Сенга аталди шеърим,
Қимирламай тур, Ерим!
Тинч ҳаётнинг қадрини,
Яхши билади Элим!
Бир лаҳзалик зилзила,
Солди ғулу юракка.
Бебаҳо ҳаётни ҳеч,
Айлантирманг эрмакка.
Кўраётган кунимиз,
Асли шундай омонат.
Довонлардан ошмоққа,
Керак катта матонат!
Биз-ку яшадик бироз,
Кўриб ҳаёт лаззатин.
Энди бола-чақанинг,
Кўрмоқ истайсан бахтин!
Бўлар-бўлмасга асло,
Ёзавермайман мен шеър.
Фақат сокин айланса,
Жаннатмакон она Ер!
Дониш домла.
***
Тошкентда ер қимирлади

Бугун, 23 январь куни соат тонги Тошкент вақти билан 6:26да Ўзбекистоннинг шарқий ҳудудларида зилзила қайд этилди.
Бу ҳақидаги расмий маълумотлар ҳозирча берилмаган.
http://asr.uz/all/uzbekiston/toshkentda-er-imirladi/
***
Тошкентда 4 балли ер силкиниши. Эпицентр пойтахтдан 31 км масофада
Бугун, 23 январь куни соат Тошкент вақти билан 6:26да Ўзбекистоннинг шарқида зилзила қайд этилди.
Тошкент шаҳри аҳолиси 3,5-4 балл атрофидаги ер қимирлаши кучини сезишган.
«Тошкент» сейсмостанцияси «Kun.uz»га тасдиқлашича, 4 балли зилзила эпицентри Қозоғистон жанубида, Тошкентдан 18 километр масофадаги Сариоғоч тумани ҳудудида жойлашган.
Европа—Ўрта ер денгизи сейсмология маркази бу вақтда Ўзбекистон шарқида зилзилани қайд этган.
Зилзила эпицентри Сариоғоч шаҳридан 16 километр шимоли-шарқда, Тошкентдан 31 километр шарқда, 10 километр чуқурликда бўлгани билдирилмоқда. Эпицентрда зилзила кучи 4,6 баллни ташкил этган.
http://kun.uz/92732674
Сўнгги фикрлар