Muhabbat va ayriliq

Tarjimon talaba izlanishlaridan 

Bog’ chetidagi bir biriga oshiq ikki qalbni zimdan kuzatib turgan ayriliq, muhabbatga qarata shunday dedi:

— Garov o’ynaymizmi? Men ularni ajratib yuboraman.

Shoshib qolgan sevgi javob qaytardi:

— Shoshma, kel bunday qilamiz. Avval men ularga birozgina yaqinlashay, mendan keyin sen ularga peshvoz chiq. Shundan so’ng ko’ramiz, sen ularni ayira olarmikinsan yoki yo’q.

Ayriliq rozi bo’ldi. Muhabbat yosh juftlikka juda yaqin kelib, ularga o’zining qaynoq taftini ulashdi va ko’zlaridagi ishq uchqunlarini yanada ko’proq alanga oldirdi.

Ayriliqqa qarata ,, endi sening navbating » dedi.

— Yo’q, hozircha men hech narsa qila olmayman, hozir ularning yuragi sevgi otashi ila liq to’la. Men keyinroq kelaman.

Oradan vaqt o’tdi. Uy uchiga zimdan boqqan hijron, qo’lida chaqaloq tutgan yosh ona va mehnatkash otani ko’rdi. Sevgi ularni allaqachon tark etgan degan o’y bilan ostona hatladi. Lekin ularning ko’zlariga boqib, nigohlarida bir biriga bo’lgan Minnatdorchilik tuyg’ularini ko’rdi. Ortiga burildi va dedi:

— Men yana keyinroq kelaman.

Oradan yana biroz vaqt o’tdi.Hijron qaytadan tashrif buyurdi. Uy ichida bolalar shovqin solishardi. Oila boshlig’i ishdan charchab kelgan, ayoli esa bolalarni tinchlantirishga urinardi. ,, Ana endi men o’z vazifamni bajara olaman. Zero, bu vaqt ichida sevgi va minnatdorlik tuyg’ulari allaqachon ularning yuragidan o’chib ketgan bo’lishi kerak, — o’yladi ayriliq. Ammo, ularning ko’zlariga boqib, bir biriga bo’lgan Hurmat va Ishonchni ko’rdi va ortiga qaytib ketdi.

Oradan bir muncha vaqt o’tdi. Ayriliq qaytadan ularning xonadoniga tashrif buyurdi. Bolalar ulg’ayishgan, sochiga oq oralagan ota farzandlariga nimalarnidir tushuntirar, ayoli esa ularga ovqat tayyorlash bilan band edi. Ularning ko’zlariga boqib xafsalasi pir bo’lgan hijron, u nigohlarda chinakam Mehrni ko’rdi.

— Men yana keyinroq kelaman, — biroz ortga chekindi ayriliq.

Oradan yana ancha vaqt o’tdi. Hijron qarasa-ki, uy ichi nabiralar bilan to’lgan. O’rindiqda esa mayus holda kampir o’tirardi. Ayriliq o’ziga o’zi dedi:

— Ana endi mening vaqtim kelganga o’xshaydi.

U ayolning ko’zlariga boqmoqchi edi, lekin ayol o’rnidan turdi va tashqariga chiqdi. Birozdan so’ng bir qabr tepasiga kelib o’tirdi. Bu uning erining qabri edi.

— Eh, men kechikkanga o’xshayman. Vaqt mening o’rnimga vazifamni bajarib bo’libdi, — deya ayolning yosh to’la ko’zlariga boqqan ayriliq u nigohlarda Xotirani ko’rdi. Bu otashin Sevgi, Minnatdorlik, Hurmat, Mehr va Ishonchning o’lmas Xotiralari edi…

 

Rus tilidan Zilola Navro’z tarjimasi

You may also like...

9 Responses

  1. Judayam ta’sirli yozilgan hikoya ekan. Har birimizning hayotimizni sevgi, hurmat, mehr-muhabbat, sadoqat kabi ulug’ ne’matlar bezasin.

  2. Ajoyib fikrlaringizga qo’shilaman Shohsanam

  3. Қани эди ҳаётда ҳам мазкур ҳикоядаги каби бўлса… Баъзан биз ёшлар шошма шошарлик қилиб, биздан йироқлашган айрилиқни ўзимиз буюртма бериб чақириб қоламиз.

  4. Syujet qiziqarli va ta’sirli ekan.Ijodingizga omad

  5. Durdona Safarva:

    Insondan ana shunday go`zal insoniy tuyg`ular, xususiyatlar meos bo`lib qoladi. Umrning asl mazmuni ham shundadir. Haqiqatda, ajoyib!

  6. Hikoyangiz insonni ta’sirlantirmasdan qo’ymaydi desak mubolag’a bo’lmaydi.Bu hikoyani o’qigan inson chuqur o’yga toladi. Menga juddayam yoqdi.

  7. O’ziga xos, noodatiy uslubda yozilganligi shaxsan manga juda yoqdi. Ayniqsa oxirgi jumlalar:— Eh, men kechikkanga o’xshayman. Vaqt mening o’rnimga vazifamni bajarib bo’libdi, — deya ayolning yosh to’la ko’zlariga boqqan ayriliq u nigohlarda Xotirani ko’rdi. Bu otashin Sevgi, Minnatdorlik, Hurmat, Mehr va Ishonchning o’lmas Xotiralari edi…

  8. Mana shunga o’xshash kichik «asar»lar uchildiz.uz da yanada ko’paysa yaxshi bo’lar edi.

  9. Sevinch Norqobilova:

    Tarjima yaxshi chiqibdi. Ammo ijod namunasining muallifi kim? shuni bilolmay qoldim…

Добавить комментарий для Durdona Safarva Отменить ответ

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>