шимарганлар!

1

Айниқса, Физика, Кимё, Биология-тупроқшунослик, Механика-математика, География-геология, Ижтимоий фанлар, Журналистика, Ўзбек филологияси, Тарих, Иқтисодиёт факультетлари талабалари, “Камолот” ёшлар ижтимоий ҳаракати фаоллари ишнинг кўзини билган ота-оналардан тарбия олганларини ҳар қадамда ҳис этасиз.

2

“Ёшлик” Талабалар турар-жойлари, спорт мажмуалари атрофларигача файз киритилди.

3

Бу йил университет ҳудудига 150 минг дона райҳон, 100 минг дона турли гул кўчатлари экилиши режалаштирилмоқда.

4

26

Мазкур гул кўчатлари “Ботаника” ўқув тажриба базасининг иссиқхонасидан пешма-пеш олиниб, белгиланган жойларга ўтқазилади.

5

Самодан, жилла қуриса, баланд бино (айтайлик, университет бош биноси) томидан назар ташласангиз ЎзМУ ва унга тегишли бинолар, Талабалар турар-жойлари худди қалин ўрмонда, аниқроғи, серфайз боғлар ичида жойлашганини кўриб, баҳри-дилингиз очилади.

6

23

Бу жаннатмакон масканга янада файзу тароват бахш этиб турган “Ботаника” ўқув тажриба базаси ҳудудида амалга оширилаётган ишларни кузатган кишининг дили яйраб кетади.

7

11

Бу серфайз боққа икки четида оппоқ либос кийгандек гулга бурканган ўриклар ҳамда қишин-ёзин яшил либосда турадиган арчалар саф тортган йўлакдан ўтиб борасиз.

13

12

Боғ бошида эзгулик тимсоли бўлган Оққуш ва унинг ортида мағрурлик ҳамда жасурлик рамзига айланган Бургут сизга пешвоз чиққандек бўлади.

15

Турфа гулларга бурканган боғда қўли қўлига тегмай ишлаётган йигитларни ана шу мағрур Бургутга, чевар қизларни эса беозор Оққушга қиёс этгингиз келади. Чиндан-да серғайрат йигитларнинг толмас билаклари Бургутнинг қанотларидан асло кам эмас. Қизларнинг латофати-ю малоҳати Оққушни ҳам маҳлиё этса не ажаб!

9

22

Болалигимизда барчамизни мафтун этган “Оқ кема” фильмидаги она Кийикка ҳавас билан билан қараганмиз. Бугун ана шу афсонавий жонивор тимсолини ҳам худди боғ адоғида кўришингиз мумкин!

19

18

Ҳайратомуз тепаликда мағрур турган она Кийик бутун боққа ўзгача файз киритиб турганини тасвирлашга тил ожизлик қилади.

17

Мана шу жозибали манзаралар Миллий университетда миллий қадриятлар қанчалик қадр топаётганидан, ёшлар қалбида она табиатга муҳаббат туйғулари қай даражада жўш ураётганидан нишона, дегимиз келади.

8

25

Чунки, уларнинг барчаси мана шу серғайрат йигитларнинг толмас билаклари, чевар қизларнинг меҳнатлари самарасидир! Иш бошида турган мураббийлари ҳам бамисоли ота-оналаридек уларни чинакам ҳаётга – парвозга отлантираётдек таассурот қолдиради.

10

14

Боғ оралаб, анвойи гуллардан сармаст бўлган чоғингиз кўклам насими ила қулоқларингизга беихтиёр шундай ажиб сатрлар эшитилгандек туюлаверади: “Мен нечун севаман Ўзбекистонни?”

16

24

Бу пурмаъно саволга жавобни эса Миллий университетимизнинг мана шу жаннатмакон боғларидан топаверасиз.

21

27

Умид билан суқулган таёқ, бир кун берар мева-ю япроқ.

Улуғбек УСМОНОВ,

Мирзо Улуғбек номидаги Ўзбекистон Миллий университети

Олий журналистика курси магистранти.

You may also like...

6 Responses

  1. Zaynobiddin:

    Ha, baxor benixoya gozallik, poklik va yangilanish fasli hisoblanadi. Bu fasilda inson ona yerga bir tup ko’chat ekar ekan, eng ezgu tilaklar bilan ekadi va avlodlarim shu daraxt mevasi va soyasidan baxramand bo’lsin deya niyyat qiladi. Bu holatni «O’zMUda baxor tarovati» nom ostidagi maqolada uchratib turibmiz. Ayni kunlarda yurtimiz uzra yasharish faslidagi ilk ayyom «8 — mart Xotin qizlar» bayrami kezib yuribdi. Barcha ayollarni muborak bot etamiz.

  2. Zaynobiddin Qodirov:

    Ha, baxor benixoya gozallik, poklik va yangilanish fasli hisoblanadi. Bu fasilda inson ona yerga bir tup ko’chat ekar ekan, eng ezgu tilaklar bilan ekadi va avlodlarim shu daraxt mevasi va soyasidan baxramand bo’lsin deya niyyat qiladi. Bu holatni «O’zMUda baxor tarovati» nom ostidagi maqolada uchratib turibmiz. Ayni kunlarda yurtimiz uzra yasharish faslidagi ilk ayyom «8 — mart Xotin qizlar» bayrami kezib yuribdi. Barcha ayollarni muborak bot etamiz.

  3. Azizbek Ramazonov:

    Obodlik ko`ngildan boshlanadi. Ko`nglida g`ubori bo`lmagan odamning uyi ham, o`qish yoki ish joyi ham ozoda bo`ladi. Bu fikrimning isbotini O`zbekiston Milliy Universitetiga, ayniqsa, Jurnalistika fakultetiga tashrif buyurib, ko`rishingiz mumkin! Hormang, mehnatkashlar!

  4. Fizika fakultetining jonkuyar talabalariga omad. Fakultetimiz ravnaqiga hissa qo’shishmoqda.

  5. Fotihbek Abdurahimov 201-guruh:

    Bir ko’chat eksang, avlodlaringning bir umrlik tashakkur aytishlariga sazovor bo’lasan deyishadi qadimgilar. Sababi- avlodlaringiz o’sha ko’chat daraxt bo’lgan payitda soyasida o’tirishadi, mevalaridan baxramand bo’lishadi. Maqolani o’qisangiz universitetimiz hududida shu yilda 250 mingdan ortiq mevali va boshqa turdagi ko’chatlar ekilayotganligini bilib olishimiz mumkin. Demak universitetimiz talaba yoshlari va ustozlarimiz bir umrga yetgulik savob ish bilan mashg’ullar.

  6. Bahor shunday faslki, u yangilikni, harakatni, va mayinlikni talab etadi. Bizning universitetimizda ham ko’klam nafasi sezilmoqda va bu juda yoqimli.

Добавить комментарий для Zaynobiddin Отменить ответ

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>