ортидан ўқитувчи анча танбеҳ эшитди, мулзам қилинди… Аслида ҳаммаси тўғри қилинди! Бундан хафа бўлишга асло ҳаққимиз йўқ! Аксинча, Таълим инспекциясига, назоратчиларга ташаккур айтамиз. Шукрки, дарсимиз сифати, савияси юқори баҳоланди. Бир пара дарсимизни кузатиб ўтирган назоратчи домламиз Неъмат ака машғулот охирида ўз таассуротларини аудиторияда очиқ-ошкора айтганида талабалар ҳам қувониб кетдилар. Ҳадемай дарс якунланади. Машғулотлар давомида дарсга келмаган ёки «кечикиш касали»дан қутула олмаган талабалар табиийки жорий ва оралиқ назоратларидан жуда паст балл олдилар. Анча-мунчаси якуний назоратга кириш учун етарлича балл тўплай олмаганлари маълум қилинди. Бироқ, Устоз — отангдан улуғ, мақолининг мантиқий давомини жорий этган Дониш домла унга — Шогирд болангдан азиз, дея қўшимча қилган. Шу мақолга амал қилиб талабаларга имкон берди. Яъни, тайёр маърузалар матнини талабалар эътиборига ҳавола этиб, уларни қунт билан ўқиш ва тушунганлари, олган билимларини фикрнома орқали баён этиш вазифасини юклади. Талабалар ёзган фикрномалари орқали ўзларининг билим ва савияси, саводхонлик, фикрлаш даражасини кўрсатади. Шунга яраша тўплаган балига қўшимча қўшиш албатта адолатдан бўлади.
Марҳамат, талабаларимизнинг «Ахборот-психологик хавфсизлик» фанидан маърузаларимизга фикрномалари билан танишинг. Хўш, уларга қанча қўшимча балл қўйсак арзийди?
Яна бир огоҳлантириш. Баъзи ҳолларда «орқаси бақувват» айрим талабалар ўқитувчи қўйган баҳони ўзгартиришга ўрганиб қолганлар. Бу гал дастлабки «ведемость» нусхаси Таълим инспекциясига тақдим этилади ва «ўзгартириш» киритиш зарур бўлса, ўзлари ҳал этади. Мақсад — таълим сифатини ошириш, талабаларни тўғри тарбиялаш ва етук кадр тайёрлашдир!
Фан ўқитувчиси: доцент Тўлқин Эшбек
Axborot — davlat va jamiyat rivojlanishining muhim omili ekan, biz bunga befarq qaray olmaymiz. Ma’ruza tushunarli qilib berilgan. Rahmat ustoz
O’rinboyeva KamolaxonBugungi globallashuv asrida axborotga bo’lgan talab har qachongidan ko’ra, kuchayib bormoqda. Shunday ekan xolis va haqqoniy axborotlarni tarqatish, ommaning bu mahsulotga bo’lgan ehtiyojini qondirish har qachongidan ko’ra bugungi kunda dolzarb ahamiyat kasb etmoqda. Ma’lumki, demokratik jamiyatda OAV , teleradio kanallar odamlarni xolis va haqqoniy axborot yetkazadigan , gumanistik qarashlar, ilg’or g’oyalarni ifoda qiladigan erkin minbar sifatida e’tibor beriladigan vositadir. Aslida ham shunday. Bugun jahon miqyosida bo’layotgan olamshumul o’zgarishlar , iqtisodiy taraqqiyot, ilm-fandagi inson aqlini lol qoldiradigan yangiliklar-u ixtirolar barcha-barchasi ommaviy axborot vositalari orqali ma’lum bo’lmoqda. Axborotlashish, bu umumjahon jarayoni bo’lib, taraqqiy etgan mamlakatning jahon bozoridagi peshqadamligi, iqtisodiy o’sishi va milliy xavfsizligini ta’min etadi. Bilamizki, axborotlashish jarayoni obyektiv va qonuniy jarayon bo’lib , o’ziga xos bir qancha ijobiy xususiyatlarga ega. Bu jarayon birinchi galda davlatlarga xalqaro maydonga erkin chiqishga , boshqalar bilan yaqindan hamkorlik olib borishga hamda o’z milliy manfaatlarini turli xil xalqaro va nodavlat tashkilotlar doirasida ta’minlashga keng imkoniyatlar beradi.
Ustoz, ushbu ma’ruzangiz orqali bizga katta ko’nikma va g’oyalar berdingiz. Sizga ulkan tashakkur.
Зокирова Мадина
Sitora Samadjonova
Jurnalist har qanday gapini 3 ta asosi ya’ni, metodologik, huquqiy, nazariy asoslari bilan o’qib yozishi yoki gapirishi lozimligini bilib oldim.