ЎзМУда “Ёшларга оид давлат сиёсати тўғрисида”ги қонун моҳияти ўрганилмоқда

Ёш авлоднинг ҳуқуқий билим ва маданиятини юксалтириш давлатимиз сиёсатининг устувор йўналишларидан биридир.

Мирзо Улуғбек номидаги Ўзбекистон Миллий университетида навбатдаги “Ахборот соатлари” машғулотлари мавзуи Ўзбекистон Республикасининг “Ёшларга оид давлат сиёсати тўғрисида”ги қонуни моҳиятини ўрганишга бағишланди.

– 2016 йил 15 сентябрда кучга кирган мазкур қонунда ҳозирги замон талабларини ҳисобга олган ҳолда ёшларга оид давлат сиёсатининг устувор йўналишлари мустаҳкамлаб қўйилган,– дейди ЎзМУ Мураббийлар кенгаши раиси Аброр Хидиров.– Жамиятимизнинг демократия йўлидан жадал ривожланиши ва бу борадаги ислоҳотларнинг самараси кўп жиҳатдан мустақил ҳаётга кириб келаётган ёшларнинг ҳуқуқий маданияти даражасига боғлиқ экан, бу қонун моҳиятини ҳар бир талаба теран англамоғи лозим. Эътибор берсангиз, қонунда ёшларга оид давлат сиёсатини амалга оширувчи орган ва муассасаларнинг вазифалари, ваколатлари ҳамда жавобгарлиги белгилаб қўйилган. Улар зиммасига ёшларга оид давлат сиёсатини рўёбга чиқариш, таълим, соғлиқни сақлаш, маданият, спорт, меҳнат ва бошқа соҳаларда ёшларнинг ҳуқуқлари ва қонуний манфаатларини таъминлашга қаратилган талаблар, норматив-ҳуқуқий ҳужжатлар шак-шубҳасиз ижро этилишини таъминлаш, ҳуқуқий тарғиботга доир чора-тадбирларни амалга ошириш, ёшлар орасидаги ҳуқуқбузарликларнинг олдини олиш, жамоат ташкилотлари билан ҳамкорлик қилиш вазифалари юклатилган. Бу вазифаларни тўлақонли амалга оширилиши учун мутасаддилар ҳам, қонун истеъмолчилари ҳам унинг мазмун-моҳиятини теран англаб олмоғи лозим.

“Ахборот соатлари” машғулотларида талабалар бу борада ўзларини қизиқтирган барча саволларига муфассал жавоблар олдилар.

 ЎзМУ Ахборот хизмати

***

ёк8 ёк1 ёк2 ёк3 ёк4 ёк5 ёк6 ёк7

O`zMUda “Yoshlarga oid davlat siyosati to`g`risida”gi qonun mohiyati o`rganilmoqda

 Yosh avlodning ququqiy bilim va madaniyatini yuksaltirish davlatimiz siyosatining ustuvor yo`nalishlaridan biridir.

Mirzo Ulug`bek nomidagi O`zbekiston Milliy universitetida navbatdagi “Axborot soatlari” mashg`ulotlari mavzui O`zbekiston Respublikasining “Yoshlarga oid davlat siyosati to`qrisida”gi qonuni moqiyatini o`rganishga bag`ishlandi.

– 2016 yil 15 sentyabrda kuchga kirgan mazkur qonunda hozirgi zamon talablarini hisobga olgan holda yoshlarga oid davlat siyosatining ustuvor yo`nalishlari mustahkamlab qo`yilgan,– deydi O`zMU Murabbiylar kengashi raisi Abror Xidirov.– Jamiyatimizning demokratiya yo`lidan jadal rivojlanishi va bu boradagi isloqotlarning samarasi ko`p jiqatdan mustaqil hayotga kirib kelayotgan yoshlarning huquqiy madaniyati darajasiga bog`liq ekan, bu qonun mohiyatini qar bir talaba teran anglamog`i lozim. E’tibor bersangiz, qonunda yoshlarga oid davlat siyosatini amalga oshiruvchi organ va muassasalarning vazifalari, vakolatlari hamda javobgarligi belgilab qo`yilgan. Ular zimmasiga yoshlarga oid davlat siyosatini ro`yobga chiqarish, ta’lim, sog`liqni saqlash, madaniyat, sport, mehnat va boshqa sohalarda yoshlarning huquqlari va qonuniy manfaatlarini ta’minlashga qaratilgan talablar, normativ-huquqiy hujjatlar shak-shubhasiz ijro etilishini ta’minlash, huquqiy targ`ibotga doir chora-tadbirlarni amalga oshirish, yoshlar orasidagi huquqbuzarliklarning oldini olish, jamoat tashkilotlari bilan hamkorlik qilish vazifalari yuklatilgan. Bu vazifalarni to`laqonli amalga oshirilishi uchun mutasaddilar ham, qonun iste’molchilari ham uning mazmun-moqiyatini teran anglab olmog`i lozim.

“Axborot soatlari” mashg`ulotlarida talabalar bu borada o`zlarini qiziqtirgan barcha savollariga mufassal javoblar oldilar.

 O`zMU Axborot xizmati

 

You may also like...

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>